Gujarati News

નવી દિલ્હી :2015માં ઈન્ડિયન એડમિનિસ્ટ્રેટિવ સર્વિસ (આઈએએસ) પરીક્ષાની ટોપર રહેલી ટીના ડાબી અને બીજા સ્થાન પર રહેલો અતહર આમિર-ઉલ-શફી ખાન એકબીજા પ્રત્યેનો પ્રેમ વખતોવખત સોશ્યલ મીડિયા પર જાહેર કરે છે આ બન્નેએ લવમેરેજ કર્યા હતાં.જેની મીડિયામાં ખૂબ જ ચર્ચા થઈ હતી. તાજેતરમાં જ તેણે પતિ સાથે એક વીડિયો શૅર કર્યો છે.

  ટીનાએ ઈન્સ્ટાગ્રામ પર એક તસવીર શૅર કરી છે. જેમાં તે પતિ અતહર સાથે મસ્તીના મૂડમાં જોવા મળે છે. તસવીરોમાં બન્નેએ લુંગી પહેરી છે અને તેઓ ‘લુંગી ડાન્સ’ કરતાં જોવા મળે છે. સોશિયલ મીડિયા પર ટીના દ્વારા શૅર કરેલી તસવીરોને ખૂબ જ પસંદ કરવામાં આવી રહી છે.જેની પર લાઈક્સની વરસાદ થઈ છે. આ તસવીર સાથે કેપ્શનમાં ટીનાએ લખ્યું છે કે,’ઓલ રેડી ફોર તેલુગુ..’નોંધનીય છે કે ટીના ડાબીએ 24 વર્ષમાં જ યુપીએસસીની પરીક્ષા પાસ કરી હતી. જે પછી તે અનેક લોકો માટે પ્રેરણાસ્ત્રોત બની હતી.

  રિપોર્ટ અનુસાર દિલ્હીના પર્સનલ એન્ડ ટ્રેનિંગ ડિપાર્ટમેન્ટના એક કાર્યક્રમમાં 11 મે 2015ના રોજ ટીના અને અતહરની મુલાકાત થઈ હતી. આ પછી બન્ને વચ્ચે પ્રેમ થયો હતો. આ પછી લોકો એવી કમેન્ટ કરી રહ્યાં હતાં કે ભલે અતહર યુપીએસસીમાં ટોપ કરવામાં પાછળ રહ્યો હોય પરંતુ તે ડાબીનું દિલ જીતવામાં સફળ રહ્યો હતો.

  ટીના ડાબીએ એકવાર અતહર વિશે કહ્યું હતું કે મને તેની સાથે પહેલી નજરમાં જ પ્રેમ થઈ ગયો હતો. જોકે, બન્ને અલગ ધર્મના હોવાના કારણે અનેક લોકોએ તેના લગ્નની ટીકા કરી હતી. ટીના ડાબીને ટ્રાવેલ કરવું ખૂબ જ ગમે છે. તે અનેક દેશની યાત્રા કરી ચૂકી છે. તેની આ હોબી ઈન્સ્ટાગ્રામ એકાઉન્ટ પર સ્પષ્ટ જોઈ શકાય છે.

  2015માં આઈએએસની પરીક્ષામાં સફળ થયા પછી હવે બન્ને નોર્થ બ્લોકમાં પર્સનલ અને ટ્રેનિંગ વિભાગના સન્માન સમારોહમાં મળ્યાં હતાં. આમિર પહેલી નજરમાં જ ટીનાને દિલ દઈ ચૂક્યો હતો. ટીનાએ કહ્યું હતું કે અમે સવારે કાર્યક્રમમાં મળ્યાં હતાં અને સાંજે આમિર તેને મળવા માટે પહોંચી ગયો હતો.