Gujarati News

Gujarati News

News of Wednesday, 27th January 2021

ટ્રેકટર રેલી હિંસા બાદ

હવે કિસાન આંદોલનનું શું થશે? ઉઠતો સવાલ

નવી દિલ્હી, તા.૨૭: છેલ્લા બે મહિનાથી શાંતિપૂર્ણ રીતે ચાલી રહેલા ખેડૂત આંદોલને મંગળવારે પ્રજાસત્તાક દિન નિમિત્તે હિંસક રૂપ ધારણ કર્યું હતું. હદ તો ત્યારે થઈ ગઈ જયારે ખેડૂત પ્રદર્શનકારીઓનું એક જૂથે લાલ કિલ્લા પર પહોંચીને તેમનો ધ્વજ ફરકાવ્યો હતો. ખેડૂત નેતાઓએ આ દ્યટનાને શરમજનક ગણાવી હતી. પંજાબના સીએમ કેપ્ટન અમરિંદર સિંહથી લઈને એનસીપીના નેતા શરદ પવાર સુધીની હિંસાની નિંદા કરી છે. સરકાર સાથે આગામી વાટાદ્યાટો કયારે થશે તે અંગે કોઈ સ્પષ્ટતા થઈ નથી અને મંગળવારની ઘટના બાદ મૂંઝવણ વધી છે. હવે સવાલ એ છે કે કેન્દ્ર સરકારના કૃષિ કાયદાને પાછો ખેંચવાની માંગ પર છેલ્લા બે મહિનાથી દિલ્હીની બોર્ડર વિરોધ કરી રહેલા ખેડૂતોનું શું થશે? ખેડૂત આંદોલન હવે કઈ રાહ પર છે?

ખેડૂત સંઘોનું કહેવું છે કે તેમની આગામી યોજના બજેટ દિવસે સંસદ સુધી કૂચ કરવાની છે, જે હાલમાં રદ કરવામાં આવી નથી. જો કે, મંગળવારની હિંસા બાદ હવે કોર્ટ અને કેન્દ્ર સરકાર ભાગ્યે જ દયા બતાવશે. ખેડૂત સંઘોને અત્યાર સુધીમાં અનેક નોટિસો મળી છે અને ટ્રેકટર રેલી તેમના કાબૂમાંથી કેવી રીતે બહાર નીકળી તે અંગે પણ તેમની પૂછપરછ કરી શકાય છે. અખિલ ભારતીય કિસાન સભાના પી.કૃષ્ણા પ્રસાદ અને જય કિસાન આંદોલનના અવિક સહાનું માનવું છે કે, દિલ્હીમાં ખેડૂત ટ્રેકટર રેલીએ અન્ય રાજયોના ખેડુતોને પ્રોત્સાહન આપ્યું છે. રોહતક ટિકરી બોર્ડર પર ટ્રેકટર રેલીમાં ભાગ લેનારા પ્રસાદે કહ્યું, 'આવી ઘટનાઓ આંદોલનને નબળી પાડી શકશે નહીં. તે હવે એક જન આંદોલન બની ગયું છે અને દેશભરમાં ફેલાયું છે. હવે લોકો ખેડૂત સંગઠનોના નેતૃત્વમાં નથી.

મંગળવારે થયેલી હિંસાથી આંદોલનના હેતુને નુકસાન થશે? તેના પર અવિક સાહા કહે છે, તે ફકત એક જ જૂથના કારણે થયું હતું અને તેણે આટલો તોફાન કર્યો હતો જે અસ્વીકાર છે. અમે બધા તેની નિંદા કરીએ છીએ. અમે તેની સમીક્ષા કરીશું અને સામૂહિક નિર્ણય લઈશું.

એવું માનવામાં આવે છે કે આ અઠવાડિયાથી શરૂ થતા બજેટ સત્ર દરમિયાન કિસાન ટ્રેકટર રેલી દરમિયાન થતી હિંસાનો મુદ્દો સંસદમાં ઉઠાવવામાં આવશે, જેનાથી ભારે હંગામો થાય તેવી અપેક્ષા છે. સત્ર દરમિયાન, સરકાર એ પણ નિર્દેશ કરશે કે તેમણે નવા કાયદાને દોઢ વર્ષ સુધી લાગુ નહીં કરવાની દરખાસ્ત કરી હતી જેને ખેડૂત સંઘે નકારી કાઢી હતી અને આ પછી મંગળવારે હિંસક રેલી કાઢવામાં આવી હતી.

મંગળવારે દિલ્હીમાં તોફાન અને પોલીસ પર હુમલા અંગે સરકાર સ્ટેન્ડ લેવામાં ખૂબ જ સાવચેતી રાખી રહી છે. સરકાર કોઈપણ રીતે તેના સ્ટેન્ડની ખેડૂત વિરોધી તસવીર ન બનાવવાનો પ્રયાસ કરી રહી છે, જે અન્ય ભાગોમાં રહેતા ખેડૂત સમાજના લોકોને નારાજ કરી શકે છે. આ જ કારણ છે કે ગઈકાલની ઘટના અંગે હજી સુધી કોઈ પણ કેન્દ્રીય મંત્રીનું નિવેદન આવ્યું નથી.

સૂત્રોના જણાવ્યા અનુસાર, સરકાર હવે આંકલન કરશે કે શું થયું અને પરિસ્થિતિઓ કયા બગડી. સરકાર માટે પહેલી પ્રાથમિકતા દિલ્હીમાં કાયદો અને વ્યવસ્થાની પુનૅંસ્થાપના છે. સરકાર માની રહી છે કે, મંગળવારની ઘટનાથી ખેડુતોના આંદોલનને જ દ્યણું નુકસાન થયું છે. જયારે સુપ્રીમ કોર્ટે સુનાવણી દરમિયાન કહ્યું હતું કે રેલી શાંતિપૂર્ણ થવી જોઈએ.

(3:44 pm IST)
  • IPLનું ૧૮ ફેબ્રુઆરીએ ચેન્નાઇમાં ઓકશન : આઈપીએલ ૨૦૨૧નું ઓકશન ૧૮ ફેબ્રુઆરીએ ચેન્નાઈમાં યોજાશે : મુંબઈ ઈન્ડિયન, ચેન્નાઈ, કોલકતા સહિત ૮ ટીમો તેમાં ભાગ લેશે : તાજેતરમાં જ દરેક ટીમોએ પોતાના ખેલાડીઓને રીલીઝ અને રીટર્ન કર્યા છે access_time 4:08 pm IST

  • ક્રિકેટના દાદા ફરી હોસ્પિટલમાં : બીસીસીઆઇના અધ્યક્ષ સૌરવ ગાંગુલીને ફરી હોસ્પિટલમાં દાખલ કરાયા, ૨ જાન્યુઆરીઓ આવ્યો હતો હ્લદયરોગનો હુમલો access_time 3:09 pm IST

  • ફેસબુક વાપરતા ૬૦ લાખ ભારતીયોના ફોન નંબર વેચવા મુકાયા મોટો ખળભળાટ: ફેસબુકનો ઉપયોગ કરી રહેલા ૬૦ લાખ જેટલા ભારતીય લોકોના ફોન નંબર ટેલિગ્રામ ઉપર વેચવા માટે મૂકવામાં આવ્યા છે access_time 8:07 pm IST