Gujarati News

Gujarati News

News of Wednesday, 28th October 2020

ઓનલાઈન અભ્યાસની જગ્યાએ દીકરો મોબાઈલમાં ગેમ રમ્યા કરતોઃ પોલીસ સ્ટેશન પહોંચ્યા પિતા

લખનૌ, તા.૨૮: ઉત્તર પ્રદેશના ગૌતમ બુદ્ઘ નગર જિલ્લામાં એક ચોંકાવનારો મામલો સામે આવ્યો છે. જિલ્લાના દનકૌર વિસ્તારમાં રામપુર ગામ નિવાસી એક વ્યકિત ૧૩ વર્ષના દીકરાને લઈને મંગળવારે પોલીસ સ્ટેશન પહોંચી ગયો. પિતાએ જણાવ્યું કે તેમનો દીકરો ઓનલાઈન અભ્યાસ કરવાની જગ્યાએ મોબાઈલ ગેમ રમ્યા કરે છે. ના પાડવા છતાં તે સાંભળતો નથી. પિતાએ પોલીસને વિનંતી કરી તે તેઓ તેમના દીકરાને ડરાવે. જેથી તે ગેમ રમવાનું બંધ કરી દે. આ બાદ પોલીસે છોકરા તથા તેના પિતાને સમજાવીને ઘરે મોકલી દીધા.

જાણકારી મુજબ, મંગળવારે સાંજે રામપુર ગામની એક વ્યકિત પોતાના છોકરા સાથે પોલીસ સ્ટેશન પહોંચી. વ્યકિતએ તેને પોતાનો દીકરો બતાવતા પોલીસકર્મીઓને કહ્યું કે, સાહેબ મારો દીકરો મારી વાત સાંભળતો નથી. ના પાડવા છતાં તે મોબાઈલમાં પડોસીના દ્યરે જઈને ચોરી છુપી ગેમ રમે છે. દ્યરેથી ચોરી કરીને સામાન પણ દુકાનોમાં વેચી દે છે. પિતાએ પોલીસને જણાવ્યું કે તેના દીકરાને ઉંમર ૧૩ વર્ષ છે, તે ચોથા ધોરણમાં ભણે છે.

તેમનું કહેવું છે કે મોબાઈલ તેને ઓનલાઈન અભ્યાસ માટે ભારે મુશ્કેલીથી ખરીદીને અપાવ્યો હતો. પિતાએ પોલીસને કહ્યું કે, તે દીકરાને પકડીને સજા આપે. પરંતુ પોલીસકર્મીઓએ પિતાને સમજાવ્યા કે તેમનો છોકરો સગીર છે. આ કારણ તેઓ તેને લઈને ઘરે જતા રહે અને પોતે જ છોકરાને સમજાવે. આ વિશે પોલીસે જણાવ્યું કે, છોકરો સગીર હતો. સમજાવીને બંનેને દ્યરે મોકલી દીધા છે.

ઉલ્લેખનીય છે કે દેશમાં છેલ્લા કેટલાક મહિનાઓથી કોરોનાની મહામારી ચાલી રહી છે. એવામાં કેટલાક મહિનાઓથી સ્કૂલો બંધ છે, વિદ્યાર્થીઓને હાલમાં ઓનલાઈન માધ્યમથી અભ્યાસ કરાવાઈ રહ્યો છે. જોકે કેન્દ્ર સરકારે અનલોક-૫માં રાજયોને ધોરણ ૯થી ૧૨ના વિદ્યાર્થીઓ માટે કેટલીક શરતો સાથે સ્કૂલો ખોલવાની અનુમતિ આપી હતી.

(3:57 pm IST)
  • વીજળીના દરમાં પ્રતિ યૂનિટ ૧૯ પૈસાનો ઘટાડો : ઊર્જા મંત્રી સૌરભ પટેલની જાહેરાત : ફ્યુલ સરચાર્જમા કરાયો ઘટાડો : ૧૪૦ કરોડ ગ્રહકોને થશે ફયદો : ઉધ્યોગ જગતને વીજળીબીલમાં રાહત access_time 5:41 pm IST

  • દેશમાં કોરોનાના કેસનો આંકડો 80 લાખને પાર પહોંચ્યો:નવા કેસની સંખ્યામાં એકધારો ઘટાડો:નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 45,597 કેસ નોંધાયા:કુલ કેસનો આંકડો 80,34,702 થયો :એક્ટીવ કેસ ઘટીને 6,03,275 થયા:વધુ 52,087 દર્દીઓ સ્વસ્થ થતા કુલ 73,09, 532 રિકવર થયા :વધુ 469 લોકોના મોત સાથે કુલ મૃત્યુઆંક 1,20,524 થયો access_time 1:00 am IST

  • મગફળી ખરીદી : ત્રીજા દિવસે રાજકોટ શહેર-જીલ્લામાં ૧ હજારથી વધુ ખેડૂતોને બોલાવાયા : ર૦૦થી વધુ આવ્યા : ઉતારા-ભેજમાં ઘટાડા અંગે ચાલી રહેલી સતત માથાકુટ : દેકારો : રાજકોટ શહેર-જીલ્લામાં ચાલી રહેલ મગફળી ખરીદીમાં આજે ત્રીજા દિવસે ૧ હજારથી વધુ ખેડૂતોને બોલાવાયા : ર દિવસમાં પ હજાર કિલોથી વધુ ખરીદી : આજે બપોર સુધીમા ર૦૦ ખેડૂતો આવ્યા : ઉતારામાં ઘટાડો-ભેજમાં વધારો અંગે ગ્રેડરો-ખેડૂતો-તંત્ર વચ્ચે અનેક કેન્દ્રો ઉપર સતત માથાકુટ-દેકારો : સરકારમાં ઉચ્ચસ્તરે રજુઆત access_time 3:37 pm IST