Gujarati News

(દિપ્તીબેન જાની દ્વારા) ન્યુજર્સીઃ ભગવાન શ્રી સ્વામિનારાયણની કૃપાથી તથા પ્રગટ ગુરૂહરિ પ.પૂ.હરિપ્રસાદ સ્વામીજી મહારાજના આશિર્વાદ સાથે યુ.એસ.ના ન્યુજર્સીમાં હરિધામ મંદિરનું નિર્માણ કાર્ય સંપન્ન થયું છે.

આથી આ મંદિરમાં ૫ જુલાઇ શુક્રવારથી ૭ જુલાઇ રવિવાર દરમિયાન પ્રાણ પ્રતિષ્ઠા મહોત્સવ ઉજવાશે. જેમાં હાજર રહેવા યોગી ડિવાઇન સોસાયટીએ સહુને આમંત્રણ પાઠવ્યું છે.

ત્રિદિવસિય મહોત્સવ અંતર્ગત ૫ જુલાઇ શુક્રવારના રોજ બપોરે ૪-૩૦ થી રાત્રિના ૯ વાગ્યા દરમિયાન ઇન્ટરનેશનલ આત્મીય યુવા સંમેલન યોજાશે.

૬ જુલાઇ શનિવારે સવારે ૯ વાગ્યાથી બપોરે ૧ વાગ્યા દરમિયાન યજ્ઞ મહાપૂજા, તથા સાંજે ૭ વાગ્યાથી રાત્રિના ૧૦ વાગ્યા દરમિયાન સાંસ્કૃતિક કાર્યક્રમનું આયોજન કરાયું છે.

૭ જુલાઇ ૨૦૧૯ રવિવારના રોજ વેદોકત વિધિ મુજબ મૂર્તિની પ્રાણ પ્રતિષ્ઠા કરાશે.

બર્કવુડ મેનોર,૧૧૧, નોર્થ જેફરસન રોડ, વ્હીપની, ન્યુજર્સી મુકામે હરિધામ, યોગી ડિવાઇન સોસાયટીના ઉપક્રમે યોજાનારા આ મહોત્સવમાં પધારવા સાધુ પ્રેમસ્વરૂપ દાસ તથા શ્રી લલિત પટેલના અહેવાલ દ્વારા શ્રી જયંત પટેલ ૨૦૧-૮૭૩-૩૨૯૨ની યાદીમાં જણાવાયું છે.