Gujarati News

Gujarati News

News of Friday, 29th June 2018

રાજસ્થાનના જોધપુરથી ભરૂચ જઇ રહેલી બોલેરો ગાડીના ચાલકને ઝોકુ આવી જતા ટ્રક સાથે અકસ્માતઃ ૭ના મોત, ૩ને ઇજા

જોધપુરઃ રાજસ્થાનના સીરોહી-પાલાસિયા રોડ ઉપર બોલેરો અને ટ્રક વચ્‍ચે અકસ્‍માત સર્જાતા ૭ વ્‍યક્તિના મોત નીપજતા અરેરાટી વ્‍યાપી ગઇ છે. જ્યારે ૩ને ઇજા થતા સારવાર માટે ખસેઢવામાં આવેલ છે.

આજે સવારે જોધપુરથી ગુજરાતના ભરૂચ જઈ રહેલી બોલેરો ગાડીના ચાલકે ઊંઘનું ઝોકું આવી જતાં સ્ટીયરિંગ પરથી કાબૂ ગુમાવી દીધો હતો. ચાલકે સંતુલન ગુમાવી દેતાં ગાડી ડિવાઇડર પાર કરી સામેથી આવી રહેલી ટ્રક સાથે ઝડપથી અથડાઈ હતી. ગાડીની ગતિ એટલી તેજ હતી કે અકસ્માતમાં પાંચનાં મોત ઘટનાસ્થળે થયાં હતાં.  અકસ્માત એટલો ભયાનક હતો કે ગાડીમાં આગળ બેઠેલી ત્રણ વ્યક્તિના મૃતદેહ ગાડીમાં ઘૂસી ગયા હતા.  ઇજાગ્રસ્તોમાંથી બેનાં મોત સારવાર દરમિયાન થયાં છે. ઘટનાની જાણ થતાં પોલીસ ઘટનાસ્થળે પહોંચી અકસ્માત મોતનો ગુનો નોંધી આગળની કાર્યવાહી કરી રહી છે.

સિરોહી જિલ્લા પોલીસ વડા ઓમ પ્રકાશ પણ ઘટનાસ્થળે પહોંચી ગયા હતા. પોલીસ-તપાસમાં જાણવા મળ્યું છે કે બોલેરોમાં સવાર આઠ વ્યક્તિ જોધપુરની રહેવાસી છે અને તેઓ ગુજરાતના ભરૂચમાં જઈ રહી હતી.

પોલીસને હાલમાં તો કુલ સાત મૃતકોમાંથી એકની ઓળખ મળી છે. પ્રવીણ નામના યુવકના ખિસ્સામાંથી તેનું આઇકાર્ડ મળ્યું છે. બોલેરો ગાડીમાં કુલ આઠ વ્યક્તિ હતી, એમાંથી સાતનાં મોત થયાં છે.

(5:49 pm IST)
  • ઉપરાષ્ટ્રપતિ એમ વેંકૈયા નાયડૂ આજે પીસી મહાલનોબિસ જયંતીની 125મી વર્ષગાઠ અને સ્ટેટિસ્ટિક્સ ડેએ તેમના સન્માનના ભાગરૂપે રૂપિયા 125નો સિક્કો જાહેર કરશે. આ ઉપરાંત આજે રૂપિયા પાંચના પણ નવા સિક્કા જાહેર કરવામાં આવશે. નોંધનીય છે કે, મહાલનોબિસ જયંતીને સ્ટેટિસ્ટિક્સ ડે તરીકે મનાવવામાં આવે છે. કારણ કે ભારતીય સ્ટેટિસ્ટિક્સ સંસ્થાની સ્થાપના મહાલનોબિસે 1931માં કરી હતી. access_time 1:39 pm IST

  • જગન્નાથની રથયાત્રા પુર્વે નરોડા કેનાલ નજીક હથિયારો સાથે ૨ની ઘરપકડ : અમદાવાદ રથયાત્રા પુર્વ નરોડા કેનાલ નજીકથી હથિયારો સાથે ૮ પૈકી ૨ લોકોની ઘડપકડઃ ક્રાઇમ બ્રાન્ચે ૬ પિસ્તલ, ૨ રીવોલ્વર, ૪ મેગેઝીન, ૧૦૧ કાર્ટિસ જપ્ત કર્યા access_time 4:08 pm IST

  • અરવલ્લીના મોડાસામાં પવન સાથે ધોધમાર વરસાદ ખાબક્યો :ભારે વરસાદથી વાહન ચાલકોને મુશ્કેલી :પંથકમાં વરસાદના આગમન સાથે વીજળી ગુલ :નિચાણવાળા વિસ્તારમાં ભરાયા પાણી access_time 10:36 pm IST