Gujarati News

Gujarati News

News of Monday, 27th July 2020

શ્રાવણ સત્સંગ

કલ્યાણની પ્રાપ્તિ માટે શિવ ઉપાસના ઉત્તમ

શિવ આરાધના ખુબ સારૂ ફળ આપે

શંભુ શરણે પડી માંગું , ઘડી રે ઘડી

કષ્ટ કાંપો, દયા કરી પ્રભુ દર્શન આપો

પાવનકારી શ્રાવણ માસ હિન્દુ સંસ્કૃતિનો પવિત્ર માસ છે. શ્રાવણ માસ એટલે પરમકૃપાળુ પરમાત્મા ભોળાનાથ મહાદેવજીની ઉપાસના કરવાનો મહિનો આ માસ દરમ્યાન સાક્ષાત ભોળાનાથ શિવાલયો અને જ્યોર્તિલીંગમાં બીરાજતા હોય છ. અને શિવભકતો આ મંદિરોમાં તેમની પુજા-પ્રાર્થના અને ઉપાસના કરે છે.ત્યારે હર...હર...મહાદેવ...હર...નાદથી સારૂ યે મંદિર ગુંજી ઉઠે છે.

કરૂણાનિધાન શિવજીને સૃષ્ટિની સર્વ વ્યાપકતાનું પ્રતિક ગણવામાં  આવ્યા છે. પ્રત્યેક માનવી જીવમાંથી શિવત્વ પામે એ જ એનું પરમ ધ્યેય હોય છે. ઁ નમઃ શિવાય, ઁ નમઃ શિવાય, ઁ નમ શિવાયના જપ દ્વારા શિવભકતો સારોયે શ્રાવણ માસ ભોળાનાથની આરાધના કરે છે.

કલ્યાણની પ્રાપ્તિ માટે શિવજીની ઉપાસના ઉત્તમ છે. શિવ નિરાકાર છે. તેથી જ તેઓ અજર-અમર અને અવિનાશી છે. શિવપૂજનનું અનેરૂ મહત્વ છે. રૂદ્રાભિષેક, લઘુરૂદ્ધ, યજ્ઞ, જપ, સ્તુતિ, પ્રાર્થના દ્વારા શિવ-ઉપાસના ખુબ સારૂ ફળ આપે છે.

પરમ કૃપાળુ પરમાત્મા ભોળાનાથ સદાશિવ પિતા સંપૂર્ણ જ્ઞાનની પ્રાપ્તિ થતી નથી. અને આત્માની જાગૃતિ વિના પરમ જ્ઞાન શકય નથી. જો માનવીનો આત્મા જાગૃત થાય તો શિવત્વ જાગૃત થાય અને એ જ માર્ગે પરમજ્ઞાન અને સત્યની ઝાંખી થાય છે.

પવિત્ર શ્રાવણ માસમાં ભગવાન ભોળાનાથની ઉપાસના કરવાથી, માનવ જીવનનું કલ્યાણ થાય છે. અને મુકિત પ્રાપ્ત થાય છે.

શિવમહિમ્ન સ્તોત્રનો પાઠ ૧૧ વખત કરવાથી સાપુજ્ય મુકિત મળે છે., રૂદ્રાભિષેક, લઘુરૂદ્ધ કર્યા પછી શિવજીની મહાપુજાનો પ્રારંભ કરી શકાય છે.

શિવજીને બીલીપત્ર અર્પણ કરવામાં આવે છે. બીલીપત્રનો મહિમા પણ કલ્યાણકારી છે. બીલીપત્ર ચડાવતી વખતે પંચાક્ષર મંત્ર ઁ નમઃ શિવાય, મંત્ર ખુબ સારૂ ફળ આપે છે.

આમ એક માસ સુધી ભોળાનાથની ઉપાસના અને ભકિત કરવાથી જીવ શિવનું શરણ શોંધે છે અને જીવાત્મા મોક્ષની ઉતમ ગતિ પ્રાપ્ત  કરી શકે છે.

હે ! મૃત્યુંજય કૈલાસેશ્વર

સામ્બ સદા શિવ તવ શરણમ્

દીપક એન. ભટ્ટ

મો. ૯૮રપ૧ પપ૩પ૪

(9:32 am IST)
  • મધ્યપ્રદેશના ચંદ્રનગર - પન્ના રોડ પાસે ભયંકર અકસ્માત : ૮ના મોત : ૩ મોટર સાયકલ અને કાર વચ્ચે ગમખ્વાર અકસ્માત access_time 5:31 pm IST

  • દીવમાં ત્રણ વર્ષની બાળકી સહીત આજે કોરોનાના નવા 8 કેસ નોંધાયા: દીવ જીલ્લામાં 34 એક્ટિવ કેસ access_time 8:41 pm IST

  • દેશમાં કોરોનાએ કાળોકેર વર્તાવ્યો : છેલ્લા 24 કલાકમાં નવા 48,931 કેસ નોંધાયા : રાત્રે 12 વાગ્યા સુધીમાં દેશમાં કોરોનાના કુલ 14,36,018 કેસ થયા :4.84,053 એક્ટિવ કેસ :કુલ 9,18,734 દર્દીઓ રિકવર :વધુ 702 લોકોના મોત :મૃત્યુઆંક 32,810 થયો : મહારાષ્ટ્રમાં સૌથી વધુ 9431 કેસ : તામિલનાડુમાં નવા 6986 કેસ :દિલ્હીમાં વધુ 1075 કેસ : આંધ્રપ્રદેશમાં નવા 7627 કેસ: કર્ણાટકમાં નવા 5197 કેસ :ઉત્તર પ્રદેશમાં 3246 કેસ અને પશ્ચિમ બંગાળમાં વધુ 2341 કેસ :બિહારમાં 2605 નવા કેસ, રાજસ્થાનમાં 1132 કેસ અને આસામમાં 1142 નવા કેસ અને ઓરિસ્સામાં 1376 કેસ નોંધાયા access_time 12:43 am IST