Gujarati News

નવી દિલ્હીઃ દુનિયાની સૌથી વેલ્યુએબલ કંપની એપલ ટુંક જ સમયમાં 3 નવા ફોન લોન્ચ કરશે. આ બાબતના જાણકારોના જણાવ્યા અનુસાર, ગયા વર્ષે લોન્ચ કરવામાં આવેલા iPhone Xની સ્ક્રીન ડિઝાઈન જેવા જ આ નવા સ્માર્ટફોન હશે. નામ જાહેર ન કરવાની શરતે આ પ્રોડક્ટ્સ વિષે જણાવતા લોકોએ જણાવ્યું કે, નવી ડિવાઈસ અલગ અલગ કિંમત, સાઈઝ અને ફીચર્સમાં આવશે.

જો કે ત્રણમાંથી એક પણ આઈફોનની ડિઝાઈન સંપૂર્ણપણે નવી નહીં હોય. આ આઈફોનની ડિઝાઈન જૂના હેન્ડસેટ જેવી જ હશે, પરંતુ નવા ઈન્ટરનલ ફીચર્સ ઉમેરવામાં આવશે. નવેમ્બર 2017માં iPhone X રીલિઝ થયો તે પહેલા અંદાજો લગાવવામાં આવ્યો હતો તેના કરતા iPhone Xને ઓછો રિસ્પોન્સ મળ્યો છે. જો કે એપલની સ્માર્ટફોન માર્કેટમાં પકડ વધી ગઈ હતી.

નવા આઈફોન્સ સપ્ટેમ્બરમાં લોન્ચ થઈ શકે છે. Loup Venturesના મેનેજીંગ પાર્ટનર અને દિગ્ગજ એપલ એનાલિસ્ટ જેન મન્સ્ટર જણાવે છે કે, આઈફોન 0-5% એન્યુઅલ ગ્રોથના પીરિયડમાં પ્રવેશી રહ્યો છે અને કંપનીના પ્રયાસોને કારણે તે ટ્રેક પર આવી જશે. ઉલ્લેખનીય છે કે 2016માં કંપનીએ 1 બિલિયન એક્ટિવ ડિવાઈસને કારણે નવો માઈલસ્ટોન ઉભો કર્યો હતો.

આ વર્ષની શરુઆતમાં આ આંકડો વધીને 1.3 બિલિયન થઈ ગયો છે. આવતા વર્ષે 3 નવા આઈફોન લોન્ચ થવાની સાથે આ સંખ્યામાં વધારો થઈ શકે છે. નવા આઈફોન હાઈ-એન્ડ આઈફોન હશે, જેમાં 6.5 ઈંચનું ડિસ્પ્લે હોઈ શકે છે. આ અત્યાર સુધીનો સૌથી મોટો iPhone હશે. તેમાં સ્ટેઈનલેસ સ્ટીલના ગ્લાસની પેનલ હશે અને ડ્યુઅલ કેમેરા હશે.