Gujarati News

Gujarati News

News of Monday, 27th July 2020

ભાજપનું મેલુ મન જાહેર થઇ ગયું છેઃ ચૂંટેલી સરકારો તોડવા પ્રયાસઃ પ્રિયંકા ગાંધી

નવી દિલ્હીઃ રાજસ્થાનમાં હજુ રાજકીય સંકટ યથાવત છે. કોંગ્રેસના નેતાઓ દ્વારા ભાજપ પર રાજસ્થાનની ગેહલોત સરકારને અસ્થિર કરવાનો આરોપ લગાવવામાં આવી રહ્યો છે. આ દરમિયાન કોંગ્રેસના મહામંત્રી પ્રિયંકા ગાંધી વાડ્રાએ કેન્દ્રની ભાજપ સરકાર પર નિશાન તાકયું છે.

 પ્રિયંકા ગાંધીએ ટ્વીટ કરીને કેન્દ્ર સરકાર પર હુમલો કર્યો છે અને સંકટના સમયે નેતૃત્વની ઓળખ થાય છે. કોરોનાના રાષ્ટ્રીય સંકટમાં દેશને જનહિતમાં કામ કરનાર નેતૃત્વની જરુરત છે. પરતુ કેન્દ્રની ભાજપ સરકારે જનતા દ્વારા ચૂંટાયેલી સરકારોને પાડવાની કોશિશ કરીને પોતાના બદઇરાદા અને પોતાનું ચરિત્ર સ્પષ્ટ કરી દીધું છે. જનતા જવાબ આપશે.

રાજસ્થાનમાં કોંગ્રેસના નેતા સચિન પાયલોટના બાગી તેવરથી સૌ કોઈ વાકેફ છે. સચિન પાયલોટના સમર્થનમાં કેટલાક કોંગ્રેસના ધારાસભ્યો છે. જયારે કોંગ્રેસનું કહેવું છે કે સચિન પાયલોટ ભાજપના ઇશારા પર કામ કરી રહ્યા છે.

(3:59 pm IST)
  • દેશમાં કોરોનાએ કાળોકેર વર્તાવ્યો : છેલ્લા 24 કલાકમાં નવા 48,931 કેસ નોંધાયા : રાત્રે 12 વાગ્યા સુધીમાં દેશમાં કોરોનાના કુલ 14,36,018 કેસ થયા :4.84,053 એક્ટિવ કેસ :કુલ 9,18,734 દર્દીઓ રિકવર :વધુ 702 લોકોના મોત :મૃત્યુઆંક 32,810 થયો : મહારાષ્ટ્રમાં સૌથી વધુ 9431 કેસ : તામિલનાડુમાં નવા 6986 કેસ :દિલ્હીમાં વધુ 1075 કેસ : આંધ્રપ્રદેશમાં નવા 7627 કેસ: કર્ણાટકમાં નવા 5197 કેસ :ઉત્તર પ્રદેશમાં 3246 કેસ અને પશ્ચિમ બંગાળમાં વધુ 2341 કેસ :બિહારમાં 2605 નવા કેસ, રાજસ્થાનમાં 1132 કેસ અને આસામમાં 1142 નવા કેસ અને ઓરિસ્સામાં 1376 કેસ નોંધાયા access_time 12:43 am IST

  • ફ્રાન્સમાં કોરોના ટેસ્ટ ફ્રીમાં થશેઃ ફ્રાન્સના સ્વાસ્થ્ય મંત્રીનું એલાન : ફ્રાન્સના સ્વાસ્થ્યમંત્રીએ કહ્યું કે જેને લક્ષણ નથી તેમના ટેસ્ટ પણ ફ્રીમાં થશે : ડોકટરના પ્રિસ્ક્રીપ્શનની જરૂર નહિં પડે : જે લોકોએ ટેસ્ટના પૈસા આપ્યા હશે તેને રીફન્ડ આપી દેવાશે access_time 2:41 pm IST

  • ઉત્તરાખંડના ચમોલીમાં ભૂસ્ખલન : ભૂસ્ખલનના કારણે બદ્રીનાથ હાઈવે બંધ : પહાડ પરથી ધસી પડ્યો કાટમાળ access_time 2:40 pm IST