Gujarati News

અમદાવાદઃ કોઈ પણ જગ્યાએ ફરવા જઈએ અને શોપિંગ ના કરીએ તો કંઈક ખુટતું હોય તેવું લાગે. સામાન્ય રીતે શોપિંગનો ટાઈમ વિકએન્ડમાં જ મળતો હોય છે. તમે જયપુર જાવ ત્યારે અહીંથી ટ્રેડિશનલ કપડાની ખરીદી કરી શકો છો. પણ તમે કઈ જગ્યાએથી સારી ખરીદી કરી શકો તે માટે અમે અહીં આપની મદદ કરી રહ્યા છીએ. આ પ્રકારના ફરવાના સ્થળો પર વેપારીઓનો મુખ્ય આધાર ટ્રાવેલર્સ હોય છે માટે જ્યારે કોઈ વસ્તુની કિંમત વધારે લાગતી હોય તો એક-બે જગ્યાએ ચકાસ્યા પછી જ ખરીદી કરવી. જે વસ્તુ તમે ખરીદો છો તેનું જ પેકિંગ કરવામાં આવે છે કે નહીં તેની પણ બરાબર ચકાસણી કરી લેવી જોઈએ.

જોહરી બજારનું નામ કદાચ તમે સાંભળ્યું હશે. ઘણાં લોકો તમને જયપુરમાં અહીં જઈને ખરીદી કરવાની સલાહ આપતા હશે. તેમની સલાહ માનજો કારણ કે અહીં તમને સોના, ચાંદી અને કુંદનાની સુંદર જ્વેલરી ખરીદશો તેના જેવી વસ્તુ બીજે લગભગ જોવા નહીં મળે. ટ્રેડિશનલ રાજસ્થાની સાડી અને ઘાઘરા ખરીદવા માટે પણ આ જગ્યાને બેસ્ટ માનવામાં આવે છે.

જયપુરમાં આ એક ફેમસ માર્કેટ બાપુ બજાર છે. અહીં તમને સસ્તાથી લઈને કિંમતી વસ્તુઓના ઓપ્શન્સ મળી જશે. ટ્રેડિશનલ હોય કે લેટેસ્ટ ફેશન અહીં તમામ પ્રકારના ડ્રેસિસ મળે છે. આજ કારણે તેને જયપુરની ફેશન સ્ટ્રીટ કહેવામાં આવે છે. અહીંની લાખની બંગડીઓ ઘણી પ્રસિદ્ધ છે, જેને તમે પસંદગી પ્રમાણે ખરીદી શકો છો. પણ એક વાત જરુર ધ્યાનમાં રાખો કે વસ્તુના પ્રમાણમાં તમે વધારે કિંમત આપીને છેતરાઈ ના જાવ.

આમ તો લોકોને જ્વેલરી ખરીદવા માટે જયપુરના કુંવર નગર સ્થિત ત્રિપોલિયા બજાર પણ કહેવું વધારે સારો ઓપ્શન છે. અહીં તમને કિંમતી સ્ટોન અને ટ્રેડિશનલ કાર્પેટ પણ મળી જશે. જો શોપિંગનું મન હોય તો તમે અહીંથી ટ્રેડિશનલ માર્કેટમાં ફરીને કલ્ચરને સમજવાની તક ઝડપી શકો છો.

માલવીય નગરનું ગૌરવ ટાવર શોપિંગ માટે ઘણું જાણીતું છે. અહીં તમને લોકલથી લઈને ઈન્ટરનેશનલ બ્રાન્ડના કપડા મળી જશે. અહીં ડાઈન આઉટના પણ ઘણાં ઓપ્શનન્સ છે. અહીં ખરીદી કરવાની સાથે વિવિધ વાનગીઓ આરોગવાનો અનુભવ પણ યાદગાર રહી જશે, જે વસ્તુઓ તમને બીજે મળવી મુશ્કેલ છે.

જયપુરનું વધુ એક ટ્રેડિશનલ માર્કેટ છે જ્યાં લોકલ્સથી લઈને પ્રવાસીઓ વચ્ચે જાણીતું છે અને તે છે નેહરુ બજાર. અહીં તમે ઓથેન્ટિકેશન રાજધાની ક્રાફ્ટ પણ ખરીદી શકો છો. અહીંની બ્લુ પોટરી પણ ઘણી ફેમસ છે. સાથે જ સંબંધી કે ફેમિલી માટે તમે અહીંથી સોવિનિયર પણ ખરીદી શકો છો.