Gujarati News

ભારતે પુલવામા હુમલાનો બદલો લેવા માટે પાકિસ્તાન પર કરેલી એર સ્ટ્રાઈકનો રાજકીય લાભ મળશે તેમ કર્ણાટક ભાજપના પ્રમુખ બી એસ યેદિયુરપ્પાએ કહ્યુ છે. જેના પગલે વિવાદ પણ સર્જાયો છે. 

     યેદિયુરપ્પાએ કહ્યું હતું કે ભારત દ્વારા પાકિસ્તાનના આતંકવાદી કેમ્પો પર કરાયેલા બોમ્બ મારા બાદ આખા દેશમાં પીએમ મોદીની લહેર ચાલી રહી છે અને તેનાથી ભાજપને આગામી લોકસભા ચૂંટણીમાં ફાયદો થશે.

   યેદિયુરપ્પાએ દાવો કર્યો છે કે એર સ્ટ્રાઈકના કારણે ભાજપને કર્ણાટકમાં 28માંથી 22 લોકસભા બેઠકો પર જીત મળશે. સરકારની પાકિસ્તાન સામેની કાર્યવાહીથી લોકોમાં જોશ છે.