Gujarati News

નવી દિલ્હીઃ ભારતમાં અનેક કાર્સ નવા અવતારમાં આવવા માટે તૈયાર છે. જેમાં કેટલીક કાર જૂના મોડલને રિપ્લેસ કરશે તો કેટલીક પોતાની જ કંપનીની અન્ય બીજી કારને રિપ્લેસ કરશે. જેમાં અનેક ફેમસ કારનો સમાવેશ થાય છે. અમે તમને જણાવી રહ્યાં છીએ એવી જ પાંચ કાર વિશે જે પોતાના નવા અવતારમાં કાર લવર્સની પસંદ બની શકે છે.

નવી અર્ટિગા

આ કાર મારુતિની સૌથી સફળ કાર્સમાંથી એક છે. હવે કંપનીએ તેને નવા લૂકમાં લાવવાની યોજના બનાવી છે. જેમાં નવી હેડલેમ્પ યુનિટ, નવી ગ્રિલ સાથે બમ્પરમાં પણ બદલાવ કરવામાં આવ્યો છે. નવી અર્ટિગામાં ઓટોમેટિક ક્લાઈમેટ કંટ્રોલ સાથે પુશ બટન સ્ટાર્ટ, કીલેસ એન્ટ્રી અને ઓટોમેટિક ટ્રાન્સમિશન આપવામાં આવશે. જેમાં સુઝુકીનું નવું 1.5 લીટર પેટ્રોલ એન્જિન લગાવવામાં આવશે. જે 102 બીએચપીનો પાવર જનરેટ કરશે. જેની શરુઆતની કિંમત 6.5 લાખ હોય શકે છે. આ કાર ઓક્ટોબરમાં લોન્ચ થવાની શક્યતા છે.

વેગન આર

આ વિશ્વસનીય અને ફેમસ કાર છે. હવે કંપની તેને નવા મોડલથી રિપ્લેસ કરવાની છે. કારની ડિઝાઈન તો જૂની કાર જેવી જ હશે પરંતુ તેમાં કેબિન અને બૂટ સ્પેસ વધારે હશે. આ ઉપરાંત તેમાં લાઈટ્સ, નવી ઈન્ટિરિયર થીમ અને ડેશબોર્ડ ડિઝાઈન પણ અપગ્રેડ કરવામાં આવશે. જેમાં 1 લીટર પેટ્રોલ એન્જિન, પાંચ સ્પીડ મેન્યુઅલ ટ્રાન્સમિશન અને એએમટી ઓટોમેટિક ગિયરબોક્સ પણ હશે. જેની કિંમત 4.5 લાખથી શરુ થશે.

નવી ઓલ્ટો

મારુતિની આ ફેમસ કારને પણ નવી ડિઝાઈન સાથે રિપ્લેસ કરવામાં આવશે. નવા મોડલમાં અનેક ફેરફાર કરવામાં આવ્યાં છે. જેમાં 660 સીસીનું એન્જિન હોય શકે છે અને આ ઉપરાંત 51 બીએચપી પાવર અને 63 એનએમ ટોર્ક જનરેટ કરશે. આ કાર ફેબ્રુઆરી 2019 સુધીમાં લોન્ચ થઈ શકે છે.

નવી હોન્ડા સીઆરવી

હોન્ડા પોતાની આઈકોનિક ફ્લેગશિપ એસયુવી Honda CR-Vનું બ્રાન્ડ ન્યૂ વર્ઝન લોન્ચ કરવાની તૈયારીમાં છે. હોન્ડા આ મોડલને ડીઝલ અને પેટ્રોલ, બન્ને એન્જિન સાથે લાવશે. જેમાં 1.6 લીટર, ચાર સિલિન્ડર, ટર્બોચાર્જ્ડ યુનિટ હશે. આ એન્જિન 120 બીએચપીનો પીક પાવર અને 300 Nmનો પીક ટોર્ક જનરેટ કરશે. એન્જિનને 9 સ્પીડ ઓટોમેટિક ગિયરબોક્સથી સજ્જ હશે. તેનું 2.0 પેટ્રોલ એન્જિનવાળું મોડલ 154BHPનો પીક પાવર અને 192Nmનો પીક ટોર્ક જનરેટ કરશે. આ કારની કિંમત અંદાજે 30 લાખ રુપિયા હોય શકે છે.

હ્યુંન્ડાઈ ઈયોનની જગ્યાએ નવી સેન્ટ્રો

ન્ડાઈની લોકપ્રિય કોમ્પેક્ટ હેચબેક ઈયોનની જગ્યા હવે નવી સેન્ટ્રો લેશે. આ કાર ભારતમાં હ્યુંન્ડાઈની પહેલી એવી કાર હશે જે એએમટી ટ્રાન્સમિશન સાથે આવશે. આ કાર સેફ્ટી અને ફીચર્સ સહિત દરેક મામલે ઈયોન કરતા ઉત્તમ હશે. તેની કિંમત 3.5 લાખથી 5.5 લાખ રુપિયા હોય શકે છે. આ વર્ષના અંત સુધીમાં સેન્ટ્રો લોન્ચ થઈ શકે છે.