Gujarati News

Gujarati News

News of Wednesday, 28th April 2021

અમેરિકન યુધ્ધ જહાજ દ્વારા ઈરાનના જહાજ પર ફાયરિંગ

પર્શિયન ગલ્ફ સીમાં ફરી તંગદીલી : અમેરિકન નૌસેનાના કહેવા પ્રમાણે યુધ્ધ જહાજે ફાયરિંગ કર્યા બાદ ઈરાનના જહાજો પાછા હટ્યા

વોશિંગ્ટન, તા. ૨૮ : કોરોના મહામારી સામે દુનિયા લડી રહી છે ત્યારે  પર્શિયન ગલ્ફ સીમાં ફરી એક વખત ઈરાન અને અમેરિકા આમને સામને આવી ગયા છે.

અહીંયા મોજૂદ અ્મેરિકાના એક યુધ્ધ જહાજે ઈરાનના રિવોલ્યુશનરી ગાર્ડસના યુધ્ધ જહાજ પર ફાયરિંગ કર્યુ હોવાના અહેવાલો મળી રહ્યા છે.મળતી વિગતો દરમિયાન પેટ્રોલિંગ કરતી વખતે ઈરાનનુ જહાજ અમેરિકન નેવીના યુધ્ધ જહાજની નજીક આવી ગયુ હતુ.અમેરિકાએ દાવો કર્યો છે કે, અમેરિકન યુધ્ધ જહાજ યુએસએસ ફાયરબોલ્ટે ઈરાનના જહાજને વોર્નિંગ આપી હતી અને  આમ છતા ઈરાનના રિવોલ્યુશનરી ગાર્ડસનુ જહાજ અમેરિકન યુધ્ધ જહાજની વધારે ને વધારે નજીક આવી રહ્યુ હતુ.અમારા જહાજના ૬૨ મીટરના દાયરામાં ઈરાનનુ જહાજ આવી ગયા બાદ આખરે ચેતવણી આપવા માટે ફાયરિંગ કરવુ પડ્યુ હતુ.અમેરિકન નૌસેનાના કહેવા પ્રમાણે યુધ્ધ જહાજે ફાયરિંગ કર્યા બાદ ઈરાનના જહાજો પાછા હટ્યા હતા.રિવોશ્યુનરી ગાર્ડસ દ્વારા પર્શિયન ગલ્ફમાં બેજવાબદારીપૂર્ણ રીતે જહાજો હંકારવામાં આવતા હોય છે. જોકે ઈરાન તરફથી હજી આ બાબતે કોઈ ટિપ્પણી કરવામાં આવી નથી.આ ઘટના એવા સમયે બની છે જ્યારે બંન ેદેશો વચ્ચે પરમાણુ કરાર પર વાતચીત થઈ રહી છે.

(8:04 pm IST)
  • ગુજરાત સરકાર વિનામૂલ્યે સ્મશાનમાં અંતિમવિધિ માટે લાકડાં આપશે : કોરોના સંક્રમણથી થતા મૃત્યુ અંગે લેવાયો નિર્ણય : વન વિભાગ વિનામૂલ્યે જલાઉ લાકડા સ્મશાનોમાં આપશે access_time 10:40 pm IST

  • વિશ્વભરમાં કોરોનાનો હાહાકાર યથાવત ચાલુ: દેશમાં કોરોના કેસોએ નવો રેકોર્ડ સર્જ્યો, ૨૪ કલાકમાં ૩,૬૦,૯૬૦ નવા કેસ,મૃત્યુનો પણ નવો વિક્રમ: ૩૨૯૩ નવા મોત: ૨,૬૧,૧૬૨ સજા થયા: બ્રાઝિલમાં ૭૬ હજાર: અમેરિકામાં ૫૨ હજાર: ફ્રાન્સમાં ૩૦ હજાર: જર્મનીમાં ૧૯ હજાર: ઇટલીમાં ૧૦ હજાર: રશિયામાં ૮ હજાર: અને કેનેડામાં ૬ હજાર: નવા કેસ નોંધાયા access_time 11:22 am IST

  • 2004 ની કેડરના 46 IAS અધિકારીઓની કેન્દ્રમાં જોઇન્ટ સેક્રેટરી અથવા સમકક્ષ પદ પર નિયુક્તિ કરવામાં આવી છે : આ યાદીમાં ગુજરાતના ચાર IAS અધિકારીઓ, સુ. શ્રી મનીષા ચંદ્રા, શ્રી રાજેન્દ્ર કુમાર, શ્રી રાજેશ મંજુ અને શ્રી રાકેશ શંકરનો સમાવેશ થાય છે. access_time 9:34 pm IST