Gujarati News

Gujarati News

News of Wednesday, 27th January 2021

ખેડૂતોની ટ્રેકટર રેલીમાં ૩૦૦થી વધુ પોલીસને ઇજા

આઠ બસો અને ૧૭ ખાનગી વાહનોને નુકસાન

નવી દિલ્હી તા. ૨૭ : પ્રજાસત્તાક દિન પર રાષ્ટ્રીય પાટનગરમાં ખેડૂત ટ્રેકટર પરેડ દરમિયાન થયેલી હિંસામાં ૩૦૦ થી વધુ પોલીસ જવાન ઘાયલ થયા હતા. દિલ્હી પોલીસે આજે તેના વિશે માહિતી આપી છે. આજે સવાર સુધી પોલીસે ઉપદ્રવના કેસોમાં કુલ ૨૨ એફઆઈઆર નોંધી છે.

લોકનાયક હોસ્પિટલના મેડિકલ ઓફિસર ડો.સુરેશ કુમારે જણાવ્યું હતું કે ટ્રેકટર પરેડમાં ઘાયલ થયેલા કુલ ૮૬ લોકોને ગઈકાલે હોસ્પિટલમાં લાવવામાં આવ્યા હતા. તે પૈકી, ૭૪ પોલીસ અને ૧૨ આંદોલનકારીઓ હતા. ૮૬ લોકોમાંથી ૨૨ લોકોને લોક નાયક હોસ્પિટલમાં અને ૬૪ લોકોને સુશ્રુત ટ્રોમા સેન્ટરમાં સારવાર માટે લાવવામાં આવ્યા હતા. સુરેશ કુમારે જણાવ્યું કે હાલમાં બુધવારે પાંચ જણાને એડમિટ કરવામાં આવ્યા છે. બાકીની પ્રાથમિક સારવાર બાદ રજા આપવામાં આવી છે. હાલમાં દાખલ કરાયેલા પાંચમાંથી ત્રણ પોલીસકર્મીને માથામાં ઈજા અને ફ્રેકચરની સમસ્યા છે. દિલ્હી પોલીસે કહ્યું કે મોટાભાગના પોલીસકર્મી મુકરબા ચોક, ગાઝીપુર, આઇટીઓ, સીમાપુરી, નાંગલોઇ ટી પોઇન્ટ, ટીકરી બોર્ડર અને લાલ કિલ્લા પર થયેલી હિંસામાં ઘાયલ થયા છે. પોલીસ સૂત્રોના જણાવ્યા અનુસાર અસામાજિકોએ ડીટીસીની આઠ બસો સહિત ૧૭ ખાનગી વાહનોને નુકસાન પહોંચાડ્યું છે. ગાઝીપુર, સિંઘુ અને ટીક્રી બોર્ડર પર વિરોધીઓ દ્વારા પોલીસ બેરિકેડ પણ તોડવામાં આવ્યા હતા.

(3:44 pm IST)
  • લાલ કિલ્લા મેટ્રો સ્ટેશનને છોડીને બધા જ મેટ્રો સ્ટેશન ખૂલ્યા, પરિસ્થિતિ સામાન્ય : દિલ્હી મેટ્રો access_time 11:49 am IST

  • ક્રિકેટના દાદા ફરી હોસ્પિટલમાં : બીસીસીઆઇના અધ્યક્ષ સૌરવ ગાંગુલીને ફરી હોસ્પિટલમાં દાખલ કરાયા, ૨ જાન્યુઆરીઓ આવ્યો હતો હ્લદયરોગનો હુમલો access_time 3:09 pm IST

  • ફેસબુક વાપરતા ૬૦ લાખ ભારતીયોના ફોન નંબર વેચવા મુકાયા મોટો ખળભળાટ: ફેસબુકનો ઉપયોગ કરી રહેલા ૬૦ લાખ જેટલા ભારતીય લોકોના ફોન નંબર ટેલિગ્રામ ઉપર વેચવા માટે મૂકવામાં આવ્યા છે access_time 8:07 pm IST