Gujarati News

Gujarati News

News of Wednesday, 27th January 2021

પેટના દુઃખાવાથી ચીસાચીસ કરતા દર્દીની સર્જરીમાં જે દેખાયું તે જોઈ ડોકટર્સ ચોંકી ઉઠયા

ત્રણ વર્ષથી બીપી અને શુગરની ગોળી લઈ રહ્યા હતા ૫૭ વર્ષીય પેશન્ટને ભૂખ જ નહોતી લાગતી, કંઈક ખાય તો તરત જ ઉલ્ટી થઈ જતી

કોલકાતા, તા.૨૭: મનોજ ભલોતિયા નામના એક શખ્સને જયારે હોસ્પિટલ લવાયો ત્યારે તે પેટમાં થઈ રહેલા અસહ્ય દુઃખાવાથી ચીસાચીસ કરી રહ્યો હતો. તેને ભૂખ જ નહોતી લાગી રહી, અને જો કંઈ ખાવા જાય તો તરત જ ઉલ્ટી થઈ જતી હતી. લોકડાઉન દરમિયાન તેને લકવાનો હુમલો આવ્યો હતો, અને તેના શરીરનો ડાબો હિસ્સો લકવાગ્રસ્ત બની ગયો હતો. પરંતુ તેને પેટમાં અચાનક શું થઈ રહ્યું છે તે ડોકટરોની સમજની પણ બહાર હતું.

આખરે, દર્દીના પેટનો પ્ય્ત્ કરવામાં આવ્યો, જેમાં તેના પેટમાં કંઈક અજુગતું દેખાયું. પ્ય્ત્ રિપોર્ટમાં દર્દીના પેટમાં નાની-નાની વટાણાના કદ જેવી વસ્તુઓ દેખાઈ રહી હતી. ડોકટર્સ સમજી ગયા કે દર્દીને આ વસ્તુને કારણે જ અસહ્ય દુૅંખાવો થઈ રહ્યો છે. પરંતુ, પેશન્ટના પેટમાં દેખાઈ રહેલો આ 'ફોરેન ઓબ્જેકટ' આખરે શું છે તે ડોકટર્સને પણ સમજમાં નહોતું આવી રહ્યું. આખરે દર્દીની તાત્કાલિક સર્જરી કરીને તેના પેટમાં દેખાઈ રહેલો આ પદાર્થ કાઢવાનું નક્કી કરાયું હતું.

આખરે જયારે ઓપરેશન થિયેટરમાં પેશન્ટનું પેટ ખોલવામાં આવ્યું ત્યારે ડોકટર્સને તેના નાના આતરડામાંથી સેંકડોની સંખ્યામાં નાની-નાની ટેબ્લેટ્સ મળી. દર્દીની મેડિકલ હિસ્ટ્રીમાં જાણવા મળ્યું કે, ૨૦૧૬થી તેઓ ડાયાબિટિસ અને હાઈ બીપીની ગોળી લઈ રહ્યા હતા. જોકે, ગયા વર્ષે સ્ટ્રોકનો હુમલો આવતા તેમણે દવા લેવાનું બંધ કરી દીધું હતું.

ડોકટર્સને એ પણ જાણવા મળ્યું હતું કે, પેશન્ટ જે દવાઓ લઈ રહ્યા હતા તે ડાયાબિટિસ અને બીપીમાં લેવાતી સામાન્ય દવાઓની અવેજમાં જે દવાઓ લેવાય છે તે હતી. દર્દીની સર્જરી કરનારા ડો. દેબ કુમાર રોયના જણાવ્યા અનુસાર, દર્દી ઈચ્છે તો અલ્ટરનેટિવ મેડિસિન્સ લઈ શકે છે, પરંતુ તેને કવોલિફાઈડ ડાઙ્ખકટર્સની સલાહ વિના લેવાનું ગંભીર પરિણામ આવી શકે છે.

આ કેસમાં દર્દી જે દવાઓ છેલ્લા ત્રણ વર્ષથી લઈ રહ્યા હતા તે ખરેખર તો તેમના પેટમાં જ જામી ગઈ હતી, અને તેનું પાચન નહોતું થયું. ૫૬ વર્ષના પેશન્ટના આતરડામાં આ દવાઓ હજારોની સંખ્યામાં ભેગી થઈ જતાં તેમને ભૂખ લાગવાનું બંધ થઈ ગયું હતું, અને તેમના પેટમાં કશુંય ટકતું જ નહોતું. એટલું જ નહીં, તેના કારણે તેમને અસહ્ય દુૅંખાવો થવાનું પણ શરુ થયું હતું.

પેશન્ટના પત્નીએ જણાવ્યું હતું કે, તેમને પેટમાં ઘણા સમયથી દુઃખાવો રહેતો હતો, અને તેઓ ગમે તે ખાય તે સાથે જ તેમને ઉલ્ટી થઈ જતી હતી. તેમના શરીરમાં ડિહાઈડ્રેશન થઈ ગયું હતું, અને સ્થિતિ કાબૂ બહાર જતાં તેમને હોસ્પિટલ લઈ જવાયા હતા. ડોકટરે જયારે જણાવ્યું કે તેમના પેટમાં હજારો ટેબ્લેટ્સ ભેગી થઈ છે ત્યારે તે સાંભળી અમને પણ આંચકો લાગ્યો હતો.

(3:37 pm IST)
  • ક્રિકેટના દાદા ફરી હોસ્પિટલમાં : બીસીસીઆઇના અધ્યક્ષ સૌરવ ગાંગુલીને ફરી હોસ્પિટલમાં દાખલ કરાયા, ૨ જાન્યુઆરીઓ આવ્યો હતો હ્લદયરોગનો હુમલો access_time 3:09 pm IST

  • કલેકટરે ખેડૂતોને ૪૧ પ્રશ્નો અંગે આચાર-સંહિતા સંદર્ભે મીટીંગની 'ના' પાડી દિધી : ભારતીય કિસાન સંઘ આજે ૪૧ પ્રશ્નો અંગે કલેકટર સમક્ષ દોડી આવ્યું હતું: મીટીંગ થનાર હતી પરંતુ કલેકટરે પ્રશ્નોનો કાગળ લઇ આચાર સંહિતા હોય મીટીંગ અને પ્રશ્નોના 'નિકાલ' અંગે હાલ ના પાડી દીધીઃ રાજય ચૂંટણી પંચનું માર્ગદર્શન લઇ બાદમાં મીટીંગ યોજાશે access_time 3:35 pm IST

  • દેશમાં કોરોના થાક્યો :નવા કેસ કરતા સ્વસ્થ થનારની સંખ્યામાં વધારો:એક્ટિવ કેસના આંકમાં સતત ઘટાડો : રાત્રે 11 વાગ્યા સુધીમાં કોરોનાના નવા 11,146 કેસ નોંધાયા :કુલ કેસની સંખ્યા 1,07,01,427 થઇ :એક્ટિવ કેસ 1,70,835 થયા: વધુ 13,930 દર્દીઓ સ્વસ્થ થતા કુલ 1,03,72,258 થયા :વધુ 111 લોકોના મોત સાથે કુલ મૃત્યુઆંક 1,53,862 થયા access_time 1:05 am IST