Gujarati News

Gujarati News

News of Thursday, 28th January 2021

કેમરુનમાં ગોઝારા અકસ્માતમાં ૫૩ યાત્રીઓના મોતઃ ૨૧ ઇજાગ્રસ્ત

ડરબન, તા.૨૮: મધ્ય આફ્રિકાના પશ્ચિમ કેમરુનમાં ગમખ્વાર અકસ્માત સર્જાયો છે. આ દૂર્ઘટનામાં ૫૩ લોકોનાં મૃત્યુ થયા છે જયારે અન્ય ૨૧ લોકો ઘાયલ થયા છે.

પ્રાપ્ત મળતી વિગત અનુસાર પશ્ચિમ કેમરુનમાં ગોઝારો અકસ્માત થયો છે. જેમાં ગેરકાયદેસર ઇંધણ લઇ જઇ રહેલી ટ્રકે બસને ટક્કર મારતા આ અકસ્માત સર્જાયો. આ અકસ્માતમાં ૫૩ લોકોના મોત નિપજયાં છે, જયારે અન્ય ૨૧ લોકોને ઇજા પહોંચી છે. બુધવારના રોજ સાંતચોઉ ગામની પાસે આ દૂર્ઘટના ઘટી હોવાનું સામે આવ્યું છે. ઇજાગ્રસ્તોને સારવાર માટે પશ્ચિમ શહેર દાશ્વાંગ અને બફોઉસ્સમ, અવા ફોંકા અને અગસ્ટિનની હોસ્પિટલમાં ખસેડવામાં આવ્યાં છે. પ્રાપ્ત મળતી વિગત અનુસાર ૭૦ બેઠકવાળી બસ પશ્ચિમી શહેર ફોઉમ્બાનથી રાજધાની યાઉંદે જઇ રહી હતી,ત્યારે આ દૂર્ઘટના ઘટી હતી. કેમરુનમાં વારંવાર રોડ અકસ્માત સર્જાતો રહેતો હોય છે. ગત વર્ષે ડિસેમ્બરમાં માકેનેન ગામમાં એક દૂર્ઘટનામાં ૩૭ લોકોના મૃત્યું થયા છે.

(3:15 pm IST)