Gujarati News

Gujarati News

News of Wednesday, 27th January 2021

૬ વર્ષના પાંડેજીને લગ્ન કરવા છે અને પરિવારને મોટો કરવો છે

વાયરલ વીડિયોમાં આ બાળક પોતાની માતાને કહી રહ્યો છે કે તેના લગ્ન કરાવી દો

નવી દિલ્હી તા. ૨૮ : સોશિયલ મીડિયા  મનોરંજનનું એક માધ્યમ બની રહ્યું છે. અહીં રોજ નવા વીડિયો વાયરલ થતા રહે છે. હવે જયારે ૬ વર્ષના બાળકનો ફની વીડિયો એ ઈન્ટરનેટ પર ધૂમ મચાવી છે. આ વીડિયોમાં ૬ વર્ષના એક બાળકની વાત સાંભળીને તમને હસવાનું આવી જશે. પૂર્વ નૌસેના અધિકારી  હરિંદર સિક્કાએ પોતાના ટ્વિટર એકાઉન્ટ પર બાળકનો એક ફની વીડિયો શેર કર્યો છે.

પૂર્વ નૌસેના અધિકારી હરિંદર સિંહ સિક્કાએ આવીડિયો પ્રધાનમંત્રી નરેન્દ્ર મોદીને પણ શેર કર્યો છે. તેમાં તેમણે કેપ્શન આપી છે કે, યુવા પાંડેજી ૬ વર્ષના છે. તેઓ સ્માર્ટ, હેન્ડસમ, ગુડ લુકિંગ, બુદ્ઘિમાન અને નિશ્ચિત રૂપથી પપ્પુ નથી. સ્માર્ટ ફોન તેમના રમકડા છે. તેની વાત તર્ક પર આધારિત છે. તેઓ યોગ્ય પાત્રની શોધમાં છે.

વીડિયોમાં આ બાળક પોતાની માતાને કહી રહ્યો છે કે, તેના લગ્ન કરાવી દો. તેને એક પાર્ટનર મળી જશે, જે તેની માતાને કામમાં મદદ કરશે અને તેની સાથે ગેમ પણ રમશે.

વીડિયોમાં બાળક કહી રહ્યો છે કે, હાલ તો આપણો ત્રણ લોકોનો પરિવાર છે. લગ્ન બાદ તે ચાર થઈ જશે. તે પત્ની સાથે છૂપાછૂપ પણ રમવા માંગે છે. તેના પરિવારમાં અન્ય કોઈ સદસ્ય ન હોવાથી તે કોઈના સાથે રમી શકતો નથી. તેની માતાએ બાળકની આ બધી વાતો રેકોર્ડ કરી લીધી હતી. બાદમાં આ વીડિયોને સોશિયલ મીડિયા પર શેર કર્યો હતો.

બાળકની માસુમિયત પર માતા હસે પણ છે અને સતત તેને સવાલો પૂછીને તેના મનની વાતો જાણવાનો પ્રયાસ પણ કરે છે. આ વીડિયો સોશિયલ મીડિયા પર જોરદાર વાયરલ થઈ રહ્યો છે.

(1:02 pm IST)
  • આજે વિજયભાઇ રૂપાણીની અધ્યક્ષતામાં કેબિનેટ બેઠકઃ સ્થાનિક સ્વરાજની ચૂંટણીની તૈયારીઓ અંગે ચર્ચા કરશે, ધોરણ ૯ અને ૧૧ ની સ્કૂલો શરૂ કરવા અંગે પણ ચર્ચા થશેઃ ૪ મહાનગરોમાં કર્ફયુ અંગે પણ નિર્ણય લેવાઇ શકે છે access_time 11:20 am IST

  • દેશમાં કોરોના હાર્યો :નવા કેસ કરતા સ્વસ્થ થનારની સંખ્યામાં વધારો:એક્ટિવ કેસના આંકમાં સતત ઘટાડો : રાત્રે 11 -30 વાગ્યા સુધીમાં કોરોનાના નવા 11,526 કેસ નોંધાયા :કુલ કેસની સંખ્યા 1,06,89,267 થઇ :એક્ટિવ કેસ 1,74,193 થયા: વધુ 11,681 દર્દીઓ સ્વસ્થ થતા કુલ 1,03,56,888 થયા :વધુ 100 લોકોના મોત સાથે કુલ મૃત્યુઆંક 1,53,724 થયા access_time 12:48 am IST

  • ખેડૂત નેતા શિવકુમાર કક્કાએ ટ્રેક્ટર પરેડ દરમિયાન થયેલા હોબાળો માટે માફી માંગી : તેમણે કહ્યું કે હિંસાના ગુનેગારો સંયુક્ત ખેડૂત મોરચાના ભાગ નથી. શિવકુમાર કક્કા એક ખાનગી ચેનલ સાથે વાત કરી રહ્યા હતા. access_time 7:57 pm IST