News of Saturday, 26th May 2018

અમેરિકામાં દુષ્‍કર્મના એક કેસમાં જયુરી એ પીડીતાને એક અબજ ડોલરનું વળતર આપવાનો આદેશ કર્યો : દુષ્‍કર્મના કેસમાં વળતર રૂપે આપવામાં આવેલ સૌથી મોટી રકમ

અમેરિકામાં દુષ્‍કર્મના એક કેસમાં જયુરી એ પીડિતાને એક ખબજ ડોલરનું વળતર આપવાનો આદેશ કર્યો છે દુષ્‍કર્મના કેસમાં વળતર રૂપે આપવામાં આવેલ સૌથી  મોટી રકમ છે. દુષ્કર્મનો દોષી સિક્યોરિટી ગાર્ડ જેલમાં 20 વર્ષની સજા ભોગવી રહ્યો છે. પીડિતાનો રેપ થયો ત્યારે તે સગીર હતી.

પીડિતાની માતા રેનેટા ચેસ્ટન થૉર્ટને 2015માં કેસ નોંધાવ્યો હતો. કેસમાં દોષી કરાર થયેલો બ્રેન્ડન લમાર જકારી એક સિક્યોરિટી એજન્સીમાં કામ કરતો હતો. પીડિતાએ જ્યૂરીના નિર્ણયની સ્વીકારતા કહ્યું કે, ‘મારા કેસમાં આપવામાં આવેલા ચુકાદો દેખાડે છે જો તમે ન્યાય મેળવવા માટે દૃઢ હોવ તો અંત સારો થાય છે.’ એક ન્યૂઝ એજન્સી અનુસાર 2012માં પોતાના બૉયફ્રેન્ડના એક મિત્રની બર્થ ડે પાર્ટીમાં હાજરી આપવા જોન્સબોરો (જ્યૉર્જિયા) ગઈ હતી. પીડિતાએ જણાવ્યું કે, જકારીએ હથિયારના દમ પર તેના બૉયફ્રેન્ડને નિયંત્રિત કરી લીધો અને બાદમાં બધાની સામે તેનો રેપ કર્યો. ત્યારે તેની ઉંમર 14 વર્ષની હતી.

પીડિયાની માતાએ બાબતે ક્રાઈમ પ્રિવેન્શન એજન્સી નામની સુરક્ષા એજન્સીને પણ આરોપી બનાવી હતી. ઘટના સમયે જકારી એજન્સીમાં કામ કરતો હતો. રેનેટાએ એજન્સીને બેદરકારી વર્તવા અને સુરક્ષા ગાર્ડને યોગ્ય ટ્રેનિંગ આપવાનો પણ આરોપ લગાવ્યો હતો. જ્યૂરીએ તેમના આરોપોને યોગ્ય માન્ય અને એજન્સીને એક અબજ ડૉલરનું વળતર આપવાનો આદેશ કર્યો છે.

જોકે, જ્યૂરીએ સ્પષ્ટ કર્યું કે, એજન્સીની ફાયનાન્શિયલ એબિલિટી હોવાથી વળતરની રકમમાં ફેરફાર થઈ શકે છે. પીડિતાએ એક ન્યૂઝ એજન્સીને જણાવ્યું કે, જ્યૂરીનો નિર્ણય સૂચવે છે કે, દરેકે મહિલાઓનું સન્માન કરવું જોઈએ. યુવતી હાલમાં ફોર્ટ વેલી સ્ટેટ યુનિવર્સિટીમાં સોશિયલ વર્કનું શિક્ષણ લઈ રહી છે. અમેરિકન કાયદા વિભાગ દરમિયાન દેશમાં દર વર્ષે દુષ્કર્મ અને યૌના હિંસા સાથે જોડાયેલા સરેરાશ 3.21 લાખ કેસ સામે આવે છે.

(12:16 am IST)
  • નોટબંધીનું પુરજોર સમર્થન કરનારા બિહારનાં મુખ્યમંત્રી નીતીશ કુમારે યૂ ટર્ન લેતા તેનાં પર સવાલો ઉભા કર્યા છે. એક નિવેદનમાં તેમણે કહ્યું કે, નોટબંધીનો લાભ જેટલો મળવો જોઇએ તેટલો નથી મળ્યો. લાભ કેમ નથી મળ્યો તેનું કારણ તેમણે જણાવ્યુ હતું. નોટબંધીની નિષ્ફળતા માટે તેમણે બેંકોને જવાબદાર ઠેરવી હતી. તેમણે કહ્યું કે દેશની પ્રગતીમાં બેંકોની ઘણી મોટી ભુમિકા છે. મુખ્યમંત્રીએ કહ્યું કે, બેંકોને જમા અને પૈસા ઉપાડવા તથા લોન આપવાનું જ કામ નથી કરવાનું, પરંતુ દરેકે દરેક સરકારી યોજનામાં પણ બેંકોની ઘણી મોટી ભુમિકા હોય છે. access_time 1:22 am IST

  • ઇરાકના તાનાશાહ સદ્દામ હુસૈન માટે તૈયાર કરાયેલ શાનદાર શિપને હવે હોટલ બનાવવા તૈયારી થઇ રહી છે 82 મીટર લાંબી આ શિપને 1981માં બનાવાઈ હતી,કિંગ સાઈઝ બેડ,મખમલના પડદા,સોનાથી સજાવેલા બાથરૂમ શીપમાં છે બરસા બ્રિજ નામથી આ શિપને હવે ઈરાકી સરકાર હોટલમાં રૂપાંતરિત કરવા વિચારણા કરી રહી છે બે વર્ષ સુધી આ શિપનો બરસા યુનિવર્સીટીએ પણ ઉપયોગ કર્યો હતો. access_time 7:18 am IST

  • રાજકોટ નેશનલ હાઈવે પર આવેલ ભૂણાવા ગામ સ્થિત વાઘેશ્વર મહાદેવના મંદિર પાસે મોડી રાત્રે કોઈ અજાણ્યા શકશો નવજાત બાળકને તરછોડી અને ભાગી છૂટ્યા : ગોંડલ બાલાશ્રમના ચેરમેન સહિતના કર્મચારીઓએ આ નવજાત બાળકને હોસ્પિટલમાં દાખલ કર્યું : પોલીસે વધુ તપાસ હાથ ધરી છે access_time 8:34 am IST