Gujarati News

પટના,તા.૨૭: બિહારમાં અરરિયા જિલ્લાની કોર્ટે એક દિવસમાં નિર્ણય સંભળાવીને સમગ્ર દેશ માટે એક ઉદાહરણ પુરુ પાડ્યું છે. જિલ્લા કોર્ટે પોકસો એકટ હેઠળ નોંધાયેલા કેસમાં ચૂકાદો કરતા એક જ દિવસમાં જુબાની સાંભળ્યા બાદ આરોપીને ગુનેગાર ઠરાવી આજીવન કેદની સજા સંભળાવી છે. આ નિર્ણય પોકસો એકટ માટે બનેલી સ્પેશિયલ કોર્ટના ન્યાયાધીશ શશિકાંત રાયે સંભળાવ્યો છે.

અરરિયાએ નરપતગંજ પોલીસ સ્ટેશનમાં આ જ વર્ષે ૨૩ જુલાઈએ એક સગીરાના રેપની ફરિયાદ દાખલ થઈ હતી. કેસના તપાસ અધિકારી રીતા કુમારીએ આરોપની ધરપકડ કરી અને ૧૮ સપ્ટેમ્બરે કોર્ટમાં ચાર્જશીટ દાખલ કરી દીધી. આ કેસમાં જજ શશિકાંત રાયે કોર્ટને ૨૦ સપ્ટેમ્બરે સંજ્ઞાન લીધી અને ૨૪ સપ્ટેમ્બરે ગુનો નક્કી કરી દીધો.

એ બાદ પોકસો કોર્ટના વિશેષ ન્યાયાધીશ શશિકાંત રાયે એક જ તારીખમાં સુનમણી કરતા કુલ ૧૦ સાક્ષીઓની જુબાની સાંભળી અને તે જ દિવસે આરોપી દિલીપ યાદવને ગુનેગાર ઠરાવતા ઉંમર કેદ અને ૫૦ હજારનો દંડ ફટકાર્યો. આ દરમિયાન કોર્ટે સરકારને પીડિતાને ૭ લાખનું વળતર આપવાનો આદેશ કર્યો.

પહેલા પણ ન્યાયધીશ શશિકાંત રાયે ૧૦ વર્ષની બાળકી સાથે ગેંગરેપ બાદ હત્યાના કેસમાં ઐતિહાસિક નિર્ણય સંભળાવ્યો હતો. આ નિર્ણયમાં કોર્ટે આરોપીને ફાંસીની સજા સંભળાવી હતી. આ પહેલા ૪ ઓકટોબરે કોર્ટે વધુ એક મામલામાં ૮ વર્ષની બાળકી સાથે રેપના આરોપીને અંતિમ શ્વાસ સુધી જેલમાં રહેવાની સજા સંભળાવી હતી. બન્ને ઐતિહાસિક નિર્ણય પણ જિલ્લા અને સત્ર કોર્ટ સહ પોકસો મામલાની કોર્ટના જજ શશિકાંત રાયે સંભળાવ્યા છે.