Gujarati News

Gujarati News

News of Friday, 27th November 2020

બીડન સરકારમાં મહિલાઓના હાથમાં મહત્વની જવાબદારી

ટ્રેઝરી સચીવ, યુએનમાં અમેરિકી રાજદુત અને નેશનલ ઇન્ટેલીજન્સના ડાયરેકટર તરીકે દાયીત્વ સોંપાયું

વોશિંગ્ટન,તા. ૨૭: અમેરિકાની રાષ્ટ્રપતિ પદની ચૂંટણી જીતનાર જો બીડને પોતાની કેબીનેટમાં મહિલાઓ, અશ્વેતો અને અલ્પ સંખ્યકોને સ્થાન આપ્યું છે. મહિલાઓને પ્રમુખ કેબીનેટ અને કેબીનેટના અન્ય પદો ઉપર નામાંકીત કર્યા છે. જેમાં ટ્રેઝરી સચિવ, યુએનમાં અમેરિકી રાજદુત અને નેશનલ ઇન્ટેલીજન્સ ડાયરેકટર જેવા મહત્વના પદ પણ સામેલ છે. અનેક પદો ઉપર પહેલી વાર મહિલાને સ્થાન મળ્યું છે.

જેનેટ યેલેન (ટ્રેઝરી સચીવ) : અમેરિકાના જાણીતા  લેબર અર્થશાસ્ત્રી અને ફેડરલ રિઝર્વના પૂર્વ ચેરમેન જેનેટ યેલેન ટ્રેઝરી સેક્રેટરી બન્યા છે. સેનેટ દ્વારા પુષ્ટી કરાઇ તો તેઓ અમેરિકી ઇતિહાસમાં ટ્રેઝરી વિભાગના પહેલા મહિલા પ્રમુખ બનશે. ૭૪ વર્ષીય જેનેટે ૧૯૯૦માં ડેમોક્રેટીક તરીકે રાજકારણની શરૂઆત કરેલ.

એવ્રિલ હૈન્સ (ડાયરેકટર -નેશનલ ઇન્ટેલીજન્સ) : બીડને સીઆઇએના પૂર્વ ઉપ નિર્દેશક એપ્રિલ હૈન્સને રાષ્ટ્રીય જાસુસી વિભાગના નવા ડાયરેકટર રૂપે નામિત કર્યા છે. હૈન્સ પહેલી મહિલા હશે જે આ પદ સંભાળશે. તેમણે અગાઉ અનેક જવાબદારીવાળા પદ સંભાળ્યા છે.

લીંડા થોમસ (યુએનમાં રાજદુત):  અનુભવી રાજનાયીક લીંડા થોમસ ગ્રીનફીલ્ડને, યુએનમાં અમેરિકી રાજદુતના રૂપમાં નામિત કરાયા છે. આ અમેરિકીનું સૌથી પ્રતિષ્ઠીત કુટનીતીક પદ માનવામાં આવે છે. લીંડાએ ૨૦૧૩ અને ૨૦૧૭ વચ્ચે ઓબામા પ્રશાસનમાં આફ્રીકા માટે અમેરિકી સહાયક વિદેશ મંત્રીના રૂપે કાર્ય કરેલ.

(2:53 pm IST)
  • પશ્ચિમ બંગાળમાં આવી રહેલી વિધાનસભા ચૂંટણીઓ પહેલા મમતા બેનરજીની મહત્વની ઘોષણાં : રાજ્યના તમામ 10 કરોડ નાગરિકોને રૂપિયા 5 લાખ સુધીની કેશલેશ સુવિધા અપાશે : ભાજપના ' વિકાસ ' પ્રચાર સામે મમતાનું ' વિકાસ કાર્ડ ' access_time 1:15 pm IST

  • તેલંગણામાં યોજાનારી મ્યુ.કોર્પોરેશનની ચૂંટણીઓ પહેલા અસદુદીન ઓવેસીની વડાપ્રધાન શ્રી મોદીને ચેલેન્જ : જો તમે બીજેપીને જનતાનું સમર્થન છે તેવું માનતા હો તો મારા સંસદીય મત વિસ્તારમાં આવીને તમારી પાર્ટીનો પ્રચાર કરો : હૈદરાબાદમાં પ્રચાર કરવાથી તમારી પાર્ટી કેટલી સીટ જીતે છે અને મારી પાર્ટીને કેટલી સીટ મળે છે તે જોઈ લેજો : બીજેપીના પ્રચારકો જુઠાણું ફેલાવવા સિવાય બીજું કશું જ કરતા નથી : AIMIM પાર્ટી લીડર તથા હૈદરાબાદના સાંસદ અસદુદીનનો હુંકાર access_time 7:52 pm IST

  • હોસ્પિટલોમાં આગની ઘટનાઓ જરા પણ સ્વીકાર્ય નથી : સુપ્રિમ કોર્ટે પણ ચિંતા વ્યકત કરી : રાજકોટમાં કોવિડ હોસ્પિટલમાં લાગેલી આગમાં પાંચ કોરોનાના દર્દીઓના મૃત્યુ નિપજતા સુપ્રિમ કોર્ટે પણ ચિંતા વ્યકત કરતાં કહ્યુ છે કે હાઈકોર્ટ પણ સમગ્ર મામલાને નિહાળી રહ્યા છીએ. આ પ્રકારની ઘટનાઓ સ્વીકાર્ય નથી : અમે આખા દેશની સ્થિતિ પર માહિતી લઈ રહ્યા છીએ. access_time 1:07 pm IST