Gujarati News

Gujarati News

News of Wednesday, 27th January 2021

પત્નિ છોડી જતી રહી તો ૧૮ મહિલાઓની કરી હત્યા

સીરીયલ કિલરને હૈદરાબાદ પોલીસે દબોચ્યો

હૈદરાબાદ, તા.૨૭: તેલંગાણાની રાજધાની હૈદરાબાદમાં પોલીસે ૪૫ વર્ષીય એક પુરુષની ધરપકડ કરી છે, જે ૧૮ મહિલાઓની હત્યા સહિતના વિવિધ ગુનાના આરોપમાં છે. આ વ્યકિતની ધરપકડ થતાં પોલીસે તાજેતરમાં બે મહિલાઓની હત્યા કર્યાનું રહસ્ય પણ ઉકેલી લીધું છે.

હૈદરાબાદ સિટી પોલીસ ટાસ્ક ફોર્સના અધિકારીઓ અને રચકોંડા પોલીસ કમિશનરના અધિકારીઓએ સંયુકત ઓપરેશનમાં આ વ્યકિતની ધરપકડ કરી હતી. આરોપી વ્યકિત શહેરમાં પત્થરનું કામ કરે છે. આ પહેલા પણ તે ૨૧ કેસમાં ધરપકડ કરાઈ છે. તેમાંથી ૧૬ હત્યાના છે. ચાર કેસ સંપત્ત્િ।ના વિવાદથી સંબંધિત છે, જયારે એક કેસ પોલીસ કસ્ટડીમાંથી ભાગી જવાનો છે.

પોલીસ સૂત્રોએ જણાવ્યું હતું કે તેના લગ્ન ૨૧ વર્ષની ઉંમરે થયા હતા, પરંતુ ખૂબ જ ઓછા સમયમાં તેની પત્ની બીજા -પુરુષ સાથે ભાગીગઈ હતી. આ પછી તેણે મહિલાઓને નફરત કરવાનું શરૂ કર્યું. પોલીસના જણાવ્યા મુજબ, તેણે વર્ષ ૨૦૦૩ થી મહિલાઓ વિરુદ્ઘ ગુનાઓ શરૂ કર્યા હતા અને એકલી મહિલાઓને જાતીય તરફેણ માટે પૈસાની લાલચ આપતો હતો અને ત્યારબાદ તેને તેનો શિકાર બનાવતો હતો.

પોલીસે જણાવ્યું હતું કે દારૂ કે તાડી પીધા પછી તે પીડિતોને મારી નાખતો હતો અને ત્યારબાદ તેની કિંમતી ચીજવસ્તુઓની ચોરી કરીને ભાગી જતો હતો.

(4:10 pm IST)
  • કિસાનોની ટ્રેકટર પરેડ રેલી અંગે એકશન શરૃઃ હિંસાની રર એફઆઇઆર નોંધાઇ : દિલ્હીમાં ગઇકાલે થયેલી હિંસા મામલે હવે પગલા શરૂ થયા છે. અત્યાર સુધીમાં રર એફઆઇઆર નોંધવામાં આવી છે. વિડીયો સીસીટીવી ફુટેજ જોઇને ઉપદ્રવીઓની ઓળખ થઇ રહી છે. સ્પેશ્યલ સેલ ક્રાઇમ બ્રાંચ એકશન મોડમાં access_time 11:47 am IST

  • દેશમાં કોરોના થાક્યો :નવા કેસ કરતા સ્વસ્થ થનારની સંખ્યામાં વધારો:એક્ટિવ કેસના આંકમાં સતત ઘટાડો : રાત્રે 11 વાગ્યા સુધીમાં કોરોનાના નવા 11,146 કેસ નોંધાયા :કુલ કેસની સંખ્યા 1,07,01,427 થઇ :એક્ટિવ કેસ 1,70,835 થયા: વધુ 13,930 દર્દીઓ સ્વસ્થ થતા કુલ 1,03,72,258 થયા :વધુ 111 લોકોના મોત સાથે કુલ મૃત્યુઆંક 1,53,862 થયા access_time 1:05 am IST

  • કલેકટરે ખેડૂતોને ૪૧ પ્રશ્નો અંગે આચાર-સંહિતા સંદર્ભે મીટીંગની 'ના' પાડી દિધી : ભારતીય કિસાન સંઘ આજે ૪૧ પ્રશ્નો અંગે કલેકટર સમક્ષ દોડી આવ્યું હતું: મીટીંગ થનાર હતી પરંતુ કલેકટરે પ્રશ્નોનો કાગળ લઇ આચાર સંહિતા હોય મીટીંગ અને પ્રશ્નોના 'નિકાલ' અંગે હાલ ના પાડી દીધીઃ રાજય ચૂંટણી પંચનું માર્ગદર્શન લઇ બાદમાં મીટીંગ યોજાશે access_time 3:35 pm IST