Gujarati News

Gujarati News

News of Friday, 27th November 2020

ઉદય શિવાનંદ કોવીડ હોસ્પીટલની આગ ખૂબ જ દુઃખદ ર૮ દર્દીઓની સારવાર ગોકુલ હોસ્પીટલ ખાતે ચાલુ છે

ર૮ દર્દીઓને બચાવી લેવાયાઃ મૃતકના પરિવારને દોઢ લાખની સહાયઃ હોસ્પીટલ પાસે ફાયરના સાધનો-કોર્પોરેશનનું ONC છેઃ ગોકુલ હોસ્પીટલના ડો. પ્રકાશ મોઢા-ડો. તેજસ કરમટાનો ખુલાસો

રાજકોટ તા. ર૭: ગઇકાલે રાજકોટની ઉદય શિવાનંદ કોવીડ હોસ્પીટલમાં લાગેલી આગની ઘટના ખૂબ જ દુઃખદ હોવાનું ગોકુલ હોસ્પીટલ મેનેજમેન્ટે એક યાદીમાં જણાવાયું છે.

ગોકુલ હોસ્પીટલના સીનીયર ન્યુરો સર્જન ડો. પ્રકાશ મોઢા અને ક્રિટીકલ કેર નિષ્ણાંત ડો. તેજસ કરમટાએ એક યાદીમાં જણાવ્યું છે કે, ઉદય શિવાનંદ કોવીડ હોસ્પીટલ ખાતે ગઇકાલે રાત્રે આગની ઘટના બની તે ખૂબ જ દુઃખદ છે. ગોકુલ હોસ્પીટલ મેનેજમેન્ટની સંવેદના જે લોકોએ જીવન ગુમાવ્યું છે. તે લોકોના પરિવારની સાથે જ છે. ગોકુલ હોસ્પીટલ વતી ડો. પ્રકાશ મોઢા અને ડો. તેજસ કરમટા આ તબકકે રાજકોટના ફાયર વિભાગ તથા પોલીસના સ્ટાફ તથા તમામ સરકારી મશીનરીનો આભાર માને છે તેમની ખૂબ જ ટાઇમસરની મદદને કારણે આપનો ૩૩માંથી ર૮ દર્દીઓને બચાવી શકયા છીએ. હાલમાં તેમની સારવાર ગોકુલ હોસ્પીટલ વિદ્યાનગર તથા કુવાડવા રોડ ખાતે ચાલુ છે.

ડો. પ્રકાશ મોઢા અને ડો. તેજસ કરમટાએ વધુમાં જણાવ્યું છે કે, દર્દીઓની સારવારમાં કોઇપણ પ્રકારની તકલીફ ન પડે તે માટે ગોકુલ હોસ્પીટલ મેનેજમેન્ટ કટિબધ્ધ છે. તમામ પગલા લઇ રહ્યું છે. ગોકુલ હોસ્પીટલ દ્વારા મૃતકના પરિવારને દોઢ લાખ રૂપિયાની સહાય આપવાનું જાહેર કરવામાં આવ્યું છે. શિવાનંદ હોસ્પીટલ ખાતે ફાયટરના તમામ સાધનો તથા કોર્પોરેશન દ્વારા NOC મેળવેલ છે.

(3:37 pm IST)
  • કોંગ્રેસ નહીં ઓફિસને તાળાં મારી દેવાયા: પગાર ચૂકવો પછી જ અંદર આવો: લખનૌમાં કોંગ્રેસના મુખ્ય કાર્યાલયને, કર્મચારીઓ અને સ્ટાફ દ્વારા, પગાર નહી ચૂકવવાને કારણે તાળાબંધી કરવામાં આવી છે. બાકી નીકળતું વેતન ચૂકવાશે નહિ, ત્યાં સુધી, કોઈ પણ કોંગી હોદ્દેદારને ઓફિસમાં પ્રવેશવા દેવાશે નહિ, તેવી જાહેરાત access_time 10:49 am IST

  • લાલુનો જેલવાસ ૧૧ ડિસેમ્બર સુધી લંબાયો : આરજેડી પક્ષના સુપ્રિમો લાલુપ્રસાદ યાદવને આજે ફરી જામીન મળ્યા નથી : ૧૧ ડિસેમ્બર સુધી જેલમાં રહેવુ પડશે : તેમની જામીન અરજીની સુનાવણી હવે ૧૧ ડિસેમ્બરે હાથ ધરાશે access_time 1:08 pm IST

  • મુંબઈમાં સંખ્યાબંધ સ્થળોએ એન્ફોર્સમેન્ટ ડાયરેકટોરેટે (ઈડી)એ મોટાપાયે દરોડા શરૂ કર્યાનું જાણવા મળે છે access_time 12:51 pm IST