Gujarati News

નવી દિલ્હી :દિલ્હીમાં કોરોના વાયરસના નવા કેસોમાં ઘટાડો સતત ચાલુ છે. શહેરમાં 23 દિવસ પછી 5000 થી ઓછા કેસ નોંધાયા હતા.સાંજે લગભગ 7 વાગ્યે આરોગ્ય વિભાગ દ્વારા જાહેર કરવામાં આવેલા આંકડા મુજબ દિલ્હીમાં 4291 નવા કેસ સામે આવ્યા છે અને 34 દર્દીઓના મોત થયા છે. , 9397 દર્દીઓએ કોરોનાને માત આપી છે હાલમાં શહેરમાં 33175 એક્ટિવ દર્દીઓ છે.  ચેપ દર વધીને 9.56 ટકા થઈ ગયો છે.

દિલ્હીમાં બુધવારે કોરોના સંક્રમણના 7498, મંગળવારે 6028, સોમવારે 5760, રવિવારે 9197, શનિવારે 11486 અને શુક્રવારે 10756 કેસ નોંધાયા હતા. શહેરમાં અત્યાર સુધીમાં 1815288 લોકો કોરોનાથી સંક્રમિત થયા છે અને 1756369 લોકો સંક્રમણમાંથી સાજા થયા છે અને 25744ના મોત થયા છે.

4 જાન્યુઆરીએ 5481 કેસની પુષ્ટિ થઈ હતી. આ દિવસે ચેપ દર 8.37 ટકા હતો.  તેના એક દિવસ પહેલા, 3 જાન્યુઆરીએ, 4099 કેસની પુષ્ટિ થઈ હતી. આ દિવસે ચેપ દર 6.46 ટકા નોંધાયો હતો. આ પછી, કોરોનાના કેસ સતત વધતા ગયા અને 13 જાન્યુઆરીએ, 28867 કેસ નોંધાયા, જે કોરોના રોગચાળો શરૂ થયા પછીના સૌથી વધુ કેસ હતા.

જો કે, ઘણા પ્રતિબંધોની જાહેરાત પછી, કેસ ઓછા થવા લાગ્યા. તેને જોતા હવે પ્રતિબંધો ઓછા કરવામાં આવ્યા છે. ગુરુવારે લેફ્ટનન્ટ ગવર્નર અનિલ બૈજલની અધ્યક્ષતામાં ડીડીએમએની બેઠકમાં પ્રતિબંધો ઘટાડવાનો નિર્ણય લેવામાં આવ્યો હતો. અધિકારીએ કહ્યું કે શાળાઓ ખોલવા અંગેનો અંતિમ નિર્ણય આગામી બેઠકમાં લેવામાં આવશે.