Gujarati News

ગાઝિયાબાદઃ કેરળમાં આવેલા પૂર પીડિતોને મદદ માટે 12 વર્ષના છોકરો રબજોત સિંહ આગળ આવ્યો છે. 7મા ધોરણમાં ભણતા રબજોત પાછલા ઘણાં સમયથી રમકડા માટે ગલ્લામાં રુપિયા ભેગા કરતો હતો. ટીવી પર કેરળ પૂરના સમાચાર વાંચીને તેનું મન વિચલિત થઈ ગયું. સોમવારે રબજોતે તેના માતા-પિતાની સાથે કલેક્ટર કચેરી પહોંચ્યો અને કલેક્ટરને 7.5 હજાર રુપિયા પૂડ પીડિતો માટે આપ્યા.

મળતી વિગતો પ્રમાણે રાજનગરના રહેવાસી જિતેન્દ્રસિંહનો દીકરો રબજોત સિંહ રંધાવા ડીપીએસજીમાં ધોરણ-7માં ભણે છે. વિદ્યાર્થીએ પોતાના જન્મદિવસ પર રમકડા ખરીદવા માટે રુપિયા એકઠા કરી રહ્યો હતો. ટીવી પર પૂરના સમાચાર જોઈને તેણે મન બનાવી લીધું કે તે રમકડા નહીં પણ પૂર પીડિતોને મદદ કરવા માટે રુપિયાનો ઉપયોગ કરશે.

જાણકારી મુજબ વિદ્યાર્થીએ ગલ્લામાં રાખેલા 7,470 રુપિયા પૂર પીડિતોની મદદ માટે પોતાના જિલ્લા અધિકારી (નાણા અને રેવન્યુ વિભાગ) સુનીલ કુમાર સિહંને સોંપી દીધા. વિદ્યાર્થીની માતા સિમરને જણાવ્યું કે 13 સપ્ટેમ્બરે દીકરાનો જન્મદિવસ છે. તેણે જન્મદિવસ પર રમકડા ખરીદવા માટે રુપિયા ભેગા કર્યા હતા, પણ તેનું કામ જોઈને દિલ ખુશ થઈ ગયું. જિલ્લા અધિકારીએ પણ વિદ્યાર્થીની પ્રશંસા કરી.

પૂર પીડિતોની મદદ માટે મહર્ષિ દયાનંદ વિદ્યાપીઠે વિદ્યાર્થીઓ, પ્રોફેસર અને કૉલેજના મેનેજર તરફથી એક લાખ રુપિયાનો ડ્રાફ્ટ જિલ્લા અધિકારીને સોંપ્યો છે. સ્કૂલના બાળકોને ઓછામાં ઓછા 10 રુપિયા આપવા માટે જણાવવામાં આવ્યું હતું. આ રકમ બે દિવસમાં એકત્રિત કરવામાં આવી હતી. એક લાખ રુપિયાનો ડ્રાફ્ટ વડાપ્રધાન આપદા રાહત પીડિતોને ફંડમાં આપવામાં આવ્યા છે.