Gujarati News

Gujarati News

News of Saturday, 28th November 2020

દેશમાં કોરોના ટેસ્ટિંગનું સ્તર 10 લાખની વસ્તીએ 1 લાખ ટેસ્ટ પર પહોંચ્યું :દિલ્હી મોખરે : ગુજરાત છેલ્લેથી બીજાક્રમે

23 રાજ્યોમાં ટેસ્ટ રાષ્ટ્રીય સરેરાશ કરતા વધુ :13 રાજ્યો અથવા કેન્દ્રશાસિત પ્રદેશોમાં ઓછું

નવી દિલ્હી : ભારતમાં કોરોના ટેસ્ટિંગનું સ્તર પ્રતિ 10 લાખની વસ્તીએ 1 લાખ ટેસ્ટ પર પહોંચી ગયું છે. સરળ શબ્દોમાં કહીએ તો દેશની 10 ટકા વસ્તીની કોરોના ટેસ્ટ કરી લેવામાં આવ્યાં છે.

મહામારીમાં દેશમાં અત્યાર સુધીમાં કુલ 13,82,20,354 (13.82 કરોડ) કોરોના ટેસ્ટ કરી લેવામાં આવ્યા છે. 1,00,159.7 ટેસ્ટ 10 લાખ વસ્તી દીઠ કરવામાં આવી રહ્યાં છે.

કેન્દ્રીય આરોગ્ય મંત્રાલયના ડેટા અનુસાર, પ્રતિ 10 લાખ વસ્તીએ ટેસ્ટ કરવામાં સૌથી મોખરે દિલ્હી છે, જ્યાર સૌથી ઓછું ટેસ્ટિંગ નાગાલેન્ડમાં થયું છે. દિલ્હી દર 10 લાખ વસ્તી પર ટેસ્ટની સંખ્યામાં પ્રથમ સ્થાને પહોંચી ગયું છે.

પ્રતિ દસ લાખની વસ્તીએ દિલ્હી 3,30,201 ટેસ્ટની સાથે સૌથી વધુ ટેસ્ટ કરનારા પાંચ રાજ્યોમાં પ્રથમ ક્રમે છે, એટલે કે રાષ્ટ્રીય સરેરાશ કરતા પણ વધુ પરીક્ષણ કરનાર રાજ્ય. બીજા સ્થાને લદાખ (2,41,355), ત્રીજા પર ગોવા (2,37,626), ચોથા સ્થાને આંદામાન નિકોબાર (2,02,033) અને પાંચમા સ્થાને આંધ્રપ્રદેશ (1,77,627) છે.

 

સૌથી વધુ ટેસ્ટ કરનારા રાજ્યોની યાદીમાં જો ગુજરાતનો ક્રમ જોઈએ તો સૌથી નીચે કહી શકાય એમ છે. ગુજરાતમાં 10 લાખની વસ્તીએ માત્ર 1,04,138 ટેસ્ટ થઈ રહ્યાં છે અને તેનાથી નીચે અને છેલ્લે માત્ર પંજાબ 1,03,047 ટેસ્ટ સાથે છે. એટલે કહી શકાય છે ગુજરાત આ યાદીમાં છેલ્લેથી બીજા ક્રમે છે.

દેશમાં કુલ 23 રાજ્યો અથવા કેન્દ્રશાસિત પ્રદેશો છે જ્યાં 10 લાખ વસ્તી દીઠ પરીક્ષણોની સંખ્યા રાષ્ટ્રીય સરેરાશ કરતા વધુ છે, જ્યારે એવા 13 રાજ્યો અથવા કેન્દ્રશાસિત પ્રદેશો છે જ્યાં મિલિયન વસ્તી દીઠ ટેસ્ટની સંખ્યા રાષ્ટ્રીય સરેરાશથી ઓછી છે.

(10:38 pm IST)
  • ભડકાઉ ભાષણ દેવા બદલ અક્બરુદીન ઓવેસી અને તેલંગણા ભાજપ અધ્યક્ષ બાંદી સંજય વિરુદ્ધ કોર્ટ કેસ : હુસેન સાગર તળાવના કાંઠે મુકાયેલી પૂર્વ વડાપ્રધાન પી.વી.નરસિંહરાવ ,તથા એન.ટી.રામરાવની સમાધિ હટાવી દેવાની ચીમકી મુદ્દે બબાલ : હૈદરાબાદ મ્યુનિ. કોર્પોરેશન ચૂંટણી પ્રચારમાં સામસામા ભડકાઉ નિવેદનો કર્યા access_time 6:08 pm IST

  • કોંગ્રેસના વચગાળાના ખજાનચી તરીકે પવનકુમાર બંસલની નિમણુંક : અહમદ પટેલના નિધનથી ખાલી પડેલી જગ્યા ઉપર કામચલાઉ નિમણુંક : કોંગ્રેસ પાર્ટીમાં અધ્યક્ષ ઉપરાંત હવે ખજાનચી પણ કામચલાઉ access_time 6:18 pm IST

  • દેશમાં કોરોનાથી રિકવર થનારની સંખ્યા 88 લાખને પાર પહોંચી : રાત્રે 11 વાગ્યા સુધીમાં કોરોનાના નવા 41,465 કેસ નોંધાયા:કુલ કેસનો આંકડો 93,92,689 થયો :એક્ટીવ કેસ 4, 52, 960 થયા: વધુ 41,974 દર્દીઓ સ્વસ્થ થતા કુલ 88,00,860 રિકવર થયા :વધુ 482 લોકોના મોત સાથે કુલ મૃત્યુઆંક 1,36,720 થયો access_time 12:04 am IST