Gujarati News

Gujarati News

News of Friday, 27th November 2020

સિડની વનડેમાં અદાણી ગ્રુપનો વિરોધ :ચાલુ મેચે હાથમાં પ્લે કાર્ડ લઇને મેદાનમાં ઘુસ્યો એક વ્યક્તિ

પ્લે કાર્ડમાં સ્ટેટ બેન્ક ઓફ ઇન્ડિયા અદાણી ગ્રુપને એક બિલિયન (આશરે 7389 કરોડ રૂપિયા)ની લોન ના આપે લખેલુ હતું

મુંબઈ : ભારત અને ઓસ્ટ્રેલિયા વચ્ચે સિડનીમાં રમાઇ રહેલી મેચમાં અદાણી ગ્રુપનો વિરોધ કરવા માટે એક વ્યક્તિ ચાલુ મેચમાં મેદાનમાં ઘુસી આવ્યો હતો. આ વ્યક્તિના હાથમાં એક પ્લે કાર્ડ હતું.

મેચ દરમિયાન એક વ્યક્તિએ મેદાનમાં ઘુસીને અદાણી ગ્રુપનો વિરોધ કર્યો હતો, તેના હાથમાં એક પ્લે કાર્ડ હતું, જેની પર સ્ટેટ બેન્ક ઓફ ઇન્ડિયા અદાણી ગ્રુપને એક બિલિયન (આશરે 7389 કરોડ રૂપિયા)ની લોન ના આપે લખેલુ હતું. સાથે જ તેની ટી શર્ટ પર સ્ટોપ અદાણી લખેલુ હતું.

 

અત્રે ઉલ્લેખનીય છે કે ગૌતમ અદાણી ભારતના મોટા બિઝનેસમેન છે, તેમનો બિઝનેસ કેટલાક દેશમાં ફેલાયેલો છે. ઓસ્ટ્રેલિયામાં કોલ માઇન્સ માટે તેમનો ઘણો વિરોધ થયો હતો. આ મહિને સમાચાર આવ્યા હતા કે SBIએ અદાણીની ઓસ્ટ્રેલિયન માઇનિંગ કંપનીને 5,000 કરોડની લોન આપવાનું મન બનાવ્યુ છે.

પ્રદર્શનકારી આ ઘટનાનો વિરોધ કરી રહ્યા છે. પ્રોજેક્ટના વિરોધીઓનું માનવુ છે કે થર્મલ કોલ માટે થઇ રહેલા ખોદકામ પર્યાવરણ માટે ઘણુ નુકસાનકારક છે. બિઝનેસ સ્ટાન્ડર્ડ અનુસાર વર્ષ 2014માં SBI અને અદાણીએ 1 બિલિયન ડોલરની લોન માટે MOU સાઇન કર્યા હતા. જોકે, બાદમાં તેની પર વિવાદ થતા આ લોન અદાણીને મળી નહતી.

 

(12:17 pm IST)
  • હોસ્પિટલોમાં આગની ઘટનાઓ જરા પણ સ્વીકાર્ય નથી : સુપ્રિમ કોર્ટે પણ ચિંતા વ્યકત કરી : રાજકોટમાં કોવિડ હોસ્પિટલમાં લાગેલી આગમાં પાંચ કોરોનાના દર્દીઓના મૃત્યુ નિપજતા સુપ્રિમ કોર્ટે પણ ચિંતા વ્યકત કરતાં કહ્યુ છે કે હાઈકોર્ટ પણ સમગ્ર મામલાને નિહાળી રહ્યા છીએ. આ પ્રકારની ઘટનાઓ સ્વીકાર્ય નથી : અમે આખા દેશની સ્થિતિ પર માહિતી લઈ રહ્યા છીએ. access_time 1:07 pm IST

  • દિલ્હીમાં હજારો ખેડૂતોને રાખવા માટે ૮ મોટા સ્ટેડીયમોમાં જેલ ઉભી કરાશે : હજારો ખેડૂતો દ્વારા દિલ્હી ચલો કૂચ આગળ વધી રહી છે ત્યારે કેજરીવાલની આપ સરકાર પાસે દિલ્હી પોલીસે ૮ મોટા સ્ટેડીયમોની માંગણી કરી છે : પોલીસ આ સ્ટેડીયમોનો ઉપયોગ કામચલાઉ જેલ તરીકે કરવા માગે છે access_time 12:51 pm IST

  • અર્ણવ ગોસ્વામીને મોટી રાહત આપતો સુપ્રિમ કોર્ટનો હુકમ : રીપબ્લીક ટીવીના પત્રકાર અર્ણવ ગોસ્વામીને આપવામાં આવેલા વચગાળાના જામીન જયાં સુધી મુંબઈ હાઈકોર્ટ ૨૦૧૮ના આત્મહત્યા માટે ફરજ પાડવાના કેસનો નિકાલ કરે નહિં ત્યાં સુધી ચાલુ રહેશે તેવો આદેશ સુપ્રિમ કોર્ટે આપ્યો છે access_time 12:51 pm IST