Gujarati News

Gujarati News

News of Saturday, 28th May 2022

ભારતીય બોક્સર નિખત ઝરીનનું સલમાન ખાનને મળવાનું સ્વપ્નું

નિખાતે ઈન્ટરવ્યુમાં કહ્યું કે મારું સપનું ઓલિમ્પિકમાં મેડલ જીતીને સલમાનને મળવા મુંબઈ જવાનું હતું :નિખતના ઈન્ટરવ્યુનો વીડિયો શેર કરતા સલમાન ખાને લખ્યું- નિખતને આ ગોલ્ડ મેડલ માટે અભિનંદન

મુંબઈ :ભારતીય બોક્સર નિખત ઝરીને મહિલા વર્લ્ડ બોક્સિંગ ચેમ્પિયનશિપમાં ગોલ્ડ મેડલ જીત્યો છે. દેશભરમાં દરેક લોકો નિખાતને અભિનંદન આપી રહ્યા છે. નિખતનું સ્વપ્ન દેશ માટે ગોલ્ડ મેડલ જીતવાનું હતું. નિખતે બોક્સિંગ ચેમ્પિયનશિપમાં મેડલ જીતીને દેશનું નામ રોશન કર્યું. તો તેનું એક સપનું એ પણ છે કે તે બોલિવૂડ અભિનેતા સલમાન ખાનને મળે. સલમાન ખાને નિખાતનો વીડિયો સોશિયલ મીડિયા પર શેર કર્યો છે. તેમનું આ ટ્વિટ વાયરલ થઈ રહ્યું છે.

મીડિયાને આપેલા ઈન્ટરવ્યુમાં જ્યારે નિખત ઝરીનને સલમાન ખાનને સંદેશ આપવા વિશે પૂછવામાં આવ્યું ત્યારે તેણે કહ્યું, ‘કોણ ભાઈ? નિખાતે આગળ કહ્યું કે તે બધાનો ભાઈ હશે પણ મારી તો જાન છે, સલમાન હું તમારી ખુબ મોટી  ફેન છું.

નિખાતે ઈન્ટરવ્યુમાં કહ્યું કે મારું સપનું ઓલિમ્પિકમાં મેડલ જીતીને  સલમાનને મળવા મુંબઈ જવાનું હતું. નિખતના ઈન્ટરવ્યુનો વીડિયો શેર કરતા સલમાન ખાને લખ્યું- નિખતને આ ગોલ્ડ મેડલ માટે અભિનંદન. સલમાનની આ પોસ્ટ વાયરલ થઈ રહી છે.

નોંધનીય છે કે નિખત ઝરીન વર્લ્ડ ચેમ્પિયનશિપમાં ગોલ્ડ જીતનારી ભારતની પાંચમી મહિલા બોક્સર બની છે. તેમની પહેલા એમસી મેરી કોમ સરિતા ડેવુ, જેની આરએલ અને લેખા સીએસી પણ ગોલ્ડ મેડલ જીતી ચૂક્યા છે. આ મેચમાં નિખાતે ધીમી શરૂઆત કરી હતી. તે થાઈલેન્ડની ખેલાડીથી સતત અંતર બનાવી રહી હતી. જો કે, આ રાઉન્ડમાં એક વખત તે થાઈલેન્ડની ખેલાડી જીતપોંગ જુતામાસ સાથે પણ લડી હતી. જોકે બીજા રાઉન્ડમાં થાઈલેન્ડના ખેલાડીએ વાપસી કરી હતી અને આ રાઉન્ડમાં થાઈલેન્ડના ખેલાડીએ નિખાત કરતા વધુ પોઈન્ટ મેળવ્યા હતા.

(12:00 am IST)