Gujarati News

Gujarati News

News of Tuesday, 26th October 2021

સેન્સેક્સનો ૩૮૩, નિફ્ટીનો ૧૪૩ પોઈન્ટનો જોરદાર કૂદકો

ટાટા સ્ટીલના શેરના ભાવમાં સૌથી વધુ ઊછાળો : ટાઇટન,નેસ્લે ઇન્ડિયા અને ટેક મહિન્દ્રાના શેરમાં વધારો

મુંબઈ, તા.૨૬ :  રિલાયન્સ ઇન્ડસ્ટ્રીઝ, કોટક મહિન્દ્રા બેંક અને બજાજ ફાઇનાન્સના શેરોમાં ખરીદી વચ્ચે મંગળવારે સેન્સેક્સે ૩૮૩ પોઈન્ટનો કૂદકો લગાવ્યો હતો. વૈશ્વિક બજારોમાં સકારાત્મક વલણે પણ અહીં સેન્ટિમેન્ટને મજબૂત બનાવ્યું હતું. બીએસઈ ૩૦ શેરો ધરાવતો મુખ્ય સૂચક સેન્સેક્સ ૩૮૩.૨૧ પોઈન્ટ અથવા ૦.૬૩ ટકા વધીને ૬૧,૩૫૦.૨૬ પોઈન્ટ પર પહોંચ્યો હતો. એ જ રીતે, નેશનલ સ્ટોક એક્સચેન્જનો નિફ્ટી ૧૪૩ પોઈન્ટ અથવા ૦.૭૯ ટકાના વધારા સાથે ૧૮,૨૬૮.૪૦ પર બંધ થયો હતો. સેન્સેક્સ કંપનીઓમાં ટાટા સ્ટીલના શેરમાં સૌથી વધુ ચાર ટકાનો ઉછાળો નોંધાયો હતો. ટાઇટન, બજાજ ફાઇનાન્સ, નેસ્લે ઇન્ડિયા અને ટેક મહિન્દ્રાના શેરમાં પણ વધારો થયો હતો. બીજી તરફ ઈન્ડસઈન્ડ બેંક, આઈસીઆઈસીઆઈ બેંક, પાવરગ્રીડ, હિન્દુસ્તાન યુનિલીવર, ડૉ. રેડ્ડીઝ અને ટીસીએસમાં ઘટાડો નોંધાયો હતો. અજીત મિશ્રા, વાઇસ પ્રેસિડેન્ટ – રિસર્ચ, રેલિગેર બ્રોકિંગે જણાવ્યું હતું કે, બજાર અસ્થિર વેપાર વચ્ચે લાભ સાથે બંધ થયું હતું. આ સકારાત્મક વૈશ્વિક વલણને કારણે છે. અમેરિકી બજારોમાંથી કંપનીઓના ત્રિમાસિક પરિણામોના સારા અહેવાલોએ અહીં સેન્ટિમેન્ટને મજબૂત બનાવ્યું છે.

તેમણે કહ્યું હતું કે બજારમાં સૂચકાંકોમાં વધુ તેજી છે, પરંતુ તે મોટાભાગે કંપનીઓના ત્રિમાસિક પરિણામો પર નિર્ભર રહેશે. અન્ય એશિયન બજારોમાં જાપાનનો નિક્કી અને દક્ષિણ કોરિયાનો કોસ્પી વધ્યો હતો. ચીનનો શાંઘાઈ કમ્પોઝિટ અને હોંગકોંગનો હેંગસેંગ ઘટ્યો હતો. યુરોપિયન બજારો બપોરના વેપારમાં લાભ સાથે ટ્રેડ થઈ રહ્યા હતા. દરમિયાન, આંતરરાષ્ટ્રીય બેન્ચમાર્ક બ્રેન્ટ ક્રૂડ ૦.૨૯ ટકા ઘટીને ઇં૮૪.૯૨ પ્રતિ બેરલ પર આવી ગયું છે.

(9:38 pm IST)