Gujarati News

Gujarati News

News of Friday, 27th November 2020

સુશાંતસિંહની મેનેજર દિશા સાલીયાનના કેસની CBI તપાસની માંગ કરતી અરજી હાઈકોર્ટે ફગાવી

જો કોઈ પાસે આ કેસને લગતા કોઈ પુરાવા કે જાણકારી હોય તો તેઓ પોલીસનો સંપર્ક કરી શકે

મુંબઈ : બૉલીવુડ અભિનેતા સ્વ, સુશાંતસિંહની મેનેજર દિશા સાલીયાન કેસની સીબીઆઈ તપાસની માંગ કરતી અરજી બોમ્બે હાઈકોર્ટે ફગાવી દીધી છે. કોર્ટે અરજદારોને આ કેસમાં તપાસ માટે પોલીસનો સંપર્ક કરવા કહ્યું છે. સુશાંતસિંહ રાજપૂતની પૂર્વ મેનેજર દિશા સાલીયાન કેસની સીબીઆઈ તપાસની માંગ કરતી એક અરજી બોમ્બે હાઈકોર્ટમાં કરાઈ હતી. હાઈકોર્ટે તે અરજીને ફગાવી દીધી છે. કોર્ટે કહ્યું છે કે જો કોઈ પાસે આ કેસને લગતા કોઈ પુરાવા કે જાણકારી હોય તો તેઓ પોલીસનો સંપર્ક કરી શકે છે

   દિલ્લીના વકિલ પુનીત ઢાંડાની અરજી પર મુખ્ય ન્યાયધીશ દિપાંકર દત્તા અને ન્યાયમૂર્તી જી.એસ.કુલકર્ણીની ખંડપીઠે સુનાવણી હાથ ધરી હતી. અદાલતે પુનીતને પૂછ્યું હતું કે તમે કોણ છો? જો દિશા સાલીયાનના મોત મામલામાં કંઈક ખોટુ થયું છે તો તેનો પરિવાર કાયદા કાનૂન મુજબ યોગ્ય પગલા ભરી શકે છે. તેમ કહીને પુનીતની અરજી હાઈકોર્ટે ફગાવી દીધી હતી. સાથે જ વકિલ પુનીત ઢાંડા કે કોઈ પાસે આ કેસને લઈને જાણકારી હોય તો પોલીસને સંપર્ક કરવા હાઇકોર્ટે કહ્યું હતું

(10:02 am IST)
  • મહેબુબા મુફતી ફરી નજર કેદમાં : પુત્રી ઈલ્તીજાની જાહેરાત : કાશ્મીરના ભૂતપૂર્વ મુખ્યમંત્રી મહેબુબા મુફતીને આજે સવારે ફરીથી તેમના નિવાસસ્થાને નજર કેદ કરવામાં આવ્યા છે : મહેબુબા મુફતીની પુત્રી ઈલ્તીજાએ આ વાતની જાહેરાત કરી હતી : તેણે કહેલ કે શું આપણે આને લોકશાહી કહેશુ જયાં લોકોને વાણી સ્વતંત્રતા કે વિચારો વ્યકત કરવાનો પણ કોઈ અધિકાર નથી : જો કે સત્તાવાર હજુ સુધી આવી કોઈ જાહેરાત થઈ નથી access_time 1:08 pm IST

  • મહારાષ્ટ્ર સરકારનો મહત્વનો નિર્ણય : 30 હજાર સેક્સ વર્કર્સને દર મહિને 5 હજાર રૂપિયા આપશે : ઉપરાંત જેમના બાળકો સ્કૂલમાં અભ્યાસ કરે છે તેમને દર મહિને અઢી હજાર રૂપિયા વધુ અપાશે : રાજ્યના 32 જિલ્લાની 30 હજાર મહિલા સેક્સ વર્કર્સને આર્થિક સહાય માટે 51 કરોડ રૂપિયા ખર્ચવાનું આયોજન : મહિલા તથા બાળવિકાસ મંત્રી યશોમતી ઠાકુરની ઘોષણાં access_time 11:43 am IST

  • હોસ્પિટલોમાં આગની ઘટનાઓ જરા પણ સ્વીકાર્ય નથી : સુપ્રિમ કોર્ટે પણ ચિંતા વ્યકત કરી : રાજકોટમાં કોવિડ હોસ્પિટલમાં લાગેલી આગમાં પાંચ કોરોનાના દર્દીઓના મૃત્યુ નિપજતા સુપ્રિમ કોર્ટે પણ ચિંતા વ્યકત કરતાં કહ્યુ છે કે હાઈકોર્ટ પણ સમગ્ર મામલાને નિહાળી રહ્યા છીએ. આ પ્રકારની ઘટનાઓ સ્વીકાર્ય નથી : અમે આખા દેશની સ્થિતિ પર માહિતી લઈ રહ્યા છીએ. access_time 1:07 pm IST