Gujarati News

Gujarati News

News of Wednesday, 28th October 2020

શાકભાજીની આ લઘુત્તમ કિંમત અથવા બેઝ પ્રાઈસ નક્કી કરનાર પહેલું રાજ્ય બન્યું કેરળ

શાકભાજીની 16 જાતો માટે પહેલીવારનો ભાવ નક્કી :1 નવેમ્બરથી લાગુ થશે

નવી દિલ્હી : શાકભાજીના લઘુતમ ભાવ નક્કી કરનાર દેશનું પહેલું રાજ્ય કેરળ બન્યું છે. શાકભાજીની આ લઘુત્તમ કિંમત અથવા બેઝ પ્રાઈસ તેમના ઉત્પાદન ખર્ચ કરતા 20 ટકા વધારે હશે. મુખ્યમંત્રી પિનારાય વિજયનએ આ અંગે માહિતી આપી હતી. તેમણે કહ્યું કે આ ભાવ 1 નવેમ્બરથી લાગુ થશે. આ યોજનાને ઓનલાઈન શરૂ કરતાં તેમણે કહ્યું કે કેરળમાં ઉત્પાદિત શાકભાજીની 16 જાતો માટે આ પહેલીવારનો ભાવ નક્કી કરવામાં આવ્યો છે. તેમણે કહ્યું કે કોઈ પણ રાજ્યની આ પહેલી પહેલ છે જે ખેડૂતોને રાહત અને સહાય પૂરી પાડશે.

મુખ્યમંત્રીને ટાંકીને એક સરકારી રજૂઆતમાં કહેવામાં આવ્યું છે કે શાકભાજીનો બેઝ પ્રાઈસ તેમના ઉત્પાદન ખર્ચ કરતા 20 ટકા વધારે હશે. જો બજાર ભાવ તેનાથી નીચે જાય તો પણ, ખેડુતોને તેમની વસ્તુનો ભાવ બેઝ પ્રાઈઝ અનુસાર મળશે. મુખ્યમંત્રીએ કહ્યું કે શાકભાજીનું ગુણવત્તા મુજબ વર્ગીકરણ કરવામાં આવશે અને તે પ્રમાણે બેઝ પ્રાઈસ નક્કી કરવામાં આવશે. તેમણે કહ્યું, 'દેશભરના ખેડુતો સંતુષ્ટ નથી પણ અમે છેલ્લા સાડા ચાર વર્ષથી તેમનું સમર્થન કર્યું છે. રાજ્યમાં કૃષિના વિકાસ માટે સરકારે અનેક લક્ષિત પહેલ કરી છે. મુખ્યમંત્રીએ એવો પણ દાવો કર્યો હતો કે કેરળમાં શાકભાજીનું ઉત્પાદન છેલ્લા સાડા ચાર વર્ષમાં બમણું થયું છે એટલે કે આ ઉત્પાદન સાત લાખ ટનથી વધીને 14.72 લાખ ટન થયું છે.

(10:19 am IST)
  • ' યુ.કો.બેંકમાં સ્પેશિયાલિસ્ટ ઓફિસરોની ભરતી ' : સિક્યુરિટી ઓફિસર્સ ,એન્જીનીયર્સ ,આઇટી ઓફિસર્સ ,ચાર્ટર્ડ એકાઉન્ટન્ટ્સ ,સહીત કુલ 91 જગ્યાઓ ઉપર અરજી કરવાનો મોકો : વય મર્યાદા 21 થી 40 વર્ષ : અરજી કરવાની તારીખ 27 ઓક્ટોબરથી 17 નવેમ્બર સુધી : IBPS વેબસાઈટ દ્વારા અરજી કરી શકાશે access_time 11:44 am IST

  • કમળના નિશાન વાળું માસ્ક પહેરી મતદાન કરવા પહોંચ્યા : બિહારની ગયા સીટ ઉપર મતદાન માટે ગયેલા ડો. પ્રેમકુમાર વિરુદ્ધ એફઆઈઆર નોંધાશે access_time 12:41 pm IST

  • દિલ્હીની તમામ શાળાઓ અનિશ્ચિત સમય માટે બંધ: કોરોના ફરી ભભૂકયો દિલ્હીના નાયબ મુખ્યમંત્રી મનીષ સિસોદિયાએ કહ્યું છે કે, દિલ્હીની તમામ શાળાઓ આગામી આદેશો સુધી બંધ રહેશે. આમ દિલ્હીની તમામ શાળાઓ અનિશ્ચિત સમય માટે બંધ કરવામાં આવી છે. દિલ્હીમાં કોરોનાના વધતા જતા કેસોને કારણે આ આદેશ લેવામાં આવ્યો છે access_time 12:31 pm IST