Gujarati News

Gujarati News

News of Saturday, 28th November 2020

કોરોનાના વધતા કેસ માટે દિલ્હી સરકાર જવાબદાર : ચેતવણી છતાં નક્કર પગલાં ભર્યા નહીં : કેન્દ્રનું સુપ્રીમ કોર્ટમાં સોગંદનામુ

આમ આદમી પાર્ટીએ આ સોગંદનામાને દુર્ભાવનાપૂર્ણ તેમજ તથ્યથી બિલકુલ વિસંગત ગણાવ્યું.

નવી દિલ્હી : દિલ્હીમાં કોરોનાના કેસને લઇને ફરી રાજકીય માહોલ ગરમાયો છે. કેન્દ્ર સરકારે સુપ્રીમ કોર્ટમાં સોગંદનામુ દાખલ કરીને કોરનાના વધી રહેલા કેસ માટે દિલ્હી સરકારને જવાબદાર ઠેરવી હતી. જે બાદ આમ આદમી પાર્ટીએ આ સોગંદનામાને દુર્ભાવનાપૂર્ણ તેમજ તથ્યથી બિલકુલ વિસંગત ગણાવ્યું. સાથે કેન્દ્ર સરકાર ઉપર પણ નિશાન સાધ્યું છે . સુપ્રીમમાં સોંગદનામુ દાખલ કરીને કેન્દ્ર સરકારે જણાવ્યું કે તમામ ચેતવણીઓ છતાં દિલ્હી સરકારે કોરોના મહામારીને રોકવા માટે કોઇ નક્કર પગલા ભર્યા નથી. રાજ્ય સરકારે ડેગ્યૂ સહિત અન્ય જુદી જુદી બિમારીઓને રોકવા માટે વિજ્ઞાપન આપ્યા.પરંતુ કોરોના મહામારી અંગે કોઇ વિજ્ઞાપન આપ્યું નહીં.

   11 નવેમ્બરની બેઠકમાં પણ દિલ્હી સરકારની ખામીઓ સામે આવી હતી. કેન્દ્રએ કહ્યું કે ઉચ્ચાધિકાર સમિતિએ દિલ્હી સરકારને ચેતવ્યા છતા સરકારે કોઇ કાર્યવાહી કરી નહીં અને આઇસીયૂ બેડની સંખ્યા માત્ર 3500 સુધી જ સિમિત રાખી. જેના કારણે દિલ્હીના સ્વાસ્થ્ય માળખા પર અચાનક દબાણ વધી ગયું. તો બીજી તરફ આમ આદમી પાર્ટીએ કહ્યું કે આશા છે કે કેન્દ્ર સરકાર દોષારોપણના બદલે દિલ્હીવાસીઓ માટે કંઇક નક્કર પગલા ભરશે. મહામારીના સમયે જ્યારે કેન્દ્રએ રાજ્યોની સાથે સહયોગ કરવાની જરૂરિયાત છે ત્યારે કેન્દ્ર સરકાર ખોટા તથ્યો રજૂ કરી રહી છે. તો બીજી તરફ દિલ્હીના સ્વાસ્થ્ય પ્રધાને કહ્યું કે દિલ્હીમાં આઇસીયૂ બેડની પુરતી સંખ્યા છે અને સ્થિતિ નિયંત્રણમાં છે

(10:24 pm IST)
  • ભડકાઉ ભાષણ દેવા બદલ અક્બરુદીન ઓવેસી અને તેલંગણા ભાજપ અધ્યક્ષ બાંદી સંજય વિરુદ્ધ કોર્ટ કેસ : હુસેન સાગર તળાવના કાંઠે મુકાયેલી પૂર્વ વડાપ્રધાન પી.વી.નરસિંહરાવ ,તથા એન.ટી.રામરાવની સમાધિ હટાવી દેવાની ચીમકી મુદ્દે બબાલ : હૈદરાબાદ મ્યુનિ. કોર્પોરેશન ચૂંટણી પ્રચારમાં સામસામા ભડકાઉ નિવેદનો કર્યા access_time 6:08 pm IST

  • અમદાવાદ શહેરમાં કોરોના વિસ્ફોટ :કોરોનાનું સંક્રમણ વધ્યું, ગોતા,બોડકદેવ અને થલતેજ બન્યા હોટસ્પોટ ઝોન: અમદાવાદ મહાનગરપાલિકા દ્વારા વધુ 24 વિસ્તારોને માઈક્રો કન્ટેનમેન્ટ ઝોનમાં મુકાયા access_time 11:51 pm IST

  • કોલ માફિયા ઝપટેઃ CBIએ ૩ રાજયોમાં ૪૦ સ્થળે પાડયા દરોડા : CBIનો સપાટોઃ પ.બંગા, બિહાર, ઝારખંડમાં ૪૦ સ્થળે દરોડાઃ કોલ માફિયા ઝપટે ચડયાઃ કોલસાની દાણચોરી બંધ કરવા પગલું: અનેક લોકો અને કંપનીઓને ત્યાં કાર્યવાહી access_time 3:19 pm IST