Gujarati News

Gujarati News

News of Friday, 27th November 2020

2014 ની સાલ પછી દેશમાં અસહિષ્ણુતા વધી ગઈ છે : બૉલીવુડ એકટર આમીરખાને કરેલી કોમેન્ટ વિરુદ્ધ દાખલ કરાયેલી ક્રિમિનલ પિટિશન છત્તીસગઢ હાઇકોર્ટે ફગાવી

છત્તીસગઢ : બૉલીવુડ એક્ટર આમીરખાને 2014 ની સાલ પછી દેશમાં અસહિષ્ણુતા વધી ગઈ છે તેવી કોમેન્ટ કરી હતી.

જેના અનુસંધાને આ  કોમેન્ટ દેશમાં જુદી જુદી કોમો વચ્ચે પૂર્વગ્રહ તથા વૈમનસ્ય ફેલાવનારી છે તેમજ વ્યક્તિના ધર્મ ,અને જન્મના આધારે , દેશના હિતને નુકશાન પહોંચાડે તેવી છે. તેવી ક્રિમિનલ પિટિશન એડવોકેટ દિપક દીવાને છત્તીસગઢ હાઇકોર્ટમાં દાખલ કરી હતી.

આવી  પિટિશન ધ્યાનમાં લેવા  યોગ્ય નથી તેવું જણાવી સિંગલ જજ બેચના શ્રી સંજય અગ્રવાલે 23 નવેમ્બરના રોજ  તે રદ કરી દીધી હતી.

ઉલ્લેખનીય છે કે 2015 ની સાલમાં રામનાથ ગોએન્કા એવોર્ડ વિતરણ સમારંભ સમયે  આમીરખાને 2014 ની સાલ પછી દેશમાં અસહિષ્ણુતા વધી ગઈ છે.તેવી કોમેન્ટ કરી હતી તથા તેમના પત્ની કિરણ રાવ એ પણ દેશ છોડી દેવો જોઈએ તેવી કોમેન્ટ કરી હતી જેના અનુસંધાને ઉપરોક્ત પિટિશન દાખલ કરાઈ હતી તેવું બી.એન્ડ બી.દ્વારા જાણવા મળે છે.

(12:00 am IST)
  • મહેબુબા મુફતી ફરી નજર કેદમાં : પુત્રી ઈલ્તીજાની જાહેરાત : કાશ્મીરના ભૂતપૂર્વ મુખ્યમંત્રી મહેબુબા મુફતીને આજે સવારે ફરીથી તેમના નિવાસસ્થાને નજર કેદ કરવામાં આવ્યા છે : મહેબુબા મુફતીની પુત્રી ઈલ્તીજાએ આ વાતની જાહેરાત કરી હતી : તેણે કહેલ કે શું આપણે આને લોકશાહી કહેશુ જયાં લોકોને વાણી સ્વતંત્રતા કે વિચારો વ્યકત કરવાનો પણ કોઈ અધિકાર નથી : જો કે સત્તાવાર હજુ સુધી આવી કોઈ જાહેરાત થઈ નથી access_time 1:08 pm IST

  • દેશમાં કોરોના કેસનો આંકડો 93 લાખને પાર પહોંચ્યો :એક્ટિવ કેસ ફરી વધ્યા : રાત્રે 11 વાગ્યા સુધીમાં કોરોનાના નવા 42 054 કેસ નોંધાયા:કુલ કેસનો આંકડો 93, 08,751 થયો :એક્ટીવ કેસ 4, 54,323 થયા: વધુ 38,580 દર્દીઓ સ્વસ્થ થતા કુલ 87,16,556 રિકવર થયા :વધુ 473 લોકોના મોત સાથે કુલ મૃત્યુઆંક 1,35, 734 થયો access_time 12:14 am IST

  • પેટ્રોલ ડીઝલના ભાવમાં આજે આઠમા દિવસે પણ ભાવમાં વધારો ઝીંકાયો: પેટ્રોલમાં 24 પૈસા અને ડીઝલનાં ભાવમાં પ્રતિ લિટરે 31 પૈસાનો વઘારો થયો :આઠ દિવસમાં પેટ્રોલમાં 1.07 અને ડીઝલમાં 1.86 ૱ નો ભાવ વધારો થયો છે:ભાવ વધારો સવારે છ વાગ્યા થી લાગુ થશે access_time 11:44 pm IST