Gujarati News

Gujarati News

News of Monday, 27th May 2019

મોદીના શપથગ્રહણ સમારોહમાં શું ઇમરાન ખાનને આમંત્રણ મળશે?: ટેલિફોન પણ મોદીને શુભેચ્છા પાઠવતા અટકળ શરૂ

ઇમરાન ખાને કહ્યું કે તેઓ ભારતીય વડા પ્રધાન સાથે આ મુદ્દે કામ કરવા ઉત્સુક

નવી દિલ્હી :ગત 14 ફેબ્રુઆરીએ ભારત પ્રશાસિત કાશ્મીરના પુલવામામાં સુરક્ષાદળોના કાફલા પર થયેલા ઉગ્રવાદી હુમલા અને ત્યાર બાદ બાલાકોટમાં થયેલી ઍરસ્ટ્રાઇક બાદ પ્રથમ વખત ભારત અને પાકિસ્તાના વડા પ્રધાન વચ્ચે રવિવારે સીધી વાતચીત થઈ હતી .

ભારતીય અને પાકિસ્તાની વિદેશ મંત્રાલયોએ જણાવ્યું કે પાકિસ્તાની વડા પ્રધાન ઇમરાન ખાને ભારતના વડા પ્રધાન મોદીને ટેલિફોન કરી લોકસભા ચૂંટણીમાં વિજય બદલ શુભેચ્છા પાઠવી છે

ભારતીય વિદેશ મંત્રાલયના જણાવ્યા અનુસાર તેમણે (ઇમરાન ખાને) ભારપૂર્વક કહ્યું કે આપણા પ્રદેશમાં શાંતિ, પ્રગતિ અને સમૃદ્ધિ માટે વિશ્વાસ, હિંસા અને આતંકવાદમુક્ત માહોલ બનવો જરૂરી છે."

પાકિસ્તાની વિદેશ મંત્રાલયના નિવેદન મુજબ ઇમરાન ખાને ભારતીય વડા પ્રધાન સાથે દક્ષિણ એશિયામાં શાંતિ, વિકાસ અને પરસ્પર સહયોગના પોતાના વાયદાની ચર્ચા કરી હતી.

વડા પ્રધાન ઇમરાન ખાને કહ્યું કે તેઓ ભારતીય વડા પ્રધાન સાથે આ મુદ્દે કામ કરવા ઉત્સુક છે.

 અત્રે ઉલ્લેખનીય છે કે વર્ષ 2014માં લોકસભાની ચૂંટણી જીત્યા બાદ શપથગ્રહણ સમારોહમાં મોદીએ દક્ષિણ એશિયાના રાષ્ટ્રપ્રમુખોને આમંત્રિત કર્યા હતા.

(11:31 am IST)
  • ગુજરાત વહીવટી સેવા અને વર્ગ ૧-૨ની પરીક્ષાનું પરિણામ જાહેર :૧૦થી ૨૯ જુન દરમિયાન યોજાશે મૌખિક ઇન્ટરવ્યુ :૧૭, ૨૪ ફેબ્રુઆરી અને ૩ માર્ચે યોજાઈ હતી પરીક્ષા :અંદાજે ૫ હજાર ઉમેદવારોએ આપી હતી પરીક્ષા :૨૯૪ જગ્યા માટે ૯૧૨ ઉમેદવારો ઉત્તીર્ણ થયા access_time 11:08 pm IST

  • યુપીમાં કોંગ્રેસના ૬૭ માંથી ૬૩ ઉમેદવારોએ ડિપોઝીટ ગુમાવી ઉત્તર પ્રદેશ લોકસભામાં કૉંગ્રેસે લડાવેલ ૬૭ ઉમેદવારમાંથી ૬૩ ઉમેદવારે ડિપોઝિટ ગુમાવી છે. કુલ પડેલ મતના ૧૬.૬૭ ટકા કરતા ઓછા મત મેળવનાર ઉમેદવાર ડિપોઝિટ ગુમાવે તેવી જોગવાઈ છે. access_time 9:51 pm IST

  • વડાપ્રધાન મોદીના સેન્ટ્રલ હોલના વક્તવ્યના મુસ્લીમ સંગઠને કર્યા વખાણ :જમિયત ઉલેમા એ હિન્દે પત્ર લખીને વડાપ્રધાન મોદીના અલ્પ સંખ્યક સમાજને લઇને આપેલ નિવેદનના વખાણ કર્યા :પત્રમાં એવી આશા વ્યક્ત કરાઈ છે કે સરકાર અલ્પ સંખ્યકોના શિક્ષણ,સ્વાસ્થ્ય અને રોજગારી પર વિશેષ ધ્યાન આપશે access_time 1:22 am IST