Gujarati News

નવી દિલ્હીઃ કોરોના ઘટતા પ્રતિબંધોમાં ઢીલ મળતા પ્રવાસ માટે લોકો આયોજન કરી રહયા છે. વિદેશોમાં પર્યટન માટે બુકીંગ બંધ હોવાથી લોકો દેશના પર્યટન સ્થળોએ હોટલ-ફલાઇટ બુક કરી રહયા છે.

વરસાદની સીઝનમાં દેશમાં સૌથી પસંદગીની જગ્યા મનાલી નહીં દીલ્હી છે, ગોવાથી વધુ પસંદ જયપુર કરાઇ રહયું છે. આ ખુલાસો બેક ટુ ટ્રાવેલની ઓનલાઇન સ્ટડીમાં થયો છે. ૬૮ ટકા યાત્રીઓ ગત વર્ષે કયાંય જઇ ન શકતા ડોમેસ્ટીક જગ્યાએ ટ્રીપ ઉપર જશે. ૬૪ ટકાએ ફરવા જવા રજાઓ એકઠી કરી છે. ૭૦ ટકા યાત્રીઓએ વધારાની આવક માટે ઘરેથી કામ કરેલ.જુલાઇ - ઓગષ્ટમાં ફરવા માટે નવા પર્યટન સ્થળોની સાથે જુના પણ આ વર્ષે ટોપ ટેનમાં છે, જેમાં દિલ્હી, લોનાવાલા, મુંબઇ, મનાલી, બેંગલુરૂ, જયપુર, ચેન્નઇ, ગોવા, ગુડગાવ અને કોલકત્તાનો સમાવેશ થાય છે. આ શહેરોમાં હોટલની સાથે રીસોર્ટ, વીલા, ગેસ્ટ હાઉસ અને એપાર્ટમેન્ટનું પણ ખુબ જ બુકીંગ થઇ રહયુ છે. જેની પાછળનું કારણ બજેટ, સોશ્યલ ડીસ્ટન્સીંગ અને કોરોનાથી બચવા મુખ્ય કારણ છે. કોરોના પહેલા સૌથી વધુ હોટલ બુકીંગ જ થતું.