Gujarati News

નવી દિલ્હી તા. ૨૭ : સરકાર પીળી મટર દાળ એટલે કે ચણાની દાળનો ઇમ્પોર્ટ કવોટા વધારી શકે છે. કવોટા વધારવા અંગે કૃષિ મંત્રાલયે રિપોર્ટ માંગ્યો હતો. કૃષિ મંત્રાલયના અહેવાલ મુજબ, ઇમ્પોર્ટ કવોટા લાગવાના કારણે દાળની કિંમતમાં ૫૦ ટકાનો વધારો થયો છે. આ વધારો થવાના કારણે મોંઘવારીનો માર સામાન્ય વર્ગેને પરેશાન કરી શકે છે. હાલમાં આ દાળનો ઇમ્પોર્ટ કવોટા ૧ લાખ ટનનો છે.

કૃષિ મંત્રાલયના અહેવાલ મુજબ દેશમાં પીળી દાળની ખપત ૩૦ લાખ ટન છે. જયારે ઉત્પાદન ૧ લાખ ટન છે. આ અસમતોલન પરથી સ્પષ્ટ થાય છે કે જો દાળનો ઇમ્પોર્ટ કવોટા વધે અને તેની કિંમતમાં સતત વધારો થાય તો ગૃહિણીઓનું બજેટ ખોરવાઈ શકે છે.

સરકારે એપ્રિલ ૨૦૧૮માં ચણાની દાળનો કવોટા નક્કી કર્યો હતો. કૃષિ મંત્રાલયની માહિતી મુજબ, ગ્રાહકોની ખાણી પીણીની પેટર્ન બદલાઈ રહી છે જેના કારણે ચણાની દાળની કિંમતો વધી રહી છે.