Gujarati News

Gujarati News

News of Saturday, 29th February 2020

રાજધર્મ મામલે રાજકારણ ગરમાયુ : કપિલ સિમ્બલનું ટ્વીટ :વાજપેયીની સલાહ ના માની તો અમારી ક્યાંથી સાંભળશો.

સાંભળવું, શીખવું અને રાજધર્મનું પાલન કરવું તમારા મજબૂત પાસાંઓમાંથી એક નથી.

નવી દિલ્હીઃ રાષ્ટ્રીય રાજધાની દિલ્હીમાં હિંસા પર કોંગ્રેસે કેન્દ્ર સરકારને રાજધર્મનું પાલન કરવાની અપીલ કરી હતી. રાજધર્મ પર એકવાર ફરી રાજકીય ગરમાવો આવ્યો છે અને રાજકીય નિવેદનબાજી શરૂ થઈ છે.

 કેન્દ્રીય પ્રધાન રવિશંકર પ્રસાદે કહ્યું હતું કે, કોંગ્રેસ પાર્ટી રાજધર્મના નામ પર લોકોને ભડકાવવાનું કામ ન કરે. કેન્દ્રીય પ્રધાનનું નિવેદન સામે આવ્યા બાદ હવે કોંગ્રેસના દિગ્ગજ નેતા કપિલ સિબ્બલે પલટવાર કર્યો છે.

 કપિલ સિબ્બલે શનિવારે એક ટ્વીટ કર્યું, 'કાયદા પ્રધાન કોંગ્રેસને કહે છે કે પ્લીઝ, અમને રાજધર્મ ન શીખવાડો. અમે તમને કેમ શીખવાડી શકીએ મંત્રી મહોદય. જ્યારે તમે ગુજરાતમાં વાજપેયીની ચેતવણી ન સાંભળી, તમે અમને ક્યાં સાંભળશો. સાંભળવું, શીખવું અને રાજધર્મનું પાલન કરવું તમારા મજબૂત પાસાંઓમાંથી એક નથી.

  અત્રે ઉલ્લેખનીય છે કે કોંગ્રેસના વરિષ્ઠ નેતાઓના એક દળે રાષ્ટ્રપતિ રામનાથ કોવિંદ સાથે મુલાકાત કરીને કેન્દ્ર સરકારને રાજધર્મનું પાલન કરવાની વાત કરી ત્યારે ભાજપ આક્રમક થઈ ગયું હતું. શુક્રવારે કેન્દ્રીય પ્રધાન રવિશંકર પ્રસાદે પલટવાર કરતા કહ્યું કે, કોંગ્રેસ પાર્ટી રાજધર્મના નામ પર લોકોને ભડકાવવાનું કામ ન કરે.

(1:58 pm IST)
  • પોરબંદરમાં અપહરણ કરાયેલી ૭ ભારતીય બોટના લાયસન્સ રદ્દ : પાકિસ્તાને કર્યુ છે બોટનું અપહરણ : રાષ્ટ્રીય સુરક્ષાને લઈ ફિશીંગ લાયસન્સ રદ્દ access_time 5:25 pm IST

  • અમેરીકામાં કોરોના વાયરસ વધુ ૨ને વળગ્યો : વોશિગ્ટન સ્ટેટ હેલ્થ ડિપાર્ટમેન્ટે જાહેર કર્યું છે કે નવા બે કોરોના વાયરસના કેસ મળી આવ્યા છે. એક મહિલા તાજેતરમાં દક્ષિણ કોરીયા ગયેલ અને પરત આવી હતી તેને અને એક સ્કુલના બાળકને કોરોના પોઝીટીવ આવેલ છે. સ્કુલને સેનીટાઇઝેશન માટે બંધ કરી દેવાઇ છે. access_time 11:28 am IST

  • એનપીઆર દાયકા જૂનો : તેના પર કોઈ વિરોધ નથી પરંતુ તેમાં જોડાયેલ ત્રણ સવાલ ક્યાંથી આવ્યો ? જે અમારી સરકારમાં નહોતા : કોંગ્રેસ પ્રવક્તા અભિષેક મનુ સંઘવીએ કહ્યું કે અમે એનપીઆરની વાત માત્ર એનસીઆરના સંબંધમાં કરીએ છીએ : જો ભાજપ બંધારણ અને કાનૂન નથી સમજતી તો અમે શું કરીએ access_time 1:11 am IST