Gujarati News

Gujarati News

News of Friday, 27th November 2020

' હંગર મીટાઓ અભિયાન : યુ.એસ.ના જ્યોર્જિયામાં ઇન્ડિયન અમેરિકન કોમ્યુનિટી દ્વારા ભુખ્યાને ભોજન પૂરું પાડવા માટે છેલ્લા એક વર્ષથી કરાઈ રહેલી સેવા : કોવિદ -19 સંજોગોમાં પણ સેવાઓ ચાલુ : એક વર્ષમાં 10 લાખ ડીશ જમાડી જરૂરીયાતમંદ નાગરિકોની આંતરડી ઠારી

જ્યોર્જિયા : યુ.એસ.માં વસતા ઇન્ડિયન અમેરિકન નાગરિકો ભારતીય સંસ્કૃતિ ઉજાગર કરી રહ્યા છે.જે મુજબ ગયા વર્ષે 2 ઓક્ટોબરના રોજ હંગર મીટાઓ અભિયાન હેઠળ શરૂ કરાયેલી ફૂડ બેન્કનો વ્યાપ અનેક કાઉન્ટીમાં વધ્યો છે.
છેલ્લા એક વર્ષમાં એટલાન્ટા ચેપટર દ્વારા શરૂ કરાયેલી આ સેવાઓ અંતર્ગત 10 લાખ ડીશ ભોજન પૂરું પાડવામાં આવ્યું છે.આ સેવાઓ કોવિદ -19 સંજોગોમાં પણ ચાલુ રાખવામાં આવી છે.

એટલાન્ટા કોમ્યુનિટી ફૂડ બેન્ક વિભાગના સીઈઓ એ જણાવ્યા મુજબ 29 કાઉન્ટીમાં વસતા દર 7 નાગરિકો પૈકી એક ભૂખ્યો રહે છે.જેને ભોજન પૂરૂ પાડવામાં આવે છે.આ માટે તેમણે દાતાઓ તથા વોલન્ટિયર્સનો આભાર માન્યો હતો.

 

(7:09 pm IST)
  • તેલંગણામાં યોજાનારી મ્યુ.કોર્પોરેશનની ચૂંટણીઓ પહેલા અસદુદીન ઓવેસીની વડાપ્રધાન શ્રી મોદીને ચેલેન્જ : જો તમે બીજેપીને જનતાનું સમર્થન છે તેવું માનતા હો તો મારા સંસદીય મત વિસ્તારમાં આવીને તમારી પાર્ટીનો પ્રચાર કરો : હૈદરાબાદમાં પ્રચાર કરવાથી તમારી પાર્ટી કેટલી સીટ જીતે છે અને મારી પાર્ટીને કેટલી સીટ મળે છે તે જોઈ લેજો : બીજેપીના પ્રચારકો જુઠાણું ફેલાવવા સિવાય બીજું કશું જ કરતા નથી : AIMIM પાર્ટી લીડર તથા હૈદરાબાદના સાંસદ અસદુદીનનો હુંકાર access_time 7:52 pm IST

  • મહેબુબા મુફતી ફરી નજર કેદમાં : પુત્રી ઈલ્તીજાની જાહેરાત : કાશ્મીરના ભૂતપૂર્વ મુખ્યમંત્રી મહેબુબા મુફતીને આજે સવારે ફરીથી તેમના નિવાસસ્થાને નજર કેદ કરવામાં આવ્યા છે : મહેબુબા મુફતીની પુત્રી ઈલ્તીજાએ આ વાતની જાહેરાત કરી હતી : તેણે કહેલ કે શું આપણે આને લોકશાહી કહેશુ જયાં લોકોને વાણી સ્વતંત્રતા કે વિચારો વ્યકત કરવાનો પણ કોઈ અધિકાર નથી : જો કે સત્તાવાર હજુ સુધી આવી કોઈ જાહેરાત થઈ નથી access_time 1:08 pm IST

  • ' કૌન બનેગા કરોડપતિ ' શો વિવાદમાં : 64 લાખ રૂપિયાનો પ્રશ્ન : 1927 ની સાલમાં ડો.ભીમરાવ આંબેડકરના અનુયાયીઓએ કયા હિન્દૂ ધર્મગ્રંથના પાના બાળી નાખ્યા હતા ? : મહાનાયક અમિતાબ બચ્ચને હોટ સીટ ઉપરથી પૂછેલો પ્રશ્ન હિન્દુઓની ધાર્મિક લાગણી ઉશ્કેરનારો : મુઝફ્ફર કોર્ટમાં ફરિયાદ access_time 11:31 am IST