Gujarati News

નવી દિલ્‍હી, તા.૨૭: દેશની સૌથી જૂની પાર્ટીઓમાંની એક કોંગ્રેસ રાજકીય સંકટની સાથે આર્થિક મુશ્‍કેલીઓથી ઘેરાયેલી છે. અહેવાલ છે કે પાર્ટી મોટા પ્રમાણમાં ભંડોળની તંગીનો સામનો કરી રહી છે. એવું પણ કહેવામાં આવી રહ્યું છે કે પાર્ટી પૈસાની અછતને દૂર કરવા માટે કમ્‍યુનિસ્‍ટ પાર્ટી ઓફ ઈન્‍ડિયા (પ્‍)ના માર્ગ પર ચાલવાની પણ તૈયારી કરી રહી છે. ભારતના ચૂંટણી પંચમાં દાખલ કરવામાં આવેલા ઓડિટ રિપોર્ટમાં એવું પણ કહેવામાં આવ્‍યું હતું કે ૨૦૨૦-૨૧માં કોંગ્રેસની આવકમાં ૫૮ ટકાથી વધુનો ઘટાડો થયો છે.

ન્‍યૂ ઇન્‍ડિયન એક્‍સપ્રેસના અહેવાલ મુજબ, કોંગ્રેસ ભંડોળની અછતનો સામનો કરી રહી છે. આનો સામનો કરવા માટે પાર્ટી પણ ડાબેરીઓના કેરળ મોડલને અપનાવવાની તૈયારી કરી રહી છે. આ મોડેલ હેઠળ, ડાબેરીઓ ઘરે-ઘરે ઝુંબેશ ચલાવે છે, જેના હેઠળ ઘરે-ઘરે મોટા પાયે ભંડોળ એકત્ર કરવામાં આવે છે. આ સાથે દાતાઓને બદલામાં કાપલી પણ આપવામાં આવે છે.

રિપોર્ટ અનુસાર, રાજસ્‍થાનના ઉદયપુરમાં આયોજિત ચિંતન શિબિરમાં પણ ઘ્‍ભ્‍ત્‍(પ્‍) મોડલની ચર્ચા કરવામાં આવી હતી. કેરળ કોંગ્રેસના ભૂતપૂર્વ વડા રમેશ ચેન્નીથલાએ આ મોડલ અપનાવવાનો પ્રસ્‍તાવ મૂક્‍યો હતો. અહેવાલ છે કે સત્ર દરમિયાન, ૨૦૨૪ માં યોજાનારી લોકસભા ચૂંટણી માટે સંસાધનો એકત્ર કરવા વિશે વિગતવાર ચર્ચા કરવામાં આવી હતી.

અહેવાલમાં પક્ષના એક સ્ત્રોતને ટાંકીને કહેવામાં આવ્‍યું છે કે, ઙ્કતેના પર ગંભીરતાથી વિચાર કરવામાં આવી રહ્યો છે. તેનો અમલ કેવી રીતે થશે અને તેમાં ફંડ મેનેજમેન્‍ટ અને પારદર્શિતા જેવા કેટલાક મુદ્દા છે. આ અંગે વિચારણા કરવામાં આવી રહી છે અને ટાસ્‍ક ફોર્સ ૨૦૨૪દ્ગક બેઠકોમાં તેના પર ચર્ચા કરવામાં આવશે.

ચ્‍ઘ્‍ત્‍માં દાખલ કરવામાં આવેલા ઓડિટ રિપોર્ટ અનુસાર, ૨૦૨૦-૨૧માં કોંગ્રેસની આવક ૨૮૫.૭ કરોડ રૂપિયા હતી. જયારે અગાઉના નાણાકીય વર્ષમાં આ આંકડો રૂ. ૬૮૨.૨ કરોડ હતો. નાણાકીય વર્ષ ૨૦૧૮-૧૯માં પાર્ટીની આવક ૯૧૮ કરોડ રૂપિયા હતી.

રિપોર્ટ અનુસાર, ખાસ કરીને અહેમદ પટેલના નિધન બાદ પાર્ટીને આર્થિક રીતે ભારે ફટકો પડ્‍યો છે. પટેલ તેમના કોર્પોરેટ અને અન્‍ય સંપર્કોની મદદથી પાર્ટી ફંડિંગ સંભાળતા હતા. પાર્ટીના વરિષ્ઠ નેતા અને મધ્‍યપ્રદેશના પૂર્વ મુખ્‍યમંત્રી કમલનાથ પણ આર્થિક મોરચા પર નજર રાખે છે, પરંતુ મોદી સરકારના શાસનમાં કોંગ્રેસની આવકમાં નોંધપાત્ર ઘટાડો થયો છે.