Gujarati News

મૈનપુરી, તા.૨૮: ઉત્તર પ્રદેશના મૈનપુરી જિલ્લામાંથી એક હૃદયદ્રાવક દ્યટના સામે આવી છે. વાસ્‍તવમાં અહીંની એક મસ્‍જિદના ઈમામ એ આઠ વર્ષની બાળકી પર બળાત્‍કાર ગુજાર્યો હતો. આટલું જ નહીં, ગુનો કર્યા બાદ આરોપી ઈમામે પીડિતાને કુરાનમાંથી કસમ ખવડાવી હતા કે તે આ વિશે કોઈને નહીં કહે.
પરંતુ જયારે બાળકી દ્યરે પહોંચી ત્‍યારે તેના શરીરમાંથી ખૂબ લોહી વહી રહ્યું હતું. આ ઘટનાની જાણ તેના પરિવારજનોને થતાં તેઓએ પોલીસ સ્‍ટેશનમાં ફરિયાદ નોંધાવી હતી.
જણાવી દઈએ કે મૈનપુરી પોલીસે આરોપી ઈમામની ધરપકડ કરી લીધી છે, જયારે બાળકીને સારવાર અને મેડિકલ તપાસ માટે હોસ્‍પિટલમાં મોકલવામાં આવી છે. આ ધૃણાસ્‍પદ ઘટના મૈનપુરીના કિસની પોલીસ સ્‍ટેશન વિસ્‍તાર હેઠળના એક ગામમાં બની હતી.
જાણો કે ૫૨ વર્ષીય આરોપી ઇમામ જમાલ અહેમદ છેલ્લા ૧૦ વર્ષથી મસ્‍જિદનો હવાલો સંભાળે છે અને અહીં બાળકોને ભણાવે છે. પીડિત યુવતી મસ્‍જિદમાં અભ્‍યાસ માટે જતી હતી.
નોંધપાત્ર વાત એ છે કે પીડિત બાળકી સાંજે ચાર વાગ્‍યા સુધી ઘરે પરત ફરતી હતી, પરંતુ બુધવારે તે મોડી ઘરે પહોંચી હતી. તેના કપડાં લોહીથી ખરડાયેલા હતા અને જયારે તેની માતાએ તેને પૂછ્‍યું ત્‍યારે તેણે આપવીતી જણાવી હતી.
પોલીસ અધિકારીએ જણાવ્‍યું કે આરોપીની ધરપકડ કરવામાં આવી છે. મામલાની તપાસ ચાલી રહી છે. આ કેસમાં આરોપીની પણ પૂછપરછ કરવામાં આવી છે.