Gujarati News

Gujarati News

News of Monday, 28th May 2018

સીટો પુરતી નહીં મળે તો માયા એકલા હાથે લડશે

માયાવતીના સંકેતથી નિરાશા

લખનૌ,તા. ૨૭ : બહુજન સમાજ પાર્ટીના અધ્યક્ષ માયાવતીએ જાહેરાત કરી છે કે, જો તેમના ગઠબંધનમાં પુરતી સીટો મળશે નહીં તો તેઓ સમજૂતિ કરવાના બદલે એકલા હાથે ચૂંટણી મેદાનમાં ઉતરવાનું પસંદ કરશે. આજે લખનૌમાં બહુજન સમાજ પાર્ટીની રાષ્ટ્રીય કારોબારીની બેઠક દરમિયાન માયાવતીએ એન્ટી ભાજપ ફ્રન્ટની રચનાથી પહેલા જ પોતાના પાર્ટીના હોદ્દેદારો સાથે વાતચીત કરી હતી. માયાવતીએ આ ગાળા દરમિયાન પોતાના કાર્યકરોને સંબોધતા કહ્યું હતું કે, યુપીની પાર્ટીઓથી ગઠબંધન માટે વાતચીત ચાલી રહી છે પરંતુ કાર્યકરો દરેક સ્થિતિ માટે તૈયાર છે. જો ગઠબંધનમાં પુરતી સીટો નહીં મળે તો એકલા હાથે ચૂંટણી મેદાનમાં ઉતરવામાં આવશે. આ ગાળા દરમિયાન માયાવતીએ ઇશારામાં સંકેત આપ્યો હતો કે, તે પાર્ટીનું અંકુશ પોતાના હાથમાં રાખવા માટે ઇચ્છુક છે. માયાવતીએ એમ પણ કહ્યું હતું કે, આગળ ચાલીને જ્યારે પાર્ટી પ્રમુખ વધતી વયના કારણે વધારે ભાગદોડ કરવામાં અસમર્થ થઇ જાય ત્યારે પણ રાષ્ટ્રીય સંયોજકની ભૂમિકા અદા કરશે. માયાવતીએ પોતાની પાર્ટીમાં સ્વાર્થી અને તકવાદી નેતાઓ દ્વારા પોતાના ઘરવાળાને પાર્ટીમાં પ્રમોટ કરવાને લઇને પણ આક્રમક વલણ અપનાવ્યું હતું. માયાવતી વર્ષ ૨૦૧૪ની ચૂંટણીમાં બિલકુલ ફ્લોપ રહ્યા હતા અને તેમની પાર્ટીને કોઇ સીટ મળી ન હતી.

(12:00 am IST)
  • કર્ણાટકમાં કોંગ્રેસ પાર્ટીના નવા ચૂંટાયેલા વિધાનસભ્ય એસ. એન. ગૌડાનું રોડ અકસ્માતમાં મૃત્ય : ગોવાથી બાગલકોટ જતા હતા ત્યારે એમની કારને નડ્યો ગંભીર અકસ્માત access_time 9:00 am IST

  • વડાપ્રધાન નરેન્દ્ર મોદી આજથી 2 જૂન સુધી ઇન્ડોનેશિયા, મલેશિયા અને સિંગાપોરની મુલાકાતે જવા રવાના થશે, જેમાં PM થોડા સમયે માટે કુઆલાલમપુરમાં રોકાણ કરશે. તે દરમિયાન વડાપ્રધાન નરેન્દ્ર મોદી મલેશિયાના નવ નિયુક્ત વડાપ્રધાન મહાતિર મોહમ્મદ સાથે મુલાકાત કરશે. વડાપ્રધાન નરેન્દ્ર મોદી જકાર્તામાં પતંગ મહોત્સવનું પણ ઉધ્ધાટન કરશે. 1 જૂને સિંગાપોરમાં શાંગરી-લા સંવાદને સંબોધન કરશે વડાપ્રધાન મોદી અને આ કાર્યક્રમમાં મુખ્યવકતા તરીકે આમંત્રિત કરાયા હોય તેવા ભારતના પ્રથમ PM બનશે. access_time 8:29 am IST

  • પ્રચંડ હીટ વેવની ઝપટમાં દિલ્હી અને એનસીઆર: પાલમ ખાતે ૪૬ પોઈન્ટ ૨ ડિગ્રી અને સફદરજંગ ખાતે ૪૫ ડિગ્રી જેવું ચામડી બાળતુ ઉષ્ણતામાન નોંધાયું: હજી બે દિવસ સુધી ચાલુ રહેશે તેમ ખાનગી વેધર કમ્પનીએ જણાવ્યું છે. access_time 10:18 pm IST