Gujarati News

Gujarati News

News of Friday, 27th November 2020

પંજાબ-હરિયાણા બાદ યુપીના ખેડૂતો મેદાને ઉતર્યા : દરેક નેશનલ હાઈવે કરશે ચક્કાજામ

ઈસ્ટર્ન પેરિફેરલ હાઈવે જામ કરવા માટે નોઈડાના બીકેયૂ કાર્યકર્તાઓએ સમગ્ર રણનીતિ બનાવી બીકેયૂ કાર્યકર્તા ઈસ્ટર્ન પેરિફેરલ હાઈવે કરશે, બીજી ટીમ હરિયાણા તરફના હાઈવેને જામ કરશે

નવી દિલ્હી : કેન્દ્ર સરકારના નવા કૃષિ કાયદાના વિરોધમાં પંજાબ, હરિયાણા સહિત કેટલાય રાજ્યોના ખેડૂતો ગુરૂવારે દિલ્હી કૂચ કરી આવ્યા હતા. પંજાબ-હરિયાણા બોર્ડર પર પોલીસ અને ખેડૂતો વચ્ચે ભારે ઘર્ષણ પણ થયુ હતું. દિલ્હીથી અડીને આવેલા યુપી અને હરિયાણા બોર્ડર પર પોલીસે કડકાઈ બતાવી હતી અને સુરક્ષા વ્યવસ્થા કડક રાખી હતી. દિલ્હીથી નોઈડા આવતી મેટ્રો પણ બંધ રાખવામાં આવી હતી. ત્યારે આ તમામની વચ્ચે ભારતીય કિસાન યૂનિયને યુપી તરફથી દિલ્હી જતા તમામ રાષ્ટ્રીય રાજમાર્ગોને જામ કરવાનું એલાન કર્યુ છે. શુક્રવારે ઈસ્ટર્ન પેરિફેરલ હાઈવે જામ કરવા માટે નોઈડાના બીકેયૂ કાર્યકર્તાઓએ સમગ્ર રણનીતિ બનાવી છે.

   ગૌતમબુદ્ધ નગર જિલ્લા અધ્યક્ષ અનિત કસાના અને મીડિયાના પ્રભારી સુનિલ નાગરે જણાવ્યુ હતું કે, શુક્રવારે યુપીના હાઈવે જામ કરવામા આવશે. ઈસ્ટર્ન પેરિફેરલ હાઈવે પર વાહનોની અવરજવર સમગ્રપણે બંધ કરી દેવામાં આવી હતી. સિરસા ગામની પાસે બીકેયૂ કાર્યકર્તા ઈસ્ટર્ન પેરિફેરલ હાઈવે કરશે, જ્યારે બીજી ટીમ હરિયાણા તરફના હાઈવેને જામ કરશે. ત્યારે આવા સમયે હાઈવે તરફથી પસાર થઈ રહેલા લોકોને આ જામનો સામનો કરી પડી શકે છે. હકીકતમાં જોઈએતો, આ હાઈવે દિલ્હીના ટ્રાફિક જામને હળવો કરવા માટે બનાવવામાં આવ્યો હતો. હરિયાણાથી કુંડલીથી યુપી થઈને પલવલ જતો આ હાઈવેનો ઉપયોગ કેટલાય રાજ્યોના લોકો કરે છે.

(12:00 am IST)
  • પેટ્રોલ ડીઝલના ભાવમાં આજે આઠમા દિવસે પણ ભાવમાં વધારો ઝીંકાયો: પેટ્રોલમાં 24 પૈસા અને ડીઝલનાં ભાવમાં પ્રતિ લિટરે 31 પૈસાનો વઘારો થયો :આઠ દિવસમાં પેટ્રોલમાં 1.07 અને ડીઝલમાં 1.86 ૱ નો ભાવ વધારો થયો છે:ભાવ વધારો સવારે છ વાગ્યા થી લાગુ થશે access_time 11:44 pm IST

  • દિલ્હીમાં હજારો ખેડૂતોને રાખવા માટે ૮ મોટા સ્ટેડીયમોમાં જેલ ઉભી કરાશે : હજારો ખેડૂતો દ્વારા દિલ્હી ચલો કૂચ આગળ વધી રહી છે ત્યારે કેજરીવાલની આપ સરકાર પાસે દિલ્હી પોલીસે ૮ મોટા સ્ટેડીયમોની માંગણી કરી છે : પોલીસ આ સ્ટેડીયમોનો ઉપયોગ કામચલાઉ જેલ તરીકે કરવા માગે છે access_time 12:51 pm IST

  • દેશમાં કોરોના કેસનો આંકડો 93 લાખને પાર પહોંચ્યો :એક્ટિવ કેસ ફરી વધ્યા : રાત્રે 11 વાગ્યા સુધીમાં કોરોનાના નવા 42 054 કેસ નોંધાયા:કુલ કેસનો આંકડો 93, 08,751 થયો :એક્ટીવ કેસ 4, 54,323 થયા: વધુ 38,580 દર્દીઓ સ્વસ્થ થતા કુલ 87,16,556 રિકવર થયા :વધુ 473 લોકોના મોત સાથે કુલ મૃત્યુઆંક 1,35, 734 થયો access_time 12:14 am IST