Gujarati News

Gujarati News

News of Monday, 27th May 2019

મા-બાપનું મૂલ્ય તેમની ગેરહાજરીમાં જ સમજાય છે : પ્રિયા દત્તની હૃદયસ્પર્શી ટ્વીટ

ઉત્તર-મધ્ય મુંબઈની બેઠક ઉપરથી કોંગ્રેસના સાંસદ અને સુપ્રસિદ્ધ ફિલ્મ અભિનેતા સ્વ.સુનિલ દત્તના પુત્રી પ્રિયા દત્ત ૨૦૧૯ની હાલની ચૂંટણીમાં પરાજિત થયા છે. પ્રિયા દત્તે ટ્વીટર ઉપર પિતાની સાથેની તસ્વીર શેર કરી હૃદયસ્પર્શી ટ્વીટ મૂકેલ છે. 'માતા-પિતા અણમોલ છે, તેઓ એટલા કિંમતી છે કે તેમને હંમેશ પ્રેમાળ સારસંભાળથી ભીંજવી દેજો. તમને એમની કિંમત ત્યારે જ સમજાય છે, જયારે તેમની ખુરશીમાં તેમનો દેહ જોવા નથી મળતો. પિતાજી (સુનિલ દત્ત)ની વિદાયને આજે ૧૪ વર્ષ થયા છે, હું તેમને પ્રતિપળ, પ્રત્યેક દિવસ 'મીસ' કરૃં છું. પ્રિયા દત્તે તેમના પિતા સાથેની લાગણી સભર તસ્વીર પણ શેર કરી છે. પ્રિયા દત્ત 'નરગીસ દત્ત ફાઉન્ડેશન'ના ચેરમેન પણ છે. જે ટ્રસ્ટ કેન્સરગ્રસ્ત લોકો માટે કાર્ય કરી રહ્યું છે.

(1:19 pm IST)
  • ગુજરાત વહીવટી સેવા અને વર્ગ ૧-૨ની પરીક્ષાનું પરિણામ જાહેર :૧૦થી ૨૯ જુન દરમિયાન યોજાશે મૌખિક ઇન્ટરવ્યુ :૧૭, ૨૪ ફેબ્રુઆરી અને ૩ માર્ચે યોજાઈ હતી પરીક્ષા :અંદાજે ૫ હજાર ઉમેદવારોએ આપી હતી પરીક્ષા :૨૯૪ જગ્યા માટે ૯૧૨ ઉમેદવારો ઉત્તીર્ણ થયા access_time 11:08 pm IST

  • દેખાવો સર્જાતા કાશ્મીરના નૌહટ્ટામાં પ્રતિબંધો લદાયા : શ્રીનગર : આતંકી કમાન્ડર ઝાકીર મુસા ઠાર મરાયા પછી બે દિવસ અશાંતિ રહેલ. આ પછી પ્રતિબંધો ઉઠાવી લેવાયેલ. દરમિયાન ફરી મોટાપાયે દેખાવો શરૂ થતાં શ્રીનગરના જૂના વિસ્તાર નૌહટ્ટામાં પ્રતિબંધો લદાયા છે. હાઈ સ્પીડ મોબાઈલ - ઈન્ટરનેટ સેવા સતત બંધ છે access_time 11:44 am IST

  • મધ્યપ્રદેશની કોંગ્રેસ સરકાર પોતાનો પાંચ વર્ષનો કાર્યકાળ પૂરો કરશે :વિપક્ષ ખોટો ભ્રમ ઉભો કરવાની કોશિશ કરે છે :મધ્યપ્રદેશની સતારૂઢ કોંગ્રેસ પાર્ટીના મીડિયા વિભાગની અધ્યક્ષા શ્રીમતી શોભા ઓઝાએ કહ્યું કે લોકસભા ચૂંટણી પરિણામો બાદ ઉદભવેલી સ્થિતિમાં પણ કોંગ્રેસ સરકાર સ્થિર રહેશે અને પોતાનો પાંચ વર્ષ પુરા કરશે access_time 1:09 am IST