Gujarati News

Gujarati News

News of Saturday, 27th February 2021

કંગના રનૌત કેસ: ફેક ઈમેલ મામલે ક્રાઈમ બ્રાન્ચે ઋતિક રોશનની પોણા ત્રણ કલાક કરી પૂછપરછ

મુંબઈ: કંગના રનૌત ઈમેલ વિવાદમાં આજે બોલિવૂડ અભિનેતા ઋતિક રોશનની મુંબઈ ક્રાઈમ બ્રાન્ચે લગભગ પોણા ત્રણ કલાક સમય સુધી પૂછપરછ કરી હતી. ઋતિક આજે સવારે 11 વાગ્યાને 40 મિનિટ પર ક્રાઈમ બ્રાન્ચની ઓફિસ પહોંચ્યો હતો અને પૂછપરછ બાદ 2 વાગ્યાને 20 મિનિટ પર બહાર નીકળ્યો હતો

ક્રાઈમ બ્રાન્ચે ઋતિક રોશનને ફેક ઈમેલ મોકલવા મામલે 2016માં સમન્સ પાઠવ્યું હતું. ઋતિક રોશન પર આરોપ છે કે, તેણે પોતાની કો-સ્ટાર અને એક્ટ્રેસ કંગના રનૌતને ફેક ઈમેલ મોકલ્યો હતો. ક્રાઈમ બ્રાન્ચે ઋતિક રોશનને શનિવારે કમિશ્નર ઓફિસના ક્રાઈમ ઈન્ટેલિજન્સેસ યૂનિટમાં હાજર થવા કહ્યું હતું

વર્ષ 2016માં ઋતિકે એક ફરિયાદ દાખલ કરી હતી. તેમાં કહેવામાં આવ્યું હતું કે, કોઈ શખ્સે તેમની ફેક ઈમેલ આઈડી બનાવીને કંગનાને મેલ કર્યો હતો. તેના બાદથી ઋતિક અને કંગના વચ્ચે વિવાદ ચાલી રહ્યો છે. આ મામલે આઈપીસી ધારા 419, આઈટી એક્ટ ધારા 66 સી અને 66 ડી હેઠળ સાઈબર પોલીસ સ્ટેશનમાં કેસ નોંધવામાં આવ્યો છે.

(8:33 pm IST)
  • બે દાયકા પહેલા રાજનાથસિંહે બાળક લીધો હતો દત્તક : તેના લગ્નમાં પહોંચી આશીર્વાદ આપ્યા :રક્ષામંત્રી રાજનાથસિંહે કહ્યું હું જયારે ઉત્તરપ્રદેશનો મુખ્યમંત્રી હતો ત્યારે વિજેન્દરના અભ્યાસનો ખર્ચ ઉઠાવવા નક્કી કર્યું હતું : આજે ડોક્ટર તરીકે જોઈને ખુબ ખુશી થઇ છે access_time 12:40 am IST

  • કોરોનાનો કહેર વધતા આંતરરાષ્ટ્રીય યાત્રી ઉડાનો પર 31મી માર્ચ સુધી પ્રતિબંધ લંબાવાયો : DGCAએ ભારત આવનારી અને અહીંથી જનાર વાણિજ્યીક આંતરરાષ્ટ્રીય ઉદયન પર પ્રતિબંધ 31 માર્ચ સુધી વધારી દીધો access_time 12:48 am IST

  • સવારે ૪ાા વાગે સુરત નજીક હળવો ભૂકંપ : વહેલી સવારે ૪.૩૫ વાગ્યે સુરત પાસે ૩.૧ની તીવ્રતાનો હળવો ભૂકંપનો આંચકો અનુભવાયો છે. ભૂકંપનું કેન્દ્ર બિંદુ સુરતથી ત્રીસેક કિ.મી. દૂર નોંધાયું હતું. હળવો ભૂકંપ હોય કેન્દ્ર બિંદુ આસપાસના વિસ્તારો સિવાય ખાસ અસર જોવા મળી ન હોવાનું ચર્ચાય છે. access_time 12:44 pm IST