Gujarati News

Gujarati News

News of Friday, 29th June 2018

શિમલાના છૈલામાં બસ ડ્રાઇવરની લાપરવાહીથી ૮ મુસાફરોનો ભોગ લેવાયોઃ બાયપાસને બદલે જુના રોડ ઉપરથી બસ લઇ જતા અકસ્માત સર્જાયો

શિમલાઃ હિમાચલ પ્રદેશના શિમલામાં છૈલામાં બસ દુર્ઘટનામાં મોટી લાપરવાહી સામે આવી છે. જાણકારી મળી રહી છે કે, ડ્રાઈવરે મનમાની કરી રૂટ બદલી દીધો હતો અને તે બાયપાસ જવાને બદલે જુના રોડ પરથી બસ લઈને જઈ રહ્યો હતો. કેટલાક પ્રત્યસદર્શિયોનું કહેવું છે કે, જ્યારે બસ વળાંક લઈ રહી હતી ત્યારે બસનું ટાયર ખુલી ગયું હતું. આ દુર્ઘટનામાં બસ ચાલકનું પણ મોત નિપજ્યું છે.

શિમલાથી ચાલીસ કિલોમીટર દુર છૈલા પાસે આ દુર્ઘટના સર્જાઈ છે. દુર્ઘટનામાં કુલ આઠ લોકોના મોત નિપજ્યા છે. અને 20 લોકો ઈજાગ્રસ્ત થયા છે. જેમાં 12 લોકોને શિમલાની આઈજીએમસી હોસ્પિટલમાં સારવાર માટે ખસેડવામાં આવ્યા છે. 8 ઈજાગ્રસ્તોને ઠિયોગ હોસ્પિટલમાં સારવાર માટે ખસેડાયા છે. મરનાર લોકોમાં 5 પુરૂષ અને ત્રણ મહિલા છે.

HRTCની આ બસ શિમલાથી રોહ્ડના ટિક્કર જઈ રહી હતી. શિમલાના એએસપી પ્રવીર શર્માએ જણાવ્યું કે, સવારે સાડા આઠ કલાકે આ દુર્ઘટના સર્જાઈ છે. જેમાં આઠ લોકોના ઘટના સ્થળ પર જ મોત નિપજ્યા છે. બસમાં કુલ 28 લોકો સવાર હતા. હિમાચલના સીએમએ પણ ટ્વીટ કરી શોક વ્યક્ત કર્યો છે.  

(5:56 pm IST)
  • રાજકોટમાં ધોધમાર વરસાદથી અન્ડરબ્રીજમાં પાણી ભરાયા :કાલાવડ રોડ તરફ જવામાં ભારે હાલાકી :અમીનમાર્ગ અને આમ્રપાલી વિસ્તારમાં જબરો ટ્રાફિક જામ :કલાકો સુધી વાહનો ફસાયા :કાલાવડ રોડના અન્ડરબ્રીજમાં પાણી ભરાતા અમીનમાર્ગ અને આમ્રપાલી તરફ વાહનોની લાંબી લાઈનો લાગી :શહેરમાં ઠેર ઠેર પાણી ભરાયા access_time 7:09 pm IST

  • યુનાઈટેડ નેશન્સ (યુએન) માં અમેરિકી રાજદૂત નિકી હેલે ગુરુવારે પોતાનો ત્રણ દિવસીય ભારત પ્રવાસ પૂરો કરીને પાછા ફર્યા છે. પ્રવાસના અંતિમ દિવસે તેમણે પ્રધાનમંત્રી નરેન્દ્ર મોદી સાથે મુલાકાત કરી. નિકીએ આ મુલાકાતમાં પીએમ મોદીને ઈરાન વિશે સંદેશ આપ્યો કે જે ટ્રમ્પ તરફથી આવ્યો હતો. અમેરિકાએ ભારતને સ્પષ્ટ કહ્યુ છે કે ઈરાન સાથે પોતાના સંબંધો પર તે ફરીથી વિચાર કરે. access_time 1:39 pm IST

  • ઓમાનના કુરિયાતમાં 24 કલાક સુધી ૪૨.૬ ડિગ્રી સેલ્સિયસ તાપમાન :હવામાન વિજ્ઞાનીઓનું કહેવું છે કે આ સૌથી ગરમ લઘુતમ તાપમાન છે, જે આ પહેલાં ક્યારેય નોંધાયું ન હતું:કુરિયાતના નામે દેશમાં સૌથી ગરમ દિવસનો વિક્રમ નોંધાયેલો છે.: ગયા મે ૨૦૧૭માં કુરિયાતમાં તાપમાન ૫૦.૮ ડિગ્રી સેન્ટિગ્રેડ સુધી પહોંચી ગયું હતું access_time 1:19 am IST