Gujarati News

Gujarati News

News of Monday, 27th May 2019

પરિવહન ક્ષેત્રમાં ૩૦ લાખ કરોડનું જંગી રોકાણ કરાશે

બુલેટ ટ્રેનને સર્વોચ્ચ પ્રાથમિકતા આપવા તૈયારી : દેશમાં બુલેટ ટ્રેનથી લઇને સાગરમાલા માટેની ફાળવણી વધારવામાં આવશે : રેલવે, માર્ગો, બંદરને વધારે મહત્વ

નવી દિલ્હી, તા. ૨૬  : પ્રચંડ બહુમતિ સાથે કેન્દ્રમાં સત્તામાં વાપસી કરનાર મોદી સરકાર પરિવહનના ક્ષેત્રમાં આશરે ૩૦ લાખ કરોડ રૂપિયાની ફાળવણી કરી શકે છે. બુલેટ ટ્રેનથી લઇને સાગરમાલા માટે ફાળવણી કરવામાં આવશે. આ રકમ અર્થવ્યવસ્થાને ગતિ આપવા તથા રોજગારને વધારવા માટે મૂળભૂત માળખાકીય ક્ષેત્રમાં ૧૦૦ લાખ કરોડ રૂપિયાના રોકાણનો એક હિસ્સો છે. ચૂંટણી ઘોષણાપત્ર જારી કરીને ભાજપ દ્વારા થોડાક સમય પહેલા જ આ અંગેની માહિતી આપવામાં આવી હતી. પરિવહનના ક્ષેત્રને થતી ફાળવણીની રકમમાં વધારો કરવામાં આવી રહ્યો છે. સૌથી વધારે મૂડીરોકાણ રેલવે, નદીઓની આજુબાજુના વિકાસ તથા રાજમાર્ગોના વિસ્તાર ઉપર ખર્ચ કરવામાં આવનાર છે. આ ઉપરાંત સંરક્ષણ ક્ષેત્રના આધુનિકીકરણ માટે નવ લાખ કરોડ રૂપિયાની જરૂર છે તે પણ યોજનાના એક હિસ્સા તરીકે છે. બુલેટ ટ્રેન તથા ડેડીકેટેડ ફ્રેટ કોરિડોર માટે નવા કોરિડોરના નિર્માણમાં ૧૦ લાખ કરોડ રૂપિયાના રોકાણનો અંદાજ રહેલો છે. આગામી ત્રણ વર્ષમાં બંદર ક્ષેત્રમાં આશરે ત્રણ લાખ કરોડ રૂપિયાનું રોકાણ કરવામાં આવી શકે છે જેમાં મોટી રકમ સાગરમાલા યોજનામાં લગાવવામાં આવશે. ઓછા મૂડીરોકાણને લઇને ચિત્ર સ્પષ્ટ થઇ રહ્યું છે. ક્ષેત્રવાર ફાળવણીમાં વધારો કરવામાં આવનાર છે. મૂડી ખર્ચ અંદાજમાં બજેટ ફાળવણી ઉપરાંત વાયવીલીટી ગેપ ફંડિંગ તથા ખાનગી ક્ષેત્રની કંપનીઓ દ્વારા મૂડીરોકાણ મારફતે સમર્થનને પણ સામેલ કરવાની વાત રહેલી છે. પરિવહનના ક્ષેત્રમાં ૩૦ લાખ કરોડ રૂપિયાનું રોકાણ કરાશે. બુલેટ ટ્રેનને સર્વોચ્ચ પ્રાથમિકતા સાથે વહેલીતકે શરૂ કરવા ઉપર ધ્યાન કેન્દ્રિત કરવામાં આવનાર છે. આના માટે તમામ પ્રાથમિકતાઓ નક્કી કરવામાં આવી રહી છે. દેશમાં રોકાણની ગતિને ઝડપી કરાશે.

(12:00 am IST)
  • દેખાવો સર્જાતા કાશ્મીરના નૌહટ્ટામાં પ્રતિબંધો લદાયા : શ્રીનગર : આતંકી કમાન્ડર ઝાકીર મુસા ઠાર મરાયા પછી બે દિવસ અશાંતિ રહેલ. આ પછી પ્રતિબંધો ઉઠાવી લેવાયેલ. દરમિયાન ફરી મોટાપાયે દેખાવો શરૂ થતાં શ્રીનગરના જૂના વિસ્તાર નૌહટ્ટામાં પ્રતિબંધો લદાયા છે. હાઈ સ્પીડ મોબાઈલ - ઈન્ટરનેટ સેવા સતત બંધ છે access_time 11:44 am IST

  • સાણંદ જીઆઇડીસી નજીક કેમિકલ ફેકટરીમાં આગ લાગી:સાણંદ જીઆઇડીસી નજીક આવેલ ઉમા એસ્ટેટ કેમિકલ ફેકટરીમાં મોડી સાંજે આગ ફાટી નીકળતા ફાયર બ્રિગેડ દોડી ગયેલ છે. access_time 9:50 pm IST

  • મોદીના કાર્યકાળના હવે પછીના ૫ વર્ષમાં સેન્સેકસ ૬૦,૦૦૦ થઇ જશે : BSCના CEO આશીષ ચૌહાણની ભવિષ્યવાણીઃ તેમણે કહ્યું છે કે ૧૯૭૯ થી રોકાણકારોને પ૭૦ -૬૦૦ ગણુ રિટર્ન પ્રાપ્ત થયું છેઃ હવે પછીના પ વર્ષોમાં સેન્સેકસ ૬૦,૦૦૦ થાય તો નવાઇ નહિ જો ગ્રોથ ૭.પ થી ૮ ટકાથી વધુ રહે તો ઇન્ડેક્ષ ૧૦ ટકાએ વધશે જો તમે સીમ્પ્લ બેઝીઝ પર મલ્ટીપ્લાય કરો તો આપણી પાસે પ૦ ટકા રહેઃ તેથી ૬૦,૦૦૦ શકય છેઃ સરકાર ઇન્ફ્રા. ક્ષેત્રે વધુ રોકાણ કરશે અને રોજગારીની તકો પણ વધારશે જેથી વિકાસ થશે. access_time 4:14 pm IST