Gujarati News

Gujarati News

News of Wednesday, 28th October 2020

સુશાંતની બંન્ને બહેનો રિયાની FIR સામે બોમ્બે હાઇકોર્ટ પહોંચી

સુશાંતની બહેનોને સતાવ્યો ધરપકડનો ડર : રિયા ચક્રવર્તીએ દાખલ કરેલી ફરિયાદની એફઆઇઆર કોપીને મુંબઇ પોલીસે સીબીઆઇને સોંપી છે : અહેવાલ

મુંબઈ,તા.૨૮  : બોલિવૂડ એક્ટર સુશાંત સિંહ રાજપૂતની બહેન પ્રિયંકા સિંહ અને મીતૂ સિંહ વિરુદ્ધ રિયા ચક્રવર્તીએ સપ્ટેમ્બર મહિનામાં એક એફઆઇઆર નોંધાવી હતી. હવે સુશાંતની બહેનોને તે વાતનો પણ ડર સતાવી રહ્યો છે કે સીબીઆઇ તેમની પણ ધરપકડ કરી શકે છે. ધરપકડથી બચવા માટે તેમણે હવે બોમ્બે હાઇકોર્ટની રજૂઆત કરી છે કે તે આ કેસનું વહેલી તકે સમાધાન લાવે. રિયા ચક્રવર્તીએ સપ્ટેમ્બર મહિનામાં સુશાંતની બહેનો વિરુદ્ઘ એફઆઇઆર દાખલ કરી હતી. તેણે આરોપ લગાવ્યો હતો કે સુશાંતની બહેનો એક્ટરને કોઇ પણ ડૉક્ટરના પ્રિસ્ક્રિપ્શન વગર દવાઓ આપતી હતી. જેના કારણે એક્ટરને પેનિક અટેક આવ્યો હતો અને તેણે સુસાઇડ કર્યું હતું. રિયાએ દાખલ કરેલી ફરિયાદમાં એફઆઇઆરની કોપીને મુંબઇ પોલીસે સીબીઆઇને સોંપી છે.

               હવે સુશાંતની બહેનોને તે વાતની ડર છે કે શું સીબીઆઇ તેમની પણ ધરપકડ કરશે? આ માટે પ્રિયંકા અને મીતૂએ બોમ્બે હાઇકોર્ટમાં પેટિશન ફાઇલ કરી છે અને આ મામલે સુનવણી જલ્દી કરવાનું કહ્યું છે. સુશાંતની બંને બહેનો ઇચ્છે છે કે રિયા દ્વારા દાખલ કરવામાં આવેલી એફઆઇઆર હેઠળ તેમની સામે કોઇ એક્શન લેવાની સંભાવના બને તે પહેલા કોર્ટમાં સુનવણી થાય. તમને જણાવી દઇએ કે બંને પોતાના વકીલના માધ્યમથી જસ્ટિસ એસ એસ શિંદે અને જસ્ટિસ એમ એસ કર્નિક સામે આ વાત રાખી હતી. જો કે આ મામલે રિયા ચક્રવર્તીએ બોમ્બે હાઇકોર્ટને અપીલ કરી છે કે તે સુશાંતની બહેનોએ જે એફઆઇઆર રદ્દ કરવાની અપીલ કરી છે તેને ફગાવી દે અને તેની બહેનોની વિરુદ્ધ એક્શન લે. તમને જણાવી દઇએ કે સુશાંત સિંહ રાજપૂતની મોત પછી રિયા ચક્રવર્તીએ પોતાના નિવેદનમાં એક્ટરને ડ્રગ્ટ એડિક્ટ અને ક્લાઉસ્ટોફોબિક જણાવ્યો હતો. સુશાંત ૧૪ જૂનના રોજ પોતાના બાંદ્રા સ્થિત ઘરમાં મૃત હાલતમાં મળ્યા. આ મામલે તપાસ પછી મોટી એન્જસીઓ પણ આ તપાસમાં જોડાઇ.

(7:59 pm IST)
  • નાયબ મુખ્‍યમંત્રીશ્રી નિતીનભાઇ પટેલ ઉપર જુતુ ફેંકનાર રશ્‍મિન પટેલ ઝડપાયો access_time 10:23 pm IST

  • જપ્ત કરેલા ટ્રેઈલરોની ચોરી કરી વહેંચી મારવા સબબ 'ઈડી'ના ટોચના અધિકારીઓ સહિત ૫ની ધરપકડઃ સુરતની એક પેઢી પાસેથી દરોડા દરમિયાન કબ્જે કરવામાં આવેલ 'ટ્રેઈલરો'ની ચોરી કરી વહેંચી નાખવાના પ્રયાસો સબબ એન્ફોર્સમેન્ટ ડાયરેકટોરેટ (ઈડી)ના ડેપ્યુટી ડાયરેકટર સહિત ૫ની ધરપકડ કરવામાં આવી છે : તેમાંથી મુંબઈના ઈડીના એક બાતમીદાર સહિત ૩ લોકોનો સમાવેશ થાય છે જેમને સુરતની સેન્ટ્રલ જેલમાં મોકલી દેવામાં આવ્યા છે જયારે 'ઈડી'ના વધુ બે ઓફીસરોની ધરપકડ હજુ બાકી છે access_time 12:40 pm IST

  • ૩૧મી ઓકટોબરે ગુજરાતમાં ટુરીસ્ટો માટે અનેક સવલતો ખુલ્લી મૂકશે નરેન્દ્રભાઈઃ સ્ટેચ્યુ ઓફ યુનિટી ખાતે ૩૧ ઓકટોબરે નરેન્દ્રભાઈ મોદી ટુરીસ્ટો માટે 'સી પ્લેન' સહિત સંખ્યાબંધ સવલતો ખુલ્લી મૂકશે : સ્પાઈસ જેટે આ માટે ૫૦ વર્ષ જૂનું એર ક્રાફટ ખરીદ્યુ છે : એરલાઈન્સના કહેવા મુજબ આ વિમાન સંપૂર્ણ સલામત જાળવણી કરેલુ અને શ્રેષ્ઠ કન્ડીશનમાં છે access_time 12:41 pm IST