Gujarati News

નવી દિલ્હી : જીવલેણ વાયરસ કોરોનાએ આખાય ચીનને બાનમાં લીધું છે. માત્ર ચીન જ નહિ પણ ધીરે ધીરે કોરોના વાયરસ વિશ્વભરમાં પ્રસરી રહ્યો છે. જેના કારણે ટુરિઝમ વ્યવસાય પર અસર પડી છે. કોરોના વાઇરસને કારણે હોંગકોંગ- મકાઉમાં સરકારે ડિઝનીલેન્ડ સહિતના વિવિધ થીમ પાર્ક બંધ કરી દીધા છે. વિશ્વના હજારો ટુરિસ્ટો આ થીમ પાર્ક જોવા હોંગકોંગ- મકાઉ આવે છે.

કોરોના વાઇરસના ડરથી ૪૦૦થી વધુ ગુજરાતીઓએ હોંગકોંગ- મકાઉની ટૂર રદ કરી દીધી છે. ગુજરાતીઓએ પ્રવાસ કરવાનું માંડી વાળ્યું છે. ટુર રદ થતા ટ્રાવેલ્સ એજન્ટોને આર્થિક નુકશાન ભોગવવાનો વારો આવ્યો છે. અત્યારે માર્ચ સુધી હોંગકોંગ- મકાઉની ટુરો કેન્સલ કરવામાં આવી છે.