Gujarati News

Gujarati News

News of Friday, 27th November 2020

કેશુભાઇ અકબરી ચાર ભાઇ અને બે બહેનમાં પાંચમાઃ ૧૮મીથી દાખલ હતાં

પુત્ર વિવેક સાથે રાતે ૧૧:૨૦ કલાકે કેશુભાઇએ વિડીયો કોલથી વાત કરી કહ્યું-હવે સારુ છે ને મોડી રાતે પિતાનું આગમાં મૃત્યુ થયાનો કોલ આવ્યો : વિવેક અકબરીનો આક્ષેપઃ આઇસીયુ સ્ટાફ, એડમીનના ફોન બંધ હતાં: ફીની ઉઘરાણી માટે ચાર-ચાર ફોન કરતાં, એ ફોન પણ બંધ

ઉદય કોવિડ હોસ્પિટલની આગમાં જે હતભાગી કોરોના દર્દીની જિંદગી અકાળે અસ્ત થઇ ગઇ તેમાં કેશુભાઇ લાલજીભાઇ અકબરી (ઉ.વ.૫૦) નામના પટેલ પ્રોૈઢ છુટક જોબવર્ક કરતાં હતાં અને રતનપર ગામે ખેતી ધરાવતાં હતાં. તેઓ ચાર બહેન અને બે ભાઇમાં પાંચમા નંબરે હતાં. ૧૮મીએ તેમને કોરોના લાગુ પડતાં ઉદય કોવિડમાં દાખલ કરાયા હતાં. તેમને સંતાનમાં એક પુત્ર વિવેકભાઇ અને એક દિકરી હિરલબેન જયદિપભાઇ રૈયાણી છે. પત્નિનું નામ સરોજબેન છે. માતા હયાત નથી, પિતા લાલજીભાઇ હયાત છે.

કેશુભાઇના પુત્ર વિવેકભાઇ અને તેમના ભત્રીજા સુનિલભાઇએ જણાવ્યું હતું કે કેશુભાઇને હોસ્પિટલના પહેલા માળે ૧૦૪ નંબરના બેડ પર દાખલ કરાયા હતાં. તેઓ આઇસીયુમાં હતાં. ગઇકાલે જ રાતે દિકરા વિવેકભાઇએ વિડીયો કોલથી વાત કરી હતી ત્યારે કેશુભાઇએ હવે તબીયત સારી છે તેમ કહ્યું હતું. આજે તો આઇસીયુમાંથી તેમને શિફટ કરી જનરલ વોર્ડમાં લઇ જવાના હતાં. પરંતુ કોઇને કયાં ખબર હતી કે જિંદગીની સફરમાંથી જ અકાળે શિફટ થઇ જશે!? સ્વજનોએ આક્રોશ સાથે જણાવ્યું હતું કે રોજના અમે રૂ. ૫૦-૫૦ હજાર લેખે હોસ્પિટલની ફી ભરતાં હતાં. પૈસા ભરવાના હોય ત્યારે સતત ચાર-ચાર વખત અમને ફોન કરનારા સ્ટાફે રાતે ઘટનાની જાણ કરી નહોતી. અમને પોલીસ મારફથ જાણ થઇ હતી. જેટલી ફી આ હોસ્પિટલમાં વસુલવામાં આવતી હતી એ પ્રમાણેની સુવિધાને નામે મીંડુ હતું. અમે અત્યાર સુધીમાં ચાર લાખ રૂપિયા ભરી દીધા હતાં. અમને આશા હતી કે અમારા સ્વજન હેમખેમ સાજા થઇને બહાર આવશે, પણ હોસ્પિટલની બેદરકારીને લીધે તેમનો ભડથું થયેલો મૃતદેહ અમને મળ્યો હતો. તેવો આક્રોશ વ્યકત કરાયો હતો.

(12:21 pm IST)
  • હોસ્પિટલોમાં આગની ઘટનાઓ જરા પણ સ્વીકાર્ય નથી : સુપ્રિમ કોર્ટે પણ ચિંતા વ્યકત કરી : રાજકોટમાં કોવિડ હોસ્પિટલમાં લાગેલી આગમાં પાંચ કોરોનાના દર્દીઓના મૃત્યુ નિપજતા સુપ્રિમ કોર્ટે પણ ચિંતા વ્યકત કરતાં કહ્યુ છે કે હાઈકોર્ટ પણ સમગ્ર મામલાને નિહાળી રહ્યા છીએ. આ પ્રકારની ઘટનાઓ સ્વીકાર્ય નથી : અમે આખા દેશની સ્થિતિ પર માહિતી લઈ રહ્યા છીએ. access_time 1:07 pm IST

  • અર્ણવ ગોસ્વામીને મોટી રાહત આપતો સુપ્રિમ કોર્ટનો હુકમ : રીપબ્લીક ટીવીના પત્રકાર અર્ણવ ગોસ્વામીને આપવામાં આવેલા વચગાળાના જામીન જયાં સુધી મુંબઈ હાઈકોર્ટ ૨૦૧૮ના આત્મહત્યા માટે ફરજ પાડવાના કેસનો નિકાલ કરે નહિં ત્યાં સુધી ચાલુ રહેશે તેવો આદેશ સુપ્રિમ કોર્ટે આપ્યો છે access_time 12:51 pm IST

  • અમદાવાદ શહેરમાં કોરોના વિસ્ફોટ :કોરોનાનું સંક્રમણ વધ્યું, ગોતા,બોડકદેવ અને થલતેજ બન્યા હોટસ્પોટ ઝોન: અમદાવાદ મહાનગરપાલિકા દ્વારા વધુ 24 વિસ્તારોને માઈક્રો કન્ટેનમેન્ટ ઝોનમાં મુકાયા access_time 11:51 pm IST