Gujarati News

મહારાષ્ટ્રના પિંપરી ચિંચવાડના સ્થાનિક વિસ્તારમાં એક યુવાને તેની ગર્લફ્રેન્ડને મનાવવા જાહેર રોડ પર 300 બેનર અને હોર્ડિંગ લગાવડાવ્યા અને દરેક પર આઈ એમ સૉરી લખાવ્યું. પરંતુ તેનો આ યુનિક આઈડિયા તેને ભારે પડી ગયો છે .

   પુના પાસે આવેલા પિંપરી ચિંચવાડ વિસ્તારના લોકોએ જોયું કે દરેક રસ્તા પર બેનર અને હોર્ડિંગ્સ લાગેલા છે. અને તેના પર એક છોકરીનું નામ લખીને આઈ એમ સૉરી લખેલુ હતુ. સૉરી પછી હાર્ટ સાઈન પણ મુકવામાં આવી હતી. આ કામ એક લોકલ બિઝનેસમેન 25 વર્ષીય નીલેશ ખેડેકરનું હતું. તેની ઓળખ થતાની સાથે જ પોલીસે તેની તપાસ શરુ કરી દીધી. 

   જાહેર સંપત્તિનો દુરુપયોગ કરવા બદલ તેના વિરુદ્ધ ગુનો નોંધવામાં આવ્યો છે અને જેની મદદથી નીલેશે આ કામ કર્યુ હતું તે વિલાસ શિન્દેની પોલીસે અટકાયત કરી છે અને પૂછપરછ કરી રહી છે.