Gujarati News

Gujarati News

News of Sunday, 28th February 2021

વાહન ચાલકો માટે મીઠા સમાચાર : ફાસ્ટટેગ વગર હવે રજીસ્ટ્રેશન સર્ટીફીકેટ તેમજ થર્ડ પાર્ટી વિમો પણ નહિ મળે

ખાનગી તથા વ્યાવસાયિક વાહનોના RC,વીમા, ફિટનેસ, પરમિટ જેવા જરૂરી દસ્તાવેજોની યાદિમાં જલ્દી જ ફાસ્ટેગ સામેલ થવા જઈ રહ્યો છે. જુના વાહનોના દસ્તાવેજના નવીનીકરણ વગર ફાસ્ટેગ થઈ શકશે નહિ. આ યોજના આગામી એક એપ્રિલથી લાગુ થવાની સંભાવના છે. સરકારે નવા વાહનો માટે પહેલાથી જ અનિવાર્ય બનાવ્યો છે. 15 ફેબ્રુઆરીથી દેશભરમાં તમામ 770 ટોલ પ્લાઝા પર ફાસ્ટેગ વગર બેગણા ટેકસ વસુલવાની શરૂઆત થઈ ગઈ છે. આ વ્યવસ્થામાં દ્રિચક્રી વાહનો માટે છૂટ મળી છે.

માર્ગ પરિવહન અને હાઇવે મંત્રાલયના અધિકારીઓએ જણાવ્યું હતું કે દેશભરમાં 770 થી વધુ ટોલ પ્લાઝા ઇલેક્ટ્રોનિક ટોલ કલેક્શન સિસ્ટમ (ઇટીસી) તકનીકથી સજ્જ છે. આ સાથે, વાહનની સ્ક્રીન પર ફાસ્ટાગ આરએફઆઈડીની મદદથી ટેક્સની ઓનલાઇન ચુકવણીની સુવિધા ઉપલબ્ધ છે. સરકારે 15 ફેબ્રુઆરી સુધી તમામ ટોલ પ્લાઝા પર ફાસ્ટેગ ફરજિયાત બનાવ્યો છે.

નવા વાહનો ફાસ્ટેગ વિના નોંધણી કરાવી શકશે નહીં. સરકારે હવે જૂના વાહનોને તેના કાર્યક્ષેત્ર હેઠળ લાવવાની કવાયત શરૂ કરી દીધી છે. આ અંતર્ગત ફાસ્ટેગ વિનાના જૂના વાહનોનું ફિટનેસ સર્ટિફિકેટ આપવામાં આવશે નહીં. તેમનો થર્ડ પાર્ટી વીમો પણ ઉપલબ્ધ રહેશે નહીં. આ માટે, ફોર્મ 51 (વીમા પ્રમાણપત્રો) માં ફેરફાર કરવામાં આવી રહ્યા છે, તે જ રીતે, જૂના વાહનના નોંધણી પ્રમાણપત્રના નવીકરણ માટે, ફાસ્ટેગ જરૂરી રહેશે. આ નિયમ 1 એપ્રિલ 2021 થી લાગુ કરવાની યોજના છે. માર્ગ પરિવહન મંત્રાલયે શેરધારકોના સૂચનો અને વાંધા માટે ગત મહિને એક ડ્રાફ્ટ નોટિફિકેશન બહાર પાડ્યું છે. આ વખતે માર્ચમાં જાહેરનામું બહાર પાડવામાં આવે તેવી સંભાવના છે.

સડક પરિવહન તેમજ રાજમાર્ગ મંત્રાલયે વાહન પોર્ટલમાં તમામ વાહનોની જાણકારી ફીડ કરી છે. પ્રત્યેક વાહનને એક યૂનિક આઈડી નંબરનો ફાસ્ટેગ આપવામાં આવશે. તેમાં વાહનના નોંધણી પ્રમાણપત્રથી લઈને અન્ય જાણકારીઓ ફીડ હશે. દસ્તાવેજ નવીનીકરણ દરમ્યાન વાહન પોર્ટલ પર ફાસ્ટેગ ફીડ કરવા પર વાહન સંબંધી જાણકારી આવી જશે. ત્યારે વાહનોથી જોડાયેલા દસ્તાવેજોનું કાર્ય પુરૂ કરવું સંભવ થશે. તેનાથી વાહન ચાલક ફાસ્ટેગને લઈને ફ્રોડ નહિ કરી શકે. ફાસ્ટેગથી ચોરીના વાહનોનો નજર રાખવી સંભવ થશે. તો બીજા રાજયોમાં ખરીદી કરવી સરળ નહિ હોય.

(2:21 pm IST)
  • દેશમાં વિભાજનકારી તાકાત સામે લડવા એકજુટ અને મજબૂત રહે કોંગ્રેસ :જમ્મુ કાશ્મીરના પૂર્વ મુખ્યમંત્રી ફારૂક અબ્દુલ્લાએ કહ્યું કે જ્યાં સુધી આતંકવાદના મૂળ કારણ પ્રહાર નહિ કરાય ત્યાં સુધી આતંકવાદી લોકોને પોતાના શિકાર બનાવતા રહેશે : access_time 11:22 pm IST

  • સાંજે 4.30 વાગ્યા સુધીમાં રાજ્યની 231 તાલુકા પંચાયતમાં 51.73 ટકા, 31 જિલ્લા પંચાયતમાં 49.92 ટકા અને 81 નગરપાલિકામાં 34.81 ટકા મતદાન થયું. access_time 5:03 pm IST

  • મધ્યપ્રદેશમાં કેટલાય મોટા શહેરોના નામ બદલવાની તૈયારી : યોગીના પગલે મધ્યપ્રદેશની શિવરાજસિંહ ચૌહાણ સરકાર અનેક મોટા શહેરના નામકારણ કરશે જેમાં ભારતીયતાની ઝલક દેખાશે: મુગલ અને અંગ્રેજરાજના પ્રતીક બનેલા શહેરના નામમાં સાંસ્કૃતિક બદલાવની તૈયારી : આ અગાઉ હોશંગાબાદનું નામ બદલી નર્મદાપુરમ કરાયું છે: સરકાર હવે ભોપાલને ભૂ -પાલ ,ગ્વાલિયરને ગોપનચાલ અને જબલપુરની જબાલીપુરમ નામ કરવાની તૈયારીમાં access_time 11:18 pm IST