Gujarati News

Gujarati News

News of Friday, 27th March 2020

ખડખડાટ હસવાથી કોરોના વાઇરસનો ચેપ લાગે છે

નવી દિલ્હી તા. ૨૭ : કોરોના વાઇરસથી આખી દુનિયામાં અત્યાર સુધીમાં ૧૯,૦૦૦થી વધુ લોકોનાં મોત થયાં છે અને મોટી સંખ્યામાં લોકો સંક્રમણમાંથી પસાર થઈ રહ્યા છે. કોરોનાના વધતા કેરને જોતાં તેને ફેલાતો રોકવા માટે તમામ પ્રકારના સતત રિસર્ચ થઈ રહ્યા છે.

આ કડીમાં આઇસીએમઆર અને એમ્સજીએ સાથે મળીને પોતાના નવા રિસર્ચના આધાર પર નવી ગાઇડલાઇન રજૂ કરી છે. નવા રિસર્ચમાં દાવો કરાયો છે કે જોરથી હસવાથી પણ કોરોના વાઇરસના ફેલાવાનો ખતરો ઊભો થયો છે.

નવા રિસર્ચ પ્રમાણે કહ્યું છે કે સંક્રમિત વ્યકિત દ્વારા જોરથી હસવા પર પણ કોરોના વાઇરસ સ્વસ્થ લોકોને પોતાની ઝપટમાં લઈ શકે છે. ઇન્ડિયન કાઉન્સિલ ઓફ મેડિકલ રિસર્ચ એટલે કે આઇસીએમઆર અને ઓલ ઇન્ડિયા ઇન્સ્ટિટ્યુટ ઓફ મેડિકલ સાયન્સના ડોકટરની સાથે મળીને કોરોના વાઇરસના ફેલાવાને રોકવા માટે ગાઇડલાઇન્સ તૈયાર કરી છે.

રિસર્ચર્સનું કહેવું છે કે સંક્રમિત શખસ જોરથી હસે તો પણ કોરોના વાઇરસ ફેલાવાનો ખતરો ઊભો થઈ શકે છે. જોકે કોરોના સંક્રમિત શખસ જોરથી હસે તો વાઇરસ ડ્રોપલેટના માધ્યમથી બહાર નીકળે છે, જેનાથી આસપાસના લોકો તેની ઝપટમાં આવ્યા તો તેઓ પણ સંક્રમિત થવાનો ખતરો હોઈ શકે છે.

(11:37 am IST)
  • ગુજરાતના ગોધરા, વડોદરા, અમદાવાદ, દાહોદ, સુરત, રાજકોટ, મોરબી, જામનગર, જૂનાગઢ, કચ્છ, પોરબંદરમાં સીઆરપીએફ તૈનાત : કોરોના સંદર્ભે દેશભરમાં લોકડાઉન જાહેર કર્યુ છે, તેમ છતાં કેટલાક શહેરોમાં લોકો ગંભીરતા સમજ્યા વગર ચાલુ દિવસોની માફક સામુહિક રીતે ખરીદીમાં નિકળી પડે છે. એટલુ જ નહિં જે ડીસ્ટન્સ રાખવુ જોઈએ તેવું (એક મીટર) કરતાં નથી. પોલીસ સાથે ઉગ્ર દલીલો કરી રહ્યા છે. આવી પરિસ્થિતિમાં કર્ફયુ વગર લોકોને કંટ્રોલ કરવા અર્ધ લશ્કરી દળો તૈનાત કરવાનો રાજયના પોલીસ વડાએ નિર્ણય કર્યો છે. પ્રાપ્ત થતા નિર્દેશો મુજબ વડોદરામાં વણસી જતી પરીસ્થિતિને કન્ટ્રોલ કરવા પોલીસ કમિશ્નરશ્રી ગેહલોતે પોલીસ - સ્થાનિકો વચ્ચેનો સંઘર્ષ અટકાવવા માટે રેપીડ એકશન ફોર્સની એક ટુકડી તૈનાત કરાયાનું બહાર આવ્યુ છે. access_time 4:16 pm IST

  • ભુજમાં અટવાયેલા ૮૦ લોકો ઘેર રવાના :હોટેલમાં કામ કરતા લોકોને વ્હારે તંત્ર : વહીવટી તંત્ર-પોલીસ દ્વારા કરાઈ વ્યવસ્થા: બે બસ લોકો ભીલોડા જવા થયા રવાના access_time 10:42 pm IST

  • રિઝર્વ બેન્કે આપણી અર્થ વ્યવસ્થા સુરક્ષિત રાખવા માટે મોટા પગલા લીધા : નરેન્દ્રભાઈ : કોરોના વાયરસની અસરથી આપણી અર્થવ્યવસ્થાને સુરક્ષિત રાખવા આજે રિઝર્વ બેન્કે મોટા પગલાઓ લીધા છે : આ જાહેરાતોથી લિકવીડીટીમાં સુધારો થશે, ફંડની કિંમતો ઘટશે જેનાથી મધ્યમ વર્ગ અને ધંધાને મદદ મળશે : વડાપ્રધાન નરેન્દ્રભાઈ મોદી access_time 4:18 pm IST